1 Sam 21:4 - Kaqchiquel Bible

⁴ K'ari' ri sacerdote xubij chire ri David: Maneq relik kaxlan-wey wik'in, xaxe kaxlan-wey ri sujun chik chuwech ri Jehová k'o wik'in. Xtinya' k'a chawe wi ri achi'a' re e peteneq chawij kan e ch'ajch'oj, xa rik'in man ta e warneq kik'in ri kixjayilal, xcha'.

1 Sam 21:4 ပူးပေါင်းရင်းမြစ်များ

Ex 19:15

K'ari' rija' xubij chike: Kan tichojmirisala' k'a apo iwi' richin ri pa rox apo q'ij. Man kixk'oje' kik'in ri iwixjayilal, xcha'.

Ex 25:30

Kan jantape' k'a xtiya'ox ri kaxlan-wey pa ruwi' ri mesa, chinuwech yin, richin jun sipanik.

Wuj Richin ri Chojmirisabelri'il 15:18

Toq jun achin xk'oje' yan rik'in ri rixjayil, k'o chi ye'atin chi e ka'i'. Y chi e ka'i' xke'ok man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Zacarías 7:3

Xebech'on kik'in ri e sacerdote ri ek'o chupan ri rachoch ri Jehová, y chuqa' kik'in ri e q'alajirisey ruch'abel. Y xkik'utuj: ¿Ruk'amon kami yojoq' y yojmewayin chupan ri ro' ik', achi'el ri qabanon-pe k'a re wakami?, xecha'.

1 Corintios 7:5

Roma ri' ri k'ulan taq winaqi' man tikiq'et-ki' chi e ka'i'. Jak'a wi rije' nikajo' yech'on rik'in ri Dios, utz chi nikiya' chikiwech chi nikiq'et-ki' chire ri kirayibel richin jun ka'i-oxi' q'ij. Jak'a man utz ta chi richin k'iy q'ij nikiben keri', roma rik'in juba' ri Satanás nuya' pa kich'obonik richin nibekikanoj jun chik.

1 Sam 21:3

¿Wakami achike ta k'o awik'in richin nitij? ¿Maneq kaxlan-wey awik'in? Tabana' utzil taya' wo'o' chuwe o xabachike nawil-pe, xcha' ri David.

1 Sam 21:6

Chirij re', ri sacerdote xujech-apo ri kaxlan-wey chire ri David, roma man jun chik kaxlan-wey k'o ri q'ij ri'. Xa kan xaxe ri kaxlan-wey ri sujun chik, y elesan chik chiri' pa ruk'ojelibal, richin niya'ox kan meq'en pa ruk'exel.