1 Sam 20:10 - Kaqchiquel Bible

¹⁰ K'ari' ri David xubij: ¿Achike xtiya'on rutzijol chuwe yin, wi ri atata' xtich'on awik'in rik'in oyowalen?, xcha'.

1 Sam 20:10 ပူးပေါင်းရင်းမြစ်များ

Wuj Richin Etamabel-Tzij 18:23

Ri wineq ri kan man jun ok k'o rik'in, kan nikamela'an toq nuk'utuj jun utzil; jak'a ri wineq beyom toq nrak'axaj ri', kan rik'in kowilej taq ch'abel nich'on-pe rik'in.

1 Rey 12:13

Ri rey Roboam kan janila kow k'a xch'on chike ri winaqi', y xa man xuya' ta ruxikin chire ri xkibij ri achi'a' ri k'o kina'oj.

1 Sam 25:17

Jak'a ri wajaw kan janila banoy etzelal, y man jun nitikir nich'on rik'in. Wakami k'a, rat tach'obo' ri achike nabebana'. Roma xa kan k'o xtibeqak'uluwachij roj, ri wajaw y qonojel roj ri oj aj pa rachoch, xcha' ri samajel.

1 Sam 25:14

Y k'o k'a jun chike ri rusamajela' ri Nabal xberubij chire ri Abigail ri ixjayilonel y xubij chire: Ri David xeruteq-pe ya'ol rutzijol ri e peteneq k'a kela' pa tz'iran ruwach'ulew richin xokiq'ejela' ri wajaw, jak'a rija' xa janila xeruyoq'-el.

1 Sam 25:10

Y rija' xubij chike: ¿Achike ta k'a ri David? Y ¿achike ta k'a ri ruk'ajol ri Isaí? Wakami janila samajela' ri e yuqul pa samaj ri ye'animej-el chikiwech ri kajaw.

Wuj Richin ri Rutikeribel 42:30

Ri achin ri niq'aton-tzij chupan ri ruwach'ulew Egipto rik'in janila royowal xch'on qik'in y xuq'abaj chiqij chi roj oj nachanela'.

Wuj Richin ri Rutikeribel 42:7

Y rija' kan chi'anin k'a xretamaj kiwech chi jari' ri e rach'alal; jak'a xa xuben chi achi'el man xretamaj ta kiwech y rik'in royowal xch'on kik'in y xubij: ¿Akuchi k'a kixpe-wi rix?, xcha'. Y rije' xkibij: Roj oj peteneq chupan ri ruwach'ulew Canaán, richin yojoloq'on-el wawe', xecha'.

1 Sam 20:9

K'ari' ri Jonatán xubij chire: Rat man xtabek'uluwachij ta keri'. Wi yin wak'axan ta chi ri nata' keri' nuch'ob chawij richin yarukamisaj, xinbij yan ta chawe ri', xcha'.

1 Sam 20:11

K'ari' ri Jonatán xubij chire: Katanpe: Jo' juba' pa juyu', xcha'. Y keri' chi e ka'i' junan xebe pa juyu'.