1 Sam 20:14 - Kaqchiquel Bible

¹⁴ Y wi k'a in k'es na, toq xkatok kan rey, kan xtajoyowaj k'a nuwech pa rubi' ri Jehová, achi'el rujoyowan awech rat. Chuqa' man naya' q'ij richin yin yikamisex.

1 Sam 20:14 ပူးပေါင်းရင်းမြစ်များ

2 Sam 9:3

Ri David xuk'utuj chire wi rija' retaman chi wi k'a k'o ta kan jun chire ri rijatzul kan ri Saúl, ri k'a k'es na, richin xtujoyowaj ruwech pa rubi' ri Dios. Y ri Sibá xubij chi k'a k'es kan jun ruk'ajol ri Jonatán. Y ri ruk'ajol ri' e xotoxik chi ka'i' raqen.

Wuj Richin ri Rutikeribel 40:14

Kinoqaqa k'a chi'ak'u'x toq xtiq'ajer ri xinbij chawe. Tabana' utzil kach'on rik'in ri rey, richin chi k'o ta jun q'ij yinel-el wawe'. ¡Tajoyowaj k'a nuwech richin xkinel ta el wawe' chupan re jay re'!

1 Sam 20:13

Jak'a wi ri nata' xa itzel ruch'obonik, kan ja ri Jehová xtiya'on ruk'ayewal pa nuwi' yin wi man xtinbij ta chawe, richin rat yabe rik'in uxlanibel-k'u'x. Y ja ri Jehová xtik'oje' awik'in achi'el xk'oje' rik'in ri nata'.

1 Sam 20:15

Y wi xa ta ja yin in kamineq chik, tajoyowaj k'a kiwech ri aj pa wachoch, y kan ke'awajo' richin jantape', toq ri Jehová xkerelesaj-el chikijujunal ri etzelanel awichin chuwech re ruwach'ulew. Chuqa' man taya' q'ij richin ri nubi' nelesex o nimestex chupan ri awachoch, xcha' ri Jonatán.

1 Sam 20:23

Jak'a re achoq pa ruwi' xojch'on-wi, ja ri Jehová xtik'oje' qik'in roj oj ka'i', xcha' ri Jonatán.

1 Sam 24:21

Wakami k'a David, taya' atzij chinuwech, pa rubi' ri Jehová, chi man xke'akamisaj ta ri wijatzul richin nayoj ri nubi' jumul, xcha' ri Saúl.

2 Sam 9:1

K'o k'a jun q'ij ri David xuk'utuj chi wi k'o ta jun chike ri e rijatzul ri rey Saúl ri k'a k'es kan. Keri' xubij roma nrajo' nuben utzil chire roma ri ajowabel ri xk'oje' rik'in ri Jonatán toq xk'ase'.