1 Sam 20:32 - Kaqchiquel Bible

³² K'ari' ri Jonatán xubij chire ri rutata': ¿Achike k'a roma k'o chi niken ri David? ¿Achike k'a rumak rubanon chawech, richin keri' nabij?, xcha' chire.

1 Sam 20:32 ပူးပေါင်းရင်းမြစ်များ

San Mateo 27:23

K'ari' ri Pilato xubij chike ri winaqi': ¿Achike rumak rubanon chiwech?, xcha'. Jak'a ri winaqi' man yetane' ta qa. Xa rik'in más uchuq'a' xech'on-apo y nikibij: Xa tikamisex chuwech cruz, yecha'.

1 Sam 19:5

Y chuqa' kan xuya' ri ruk'aslen pa kamik toq xukamisaj ri Goliat. Ri Jehová xuya' kolotajik pa ruwi' ri qaruwach'ulew Israel. Rat xatz'et ri', y kan janila xakikot rik'in. ¿Achike k'a roma wakami nawajo' nakamisaj y xa maneq rumak rubanon chawech?, xcha' ri Jonatán chire ri rutata'.

San Lucas 23:22

Pa rox bey ri Pilato xubij k'a chike: ¿Achike k'a mak rubanon chiwech re jun achin re'? Yin man jun ch'a'oj ninwil chirij, richin chi niqaqa ta ri kamik pa ruwi'. Xtinteq k'a ruch'ayik, y k'ari' xtinwisq'opej-el, xcha'.

Wuj Richin ri Rutikeribel 31:36

Y ri Jacob janila xyakatej royowal roma ri', y xuch'ojij chire ri Labán rik'in re ch'abel re': ¿Achike numak xinben chawech, richin kan xinatzeqelibej-pe?

San Juan 7:51

¿Utz ta kami chuwech ri pixa' chi nibix chi jun achin k'o rumak, y xa man etaman ta, ni man ak'axan ta chuqa' wi qitzij chi k'o mak rubanon o xa man jun?, xcha'

Wuj Richin ri Jeremías 17:9

Xa ruyon q'oloj k'o pa ránima ri wineq. Man nuben ta ronojel pa ruchojmilal. Y kan man jun nitikir niq'ax chuwech ri nuch'ob.

Wuj Richin ri Molojri'il 9:3

Chuqa' yin xinwil ri man utz ta ri yebanatej chuwech ri ruwach'ulew, chi xa kan konojel junan nikik'uluwachij, jun chik chi ri ruch'obonik ri wineq xa nojineq rik'in etzelal, y rokik k'a e k'es xa kan xaxe ri etzelal ri yekiben y chi xa kan chi'anin k'a xkeken-el.

Wuj Richin ri Molojri'il 7:9

Man kan chi'anin tipe awoyowal, roma ri yebanon keri' xa ja ri winaqi' maneq kina'oj y kan k'o chik rusok ri oyowal pa kánima.

Wuj Richin Etamabel-Tzij 22:24

Man tarayij yatok rachibil jun wineq ri kan chi'anin nipe royowal; kan man k'a tawachibilaj ri wineq ri xa man niq'ax ta chuwech, stape' chi oyowal o chi utzil yach'on rik'in.

1 Sam 20:7

Jak'a wi ri atata' man jun xtubij, nel chi tzij chi k'o uxlanibel-k'u'x pa nuwi' yin, y wi niyakatej royowal, tawetamaj k'a chi k'o ruk'ayewal niberuya' pa nuwi'.

1 Sam 18:11

Y xuch'ob chi nuch'ik ri David chuwech ri jay, y xuk'eq ka'i' mul ri rukamisabal chirij ri David y rija' kan chi e ka'i' mul xtikir xujel.

1 Sam 19:4

Y ri Jonatán xch'on utz chirij ri David chire ri rutata' y xubij: Rat man ruk'amon ta richin nakamisaj ri David ri asamajel, roma rija' kan man jun itzel rubanon chawe. Ronojel ri samaj rubanon awik'in ruyon utzilej taq banobel.

1 Sam 22:14

Chirij re' ri Ahimélec xubij chire ri rey: ¿Achike k'a chike ri asamajela', kan nuben ri nubij, achi'el nuben ri David y chuqa' rija' kan aji', wajaw yin, y chuqa' aj-raqen pa kiwi' ri ye'ilin awichin, y kan janila ya'on ruq'ij chiri' pan awachoch?

1 Sam 20:1

K'ari' ri David xel-pe chiri' pa Naiot richin Ramá richin xpe rik'in ri Jonatán, y xubij chire: ¿Achike k'a nubanon yin? ¿Achike k'a numak nubanon chuwech ri atata' richin yirukanoj y kan nrajo' yirukamisaj?, xcha'.