1 Sam 20:29 - Kaqchiquel Bible

²⁹ Y xubij chuwe chi ri aj pa rachoch nikinimaq'ijuj ri kamelabel pa rutinamit. Y xubij chi jun chike ri rach'alal xuteq-pe royoxik, y wi janila ninwajo', ninya-el q'ij chire richin xeberuq'ejela' kan juba' ri rach'alal. Roma ri' man xpe ta richin xwa' wawe' pan a-mesa, xcha' ri Jonatán chire ri rutata'.

1 Sam 20:29 ပူးပေါင်းရင်းမြစ်များ

1 Sam 17:28

Jak'a ri Eliab ri nimalaxel runimal ri David xyakatej royowal toq xrak'axaj chi ri David nitzijon kik'in ri achi'a' ri' y xubij chire: ¿Achike roma xape wawe'? ¿Achoq ik'in xe'aya-wi kan ri ka'i' oxi' taq qakarne'l ri ek'o pa tz'iran ruwach'ulew? Yin wetaman chi roma ri retzelal ri awánima y ri animirisanen at peteneq wawe', xaxe richin nawajo' natz'et ri oyowal, xcha'.

1 Sam 16:2

Y ri Samuel xubij: ¿Achi'el k'a toq xkibe yin? Roma wi nretamaj ri Saúl, xa xkirukamisaj, xcha'. Y ri Jehová xubij chire: Tak'uaj-el jun wákix. Y toq xkatapon, tabij chi at peteneq richin nasuj kamelabel chuwe.

1 Sam 20:28

K'ari' ri Jonatán xubij chire ri rutata': Rija' xuk'utuj-el utzil chuwe richin nibe chirachoch pa rutinamit Belén.

1 Sam 20:30

Jari' toq ri Saúl xyakatej janila royowal chirij ri Jonatán, y xubij chire: Rat xa at achi'el ral jun ixoq ri banoy etzelal, y kan xayakatej chuwij, ¿man wetaman ta yin chi rat ja ri David ri ruk'ajol ri Isaí ri más nawajo'? Y kan rusachon ak'u'x richin chi xaya' ruk'ix ri ate'.