1 Sam 20:41 - Kaqchiquel Bible

⁴¹ Y toq ri ti ala' xbe yan, k'ari' ri David xpa'e-q'anej ri chiri' pa xokon, y chiri' oxi' k'a mul xxuke' y xulukuba-qa-ri' chuwech ri Jonatán. Y chiri' xkitz'ubaj-wi kan ki', y chi e ka'i' k'a xe'oq', jak'a ri David kan más janila xoq'.

1 Sam 20:41 ပူးပေါင်းရင်းမြစ်များ

Wuj Richin ri Rutikeribel 29:11

Ri Jacob xuq'ejela' k'a ri Raquel y xutz'ubaj, k'ari' janila xoq'.

Wuj Richin ri Rutikeribel 29:13

Toq ri Labán xrak'axaj chi xapon ri ruch'utik'ajol, junanin xberuk'ulu', xuq'etej y xutz'ubaj y xuk'uaj pa rachoch. Y ri Jacob xutzijoj chire ri Labán ronojel ri xuk'uluwachij.

Wuj Richin ri Rutikeribel 33:4

Jak'a ri Esaú junanin xbe chuk'ulik, xuq'etej y xutz'ubaj, y chi e ka'i' janila xe'oq'.

Wuj Richin ri Rutikeribel 42:6

Y ri q'atoy-tzij ri chiri' pa ruwach'ulew Egipto ja ri José, y ja rija' ri nik'ayin ri trigo chike konojel ri winaqi'. Y toq ri rach'alal xe'apon k'a qa, rije' kan xexuke-qa chuwech y xkiqasaj-qa-ki' k'a pan ulew.

Wuj Richin ri Rutikeribel 43:28

Y rije' kan rik'in k'a qasanri'il xkibij: Ri qatata' k'a k'es na, utz ruwech matiox, xecha' chire.

Wuj Richin ri Rutikeribel 45:15

K'ari' xerutz'ubaj konojel ri rach'alal, y toq xeruq'etej, janila xoq'. Chirij re', k'ari' xetikir xech'on ri rach'alal rik'in.

2 Sam 1:2

Y pa rox q'ij chi tapon ri David pa Siclag, xapon k'a jun ala' ri peteneq ri akuchi xek'oje-wi ri aj-labal ri xek'oje' rik'in ri Saúl. Y re ala' re' kan tzeretzik k'a rutziaq peteneq, y ruya'on-pe ulew pa rujolon, retal richin nibison. Toq rija' xapon rik'in ri David, kan xuqasaj-ri' chuwech richin xuya' ruq'ij.

2 Sam 1:26

Yin yibison janila awoma rat Jonatán, roma rat kan at achi'el jun wach'alal. Kan janila k'a at jebel xaben wik'in; janila jebel ri awajowabal ri xak'ut chinuwech yin; kan más k'a jebel chuwech ri kajowabal ri ixoqi'.

2 Sam 14:4

Xok k'a apo ri ixoq ri' rik'in ri rey, xulukuba-qa ri' k'a pan ulew, retal richin xuqasaj-ri' chuwech, y xuk'utuj utzil chire.

2 Sam 19:39

Y konojel k'a ri e beneq rik'in ri David xkiq'axaj k'a apo ri raqen-ya' Jordán nabey chuwech rija'. Y toq xeq'ax rija' y ri Barzilai, jari' toq xutz'ubaj kan y chuqa' xrurtisaj kan richin xkijech kan ki'. Y ri Barzilai xk'oje' k'a kan, y xtzolin-el pa rachoch.

2 Sam 9:6

Y xpe k'a ri Mefi-bóset ruk'ajol kan ri Jonatán y rumam kan ri Saúl. Y toq xapon rik'in ri David, xxuke-qa chuwech y xuya' ruq'ij. Y ri David xuk'utuj chi wi ja rija' ri Mefi-bóset. Y rija' xubij chi kan ja wi rija'.

1 Rey 1:16

Y ri Betsabé xulukuba-qa-ri' chuwech richin xuqasaj-ri', y ri rey xuk'utuj chire achike xuk'uluwachij.

1 Rey 1:23

Y xbeya'ox k'a rutzijol chire ri rey David chi ri q'alajirisey ruch'abel ri Dios nrajo' nich'on juba' rik'in. Xok k'a apo ri Natán y kan xulukuba-qa-ri' chuwech ri rey k'a pan ulew,

1 Rey 1:31

K'ari' ri Betsabé xxuke-qa y xulukuba-qa-ri' k'a pan ulew chuwech ri rey richin xuya' ruq'ij, y xubij: Wajaw, rey David, yin kan ninya' aq'ij richin q'asen, xcha'.

Hechos 20:37

Ri kimolon k'a ki' ri chiri' xe'oq', xkiq'etela' y xkitz'ubaj chuqa' ri Pablo.

1 Sam 10:1

K'ari' ri Samuel xuchop jun k'ojelibel nojineq chi aceite y xuq'ej pa rujolon ri Saúl. K'ari' xutz'ubaj y xubij chire: Ja ri Jehová xturtisan awichin. Ja rija' ri xacha'on richin xatok rey pa ruwi' ri tinamit Israel. Ja retal re' chi ja rija' ri xcha'on awichin.

1 Sam 18:3

Ri Jonatán xujikiba' k'a rutzij chuwech ri David, roma kan janila nrajo'.

1 Sam 20:40

K'ari' ri Jonatán xuya-el ri rukamisabal chire y xubij: Tak'uaj-el y kabiyin pa tinamit, xcha' chire.

1 Sam 24:9

Y xubij chire: Wajaw, ¿achike k'a roma nanimaj kitzij ri yebin chawe chi yin ninwajo' ninben itzel chawe?

1 Sam 25:23

Y toq ri Abigail xutz'et-apo ri David, jari' toq chi'anin xqaqa-qa chirij ri bur, y xulukuba-qa-ri' chuwech, k'a pan ulew.