1 Sam 20:8 - Kaqchiquel Bible

⁸ Tajoyowaj k'a nuwech roma kan qabanon jun jikibel-tzij chuwech ri Jehová, y wi kan ja yin ri in aj-mak, kan ja k'a rat xkakamisan wichin. Man k'atzinel ta yinak'uaj-el chuwech ri atata', xcha' ri David.

1 Sam 20:8 ပူးပေါင်းရင်းမြစ်များ

Wuj Richin ri Rutikeribel 24:49

Wakami k'a tibij ri qitzij chuwe, wi nijoyowaj ruwech ri wajaw richin niya-el ri xten chuwe. Y wi man niya' ta, tibij chuqa' chuwe, richin keri' yin xtinkanoj akuchi xkibe-wi, xcha' ri rusamajel ri Abraham.

Wuj Richin ri Rutikeribel 47:29

Y toq rija' xuna' chi nibeken yan, xuteq k'a royoxik ri José y xubij chire: Wi kan qitzij janila yinawajo', taya-pe la aq'a' chukojol ri wa', wi najoyowaj nuwech y wi kan qitzij ri nabij. Nink'utuj k'a utzil chawe chi man yinamuq ta re wawe' pan Egipto.

2 Sam 14:32

Y ri Absalón xubij chire ri Joab: Yin xinteq awoyoxik richin xape ta, roma ninwajo' chi nabebij chire ri rey ri achike roma xirelesaj-pe pa Guesur. Roma xa más ta utz ink'o kela'. Wakami ninwajo' nintz'et ruwech ri rey. Y wi ta k'o mak nubanon chuwech, kan kirukamisaj k'a, xcha'.

1 Crón 12:17

Y ri David xpe richin xeberuk'ulu-el, y xubij chike: Wi rix ix peteneq rik'in utzilej iwánima y richin yinito-el; xkixink'ul k'a rik'in ronojel wánima y xkixk'oje' wik'in. Jak'a wi xa ix peteneq richin chi yiniq'ol y yinijech-el pa kiq'a' ri etzelanel wichin, stape' xa man jun itzel nubanon chiwech; kan ja ta ri qa-Dios y ri ki-Dios ri qati't-qamama' xkixtz'eton y kan ta xtuya' ruk'ayewal pan iwi', xcha' ri David.

Wuj Richin Bix Chire ri Dios 116:11

Roma ri nuq'axo'n kan xinmalij k'a nuk'u'x, xinbij k'a chi konojel winaqi' xa e tz'ukuy taq tzij.

Wuj Richin Etamabel-Tzij 3:3

Ri joyowanik y ri qitzij kan awichin tabana' chike y man ke'amestaj kan; kan tabana' chi jebel ta yeq'alajin ri pan ak'aslen, achi'el niq'alajin jun ichinaj ri tzeqel chuwa-ak'u'x; kan tabana' k'a chi e tz'ibatel ta ri pan awánima.

Hechos 25:11

Wi k'o ta k'a mak ri nubanon y kan k'o chi yikamisex, man k'a chuqa' ninbij ta chi man kikamisex. Jak'a wi xa man jun chike ri nikibij chuwij nubanon, man jun k'a k'o ruq'a' chuwe richin yirujech ta el chike ri yebin chi k'o numak. Roma ri' ninwajo' chi kan ja ri César ri tiq'aton-tzij pa nuwi', xcha'.

Wuj Richin ri Josúe 2:14

Y ri nachanela' xkibij: Roj xtiqaya' qatzij chi kan xtiqakol ri ik'aslen, wi man xqojisujuj ta ri achike roma ojk'o wawe' roj, y toq ri Jehová xtuya' re ruwach'ulew re' chiqe, kan qitzij wi chi xtiqajoyowaj iwech, xecha'.

Wuj Richin ri Josúe 22:22

Ri Jehová Dios ri k'o pa kiwi' ri ch'aqa' chik dios, xtuq'alajirisaj chiwech ri qach'obonik, chi roj man xqaben ta q'anej re jun porobel re' richin yojyakatej chirij rija', roma wi ta keri' kan ja k'a rix ri xkixkamisan qichin ri'.

Wuj Richin ri Rut 1:8

Y jak'a toq kichapon-el bey, ri Noemí xubij chike ri rali': Más utz yixtzolin kan pa taq iwachoch chi'ijujunal. Kixtzolin kik'in ri ite' y ri Jehová xtujoyowaj ta iwech y xkixruto' ta, achi'el ri xiben kik'in ri ánima iwachijil y ri ibanon-pe wik'in yin.

1 Sam 18:1

Toq ri Saúl y ri David xetane' richin yetzijon, jari' toq ri Jonatán kan janila xrajo' ri David, y roma ri' xok rachibil. Kan xrajo' achi'el nrajo-qa-ri' rija'.

1 Sam 18:3

Ri Jonatán xujikiba' k'a rutzij chuwech ri David, roma kan janila nrajo'.

1 Sam 20:16

Keri' ri Jonatán xujikiba-rutzij rik'in ri David y kik'in ri aj pa rachoch y xubij: Ja ri Jehová ri xtibeya'on ruk'ayewal pa kiwi' ri e etzelanel awichin, y xtuya' ruk'exel chike ri itzel nikiben chawe, xcha'.

1 Sam 20:9

K'ari' ri Jonatán xubij chire: Rat man xtabek'uluwachij ta keri'. Wi yin wak'axan ta chi ri nata' keri' nuch'ob chawij richin yarukamisaj, xinbij yan ta chawe ri', xcha'.

1 Sam 23:18

Chi e ka'i' xkiben jun jikibel-tzij chuwech ri Jehová, y ri Jonatán xtzolej chirachoch. Jak'a ri David xk'oje' kan chiri' pa k'echelaj.