1 Sam 20:27 - Kaqchiquel Bible

²⁷ Chupan ri ruka'n q'ij chire ri nimaq'ij, jari' toq ri Saúl xutz'et chi ri David man xk'oje' ta chik pa rutz'uyubal. K'ari' rija' xubij chire ri Jonatán, ¿achike k'a roma man peteneq ta ri ruk'ajol ri Isaí re wawe' richin niwa'? Kan man xpe ta iwir, ni man xpe ta chik wakami, xcha'.

1 Sam 20:27 ပူးပေါင်းရင်းမြစ်များ

1 Pedro 2:4

Kan jantape' k'a kixjel-apo rik'in ri Jesucristo ri achi'el jun abej ri k'o ruk'aslen. Ri stape' man xya'ox ta rejqalen koma ri winaqi', jak'a chuwech ri Dios kan cha'on, y janila rejqalen.

San Mateo 13:55

Rija' xa ja ri ruk'ajol ri ajanel; re' xa jare' ral ri María y ri e rach'alal ja ri Jacob o, ri José, ri Simón y ri Judas.

1 Sam 25:10

Y rija' xubij chike: ¿Achike ta k'a ri David? Y ¿achike ta k'a ri ruk'ajol ri Isaí? Wakami janila samajela' ri e yuqul pa samaj ri ye'animej-el chikiwech ri kajaw.

1 Sam 19:15

K'ari' ri Saúl xeruteq chik el ri rusamajela' richin nibekikanoj ri David, y xubij-el chike: Tiwelesaj-pe, stape' pa ruch'at k'o-wi. Tik'ama-pe chuwe richin ninkamisaj, xcha'.

1 Sam 18:11

Y xuch'ob chi nuch'ik ri David chuwech ri jay, y xuk'eq ka'i' mul ri rukamisabal chirij ri David y rija' kan chi e ka'i' mul xtikir xujel.

1 Sam 20:5

K'ari' ri David xubij chire ri Jonatán: Ri chua'q jari' ri niban ri nimaq'ij roma xalex ri ik', y yin ri q'ij ri' k'o chi yitz'uye' junan rik'in ri rey pa ru-mesa richin yiwa' rik'in. Tabana' jun utzil taya-el q'ij chuwe, richin ninwewaj-el-wi' pa juyu' ka'i' q'ij y k'a ri tiqaq'ij ri kabij, k'ari' yitzolin-pe.

1 Sam 20:26

Y ri Saúl chupan k'a ri q'ij ri' man jun xubij, roma xa xuch'ob-qa: Rik'in juba' k'o jun xuk'uluwachij, y man ruch'ajch'ojirisan ta ri', achi'el nubij ri pixa'; y roma ri' man k'o ta pe re wawe', xcha-qa.

1 Sam 20:28

K'ari' ri Jonatán xubij chire ri rutata': Rija' xuk'utuj-el utzil chuwe richin nibe chirachoch pa rutinamit Belén.