1 Sam 20:2 - Kaqchiquel Bible

² Y ri Jonatán xubij chire: Man nach'ob keri', David. Rat man yabeken ta. Ri nata' man jun xtuben chawe. Roma rija' man jun xtrewaj chinuwech yin, stape' k'o rejqalen o xa maneq. ¿Achike ta k'a roma xtrewaj chinuwech ri nata' richin nrajo' yarukamisaj? Ni, man keri' ta, xcha'.

1 Sam 20:2 ပူးပေါင်းရင်းမြစ်များ

Wuj Richin ri Rutikeribel 44:7

Y rije' xkibij: ¿Achike roma nubij keri' ri qajaw? Roj man jun bey tiqaben achi'el ri nabij.

Wuj Richin Bix Chire ri Dios 40:6

Rat kan man yakikot ta k'a rik'in ri jalajoj kiwech sipanik. Man ak'utun ta ri chikop ri niporox jumul, ni ta ri kamelabel richin kuyubel-mak. Pa ruk'exel re', xaben chuwe richin xinwak'axaj ri ach'abel.

Wuj Richin Etamabel-Tzij 29:24

Ri wineq ri xa junan ruwech rik'in ri eleq'om, xa nretzelaj-qa ri ruk'aslen, roma kan bin chire chi tisujun y man nisujun ta.

Wuj Richin ri Isaías 50:5

Jehová k'iytisanel richin ronojel, kan naben chuwe richin nijaqatej ri nuxikin, y yin kan man yiyakatej ta chawij, ni kan man nintzolij ta wi' chuwij.

San Lucas 20:16

Rija' xtipe k'a y xkerukamisaj ri qajoy taq ulew ri', y ri rulew xtuya' chik kan pa qajik chike ch'aqa' chik, xcha' ri Jesús. Toq ri winaqi' kak'axan chik qa ronojel re', xkibij: ¡Man ta jun bey xtibanatej keri'!, xecha'.

San Juan 15:15

Roma yin kan ix wachibil chik nubanon chiwe, roma kan ronojel ri ruq'alajirisan-pe ri nata' chuwe yin, kan xinq'alajirisaj k'a chuqa' chiwe rix. Man choj ta ix nusamajela'. Roma jun samajel man retaman ta achike nuch'ob ri rajaw. Yin man keri' ta nubanon iwik'in.

San Juan 17:8

Roma kan ja ri ch'abel ri aya'on-pe chuwe yin richin ninq'alajirisaj, kan jari' k'a ri xinq'alajirisaj chikiwech re winaqi' re'. Y rije' kan xkik'ul na wi ri ach'abel pa taq kánima, y kan xketamaj-wi k'a chi qitzij chi awik'in rat nata' Dios in peteneq-wi. Kan xkinimaj k'a chi ja rat ri at taqayon-pe wichin.

Wuj Richin ri Josúe 22:29

Man ja ta qach'obonik roj richin yojyakatej chirij ri Jehová ri qa-Dios, ni man xqapaba' ta q'anej richin jun porobel, ni man richin ta poron chikop, ni ch'aqa' chik sipanik chuwech ri Jehová. Re tz'aq re' man ruk'exel ta ri porobel richin ri Jehová ri k'o chuwech ri rachoch, xecha' chike ri kiwinaq israelita.

Wuj Richin ri Josúe 24:16

K'ari' konojel ri winaqi' xkibij: Man ta jun bey xtik'uluwachitej keri' chi xtiqaya' kan ri Jehová ri qa-Dios richin yeqasamajij ri ch'aqa' chik dios,

1 Sam 14:45

K'ari' ri aj-labal xkibij chire ri Saúl: Roj kan man xtiqaya' ta q'ij chi niken ri Jonatán roma ja rija' ri xkolon qichin roj ri oj israelita. Chuwech ri Jehová niqabij, chi ri Jonatán kan man jun rusumal-ruwi' ri xtitzaq ta pan ulew, roma ri xuben kan xuben rik'in ri ruto'onik ri Dios, xecha'. Y keri' toq ri achi'a' ri' xkikol ri Jonatán chuwech ri kamik.

1 Sam 20:1

K'ari' ri David xel-pe chiri' pa Naiot richin Ramá richin xpe rik'in ri Jonatán, y xubij chire: ¿Achike k'a nubanon yin? ¿Achike k'a numak nubanon chuwech ri atata' richin yirukanoj y kan nrajo' yirukamisaj?, xcha'.

1 Sam 20:12

K'ari' ri Jonatán xubij chire ri David: Chuwech k'a ri Jehová ri qa-Dios ninbij ri qitzij, ja rija' xkitz'eton toq yin xkich'on rik'in ri nata' richin ninwetamaj ri ruch'obonik rija'. Ketaqwa' chua'q o kabij, wi xtich'on utz chawij, yin xtinteq rutzijol awik'in richin nawetamaj.

1 Sam 20:3

K'ari' ri David xuya' rutzij chuwech ri Jonatán y xubij chire: Ri atata' retaman jebel chi roj janila niqajo-qi'. Roma ri' rija' man xtubij ta chawe ri achike ri ruch'obon chuwij, richin keri' rat man yabison ta. Kan qitzij na wi, k'es k'a ri Jehová y k'es k'a ri awánima rat, chi ri nukamik yin xa naqaj chik k'o-wi, xcha'.

1 Sam 9:15

Y jun q'ij chi man napon ri Saúl rik'in ri Samuel, ri Jehová k'o k'a ri xuq'alajirisaj chire ri Samuel y xubij chire: