1 Sam 20:3 - Kaqchiquel Bible

³ K'ari' ri David xuya' rutzij chuwech ri Jonatán y xubij chire: Ri atata' retaman jebel chi roj janila niqajo-qi'. Roma ri' rija' man xtubij ta chawe ri achike ri ruch'obon chuwij, richin keri' rat man yabison ta. Kan qitzij na wi, k'es k'a ri Jehová y k'es k'a ri awánima rat, chi ri nukamik yin xa naqaj chik k'o-wi, xcha'.

1 Sam 20:3 ပူးပေါင်းရင်းမြစ်များ

2 Sam 15:21

Jak'a ri Itai xubij: Ninjikiba' nutzij chawech pa rubi' ri Dios, chi rokik at k'es rat, yin kan xkatintzeqelibej richin k'aslen o kamik. Akuchi xkak'oje-wi rat, chiri' xkik'oje-wi yin, xcha'.

2 Rey 2:2

Y ri Elías xubij chire ri Eliseo: Wakami kakanej kan wawe', roma ri Jehová yiruteq pa tinamit Betel, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y k'ari' xebe junan k'a pa Betel.

2 Rey 2:4

Y ri Elías xubij chik jun bey chire ri Eliseo: Wakami kakanej kan wawe', roma ri Jehová yiruteq pa tinamit Jericó, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y xebe k'a junan pa Jericó.

2 Rey 2:6

Y ri Elías xubij chire: Nink'utuj utzil chawe chi kak'oje' kan wawe', roma ri Jehová yiruteq richin yibe pa raqen-ya' Jordán, xcha'. Y ri Eliseo xujikiba' rutzij chire ri Elías chi kan chuwech ri Jehová y chuwech ri Elías nubij chi kan man xtuya' ta kan. Y junan k'a xebe chi e ka'i'.

Wuj Richin Bix Chire ri Dios 116:3

Yin kan chuwi' kamik chik k'a ink'o-wi. Ri rukiy ri jul muqbel kamineq xa kan xoqaqa yan k'a chuwij. Xa kan ruyon chik k'a bis y q'axo'n ri wilon.

Wuj Richin ri Jeremías 38:16

K'ari' ri rey Sedequías xuya' rutzij pan ewel chuwe y xubij: Ninjikiba' nutzij chuwech ri Jehová ri xya'on ri qak'aslen chi man xtinteq ta akamisaxik y man xkatinjech ta pa kiq'a' ri nikajo' yatkikamisaj, xcha'.

Wuj Richin ri Jeremías 4:2

Y wi rix niya' itzij pa nubi' yin rik'in qitzijri'il y ruchojmilal. Jari' toq yin xtinya' urtisanik y ruwaq'ijaj pa kiwi' ch'aqa' chik ruwach'ulew iwoma rix.

Deut 28:66

Ri ik'aslen kan jantape' xtik'oje' pa k'ayew, y chaq xtixibila-iwi' chi paq'ij chi ch'aqa'; y kan man jun bey xkixk'ase' ri kuqul ta ik'u'x chire ri ik'aslen.

Deut 6:13

Kan tiya' k'a ruq'ij ri Jehová ri qa-Dios y kan tisamajij xaxe rija'. Toq rix niya' itzij, tibana' kan xaxe pa rubi' rija'.

Hebreos 6:16

Ri winaqi', nikiya' kitzij pa rubi' jun ri más nim chikiwech rije' y rik'in ri' kenimex y man jun chik tibix chike.

1 Sam 1:26

Ri Ana xubij chire ri Elí: Táta, noqaqa chi'ak'u'x in achike yin, roma ja yin ri' ri ixoq ri xik'oje' chi'anaqaj ri k'o yan chik juna' ri', toq xipe re wawe' richin xich'on rik'in ri Jehová.

1 Sam 17:55

Y ri Saúl toq xutz'et chi ri David xberubana' oyowal rik'in ri Goliat, xuk'utuj chire ri Abner aj-raqen pa kiwi' ri aj-labal chi achoq k'ajol ri ala' ri'. Y ri Abner xubij chire ri rey chi man retaman ta ruwech.

1 Sam 20:2

Y ri Jonatán xubij chire: Man nach'ob keri', David. Rat man yabeken ta. Ri nata' man jun xtuben chawe. Roma rija' man jun xtrewaj chinuwech yin, stape' k'o rejqalen o xa maneq. ¿Achike ta k'a roma xtrewaj chinuwech ri nata' richin nrajo' yarukamisaj? Ni, man keri' ta, xcha'.

1 Sam 20:4

K'ari' ri Jonatán xuk'utuj chire ri David achike nrayij ri ránima richin nuben pa ruwi'.

1 Sam 25:26

Ri Jehová xq'aton awichin richin xaben ta kamik, richin ta xaben ruk'exel chike ri xebanon itzel chawe. Kan ja ta k'a ri Jehová xtibanon chi konojel ri e etzelanel awichin y chuqa' ri nikich'ob itzel chawij, xtikik'uluwachij ta achi'el xtiberuk'uluwachij ri Nabal.

1 Sam 27:1

Ri David xubij-qa pa ránima: K'o na jun q'ij xkiberukamisaj ri Saúl. Wakami k'a, más utz yinanimej-el chi'anin y yibe pa kiruwach'ulew ri aj-Filistea, richin chi man yiruch'ob ta chik, y man chaq yirukanoj ta chupan re ruwach'ulew Israel. Keri' xtinkol-el-wi' pa ruq'a', xcha-qa.