1 Sam 2:9 - Kaqchiquel Bible

⁹ Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.

1 Sam 2:9 ပူးပေါင်းရင်းမြစ်များ

Wuj Richin ri Achin Job 18:18

Kan jumul k'a xtelesex-el chikikojol ri kan k'a k'o na kik'aslen; kan xtelesex k'a el ri akuchi k'o saqil y xtiq'axex akuchi ruyon q'equ'm k'o.

Wuj Richin ri Achin Job 40:13

Y ri nim kiq'ij y ri e aj-maki' ri' kan junan k'a ke'amuqu' kan ri pan ulew, kan tabana' chike chi ketz'ape' kan ri pa q'equ'm ri akuchi ek'o-wi ri kaminaqi'.

Wuj Richin ri Achin Job 5:16

Rik'in ri keri' ri winaqi' ri maneq ok kejqalen xa xtitzolin chik pe ri oyobenri'il chupan ri kik'aslen, y ri man pa ruchojmilal ta e banon-pe xa xkechame'.

Wuj Richin ri Achin Job 5:24

Kan k'o k'a uxlanen awik'in chupan ri awachoch ri banon rik'in tzieq, y toq xtanik'oj achike kibanon ri awawej, xa konojel e tz'aqet.

Wuj Richin Bix Chire ri Dios 1:6

Roma ri Jehová retaman rubeyal ri kik'aslen ri e choj, jak'a ri rubeyal ri kik'aslen ri e banoy etzelal xa kan xtik'is.

Wuj Richin Bix Chire ri Dios 105:37

Chirij ri' ri Jehová xerelesaj k'a el chiri', y xyalox-el saqipueq y q'anapueq chike. Kan man jun k'a chikikojol rije', ri maneq ta ruchuq'a' richin xebe.

Wuj Richin Bix Chire ri Dios 121:3

Rija' kan man xtuya' ta k'a q'ij richin yajilijo', ni man niwer ta k'a ri nichajin awichin.

Wuj Richin Bix Chire ri Dios 121:5

Ri Jehová jari' ri nichajin awichin; rija' kan yaruto' richin jantape'.

Wuj Richin Bix Chire ri Dios 121:8

Ri Jehová k'o awik'in toq yatel-el y toq yatzolin. Keri' nuben re wakami y keri' tibe-q'ij tibe-seq.

Wuj Richin Bix Chire ri Dios 145:20

Rat Jehová kan ye'achajij konojel ri ye'ajowan awichin. Jak'a ri e banoy taq etzelal kan ye'ak'is-el chuwech re ruwach'ulew.

Wuj Richin Bix Chire ri Dios 31:17

Jehová, tabana' chi man ta jun bey xkik'ixbitej, roma kan nuk'utun wuchuq'a' chawe. Tabana' chi ri itzel taq winaqi' yek'ixbitej; Kan ta xkebe pa jul richin muqbel, y man jun ta chik xtikibij.

Wuj Richin Bix Chire ri Dios 37:28

Roma ri Jehová kan niqa' chuwech ri ruchojmilal ri k'aslen. Y roma ri' man yerumalij ta kan, wi rije' man nikimalij ta kan rija'. Kan jantape' k'a ruya'on ri ruq'a' pa kiwi', jak'a ri kijatzul ri e banoy etzelal kan xkeruk'is k'a.

Wuj Richin Bix Chire ri Dios 94:18

Toq yin xa kan yijilijo' yan, y xich'on awik'in, jari' k'a toq rat Jehová xinato' chi'anin rik'in ri awajowabal ri man k'isel ta.

Wuj Richin Bix Chire ri Dios 97:10

Ri ye'ajowan richin ri Jehová, kan tiketzelaj k'a ri itzel taq banobel, roma rija' kan yeruchajij ri e ralk'ual rija'. Kan yerukol pa kiq'a' ri e itzel taq winaqi'.

Wuj Richin Etamabel-Tzij 16:9

Ri runojibal ri wineq kan nisamej-wi chuch'obik ri rubeyal ri k'aslen, jak'a ri ruxaka'l ri xtuya', k'a ja na ri Jehová xtik'utu chuwech akuchi nuk'uaj-wi

Wuj Richin Etamabel-Tzij 2:8

Roma kan ja rija' ri nichajin ri kibey ri choj kik'aslen, y kan ja chuqa' rija' ri niyuqen kichin ri winaqi' ri kan nikiben achi'el ri nikibij.

Wuj Richin Etamabel-Tzij 3:26

Kan man k'a xtixibij ta iwi', roma kan xtina' chi jikil ixk'o rik'in ri Jehová, y chuqa' kan xtuchajij ri iwaqen richin chi man tiqaqa pa pikbel.

Wuj Richin ri Molojri'il 5:17

Y man xaxe ta ri', roma ronojel ri xril richin chi xutej-el, xa chupan jun q'equmatajineq k'aslen xuk'owisaj-wi-el; rik'in ruk'ayewal, yabil y ch'obonik.

Wuj Richin ri Molojri'il 9:11

Chuwech re ruwach'ulew kan k'o chik k'a ri xinwetamaj: Chi toq niban jun anin, man xaxe ta ri jun ri más anineq nanin ri nich'akon. Chuqa' toq k'o jun labal man xaxe ta ri aj-labal ri kan ik'owineq kuchuq'a' ri xkech'akon; ri nitij q'ij-q'ij man xaxe ta kichin ri achi'a' aj-na'oj; ni ri beyomel man xaxe ta kichin ri etamanela', y chuqa' man ronojel ta ri rutzil xaxe ta kichin ri jebel yech'obon, roma xa qonojel roj niqil ronojel re'.

Wuj Richin ri Isaías 27:3

Y yin Jehová ninchajij; Kan jantape' ninya'aj, y kan ninchajij k'a chi paq'ij chi chaq'a' richin chi man jun xtinaqo richin.

Wuj Richin ri Isaías 47:5

Kixtz'uye' rix aj-Babilonia. Man kixq'ajan y kixbiyin pa q'equ'm. Ojer kan ri winaqi' nikibij chire ri itinamit chi ja rija' ri reina richin ri ruwach'ulew. Jak'a re wakami, man xtibix ta chik keri' chire.

Wuj Richin ri Jeremías 8:14

Y chupan ri q'ij ri', rix xtibij: ¿Achike roma xojk'oje' kan wawe'? Tiqamolo-qi' qonojel richin yojok chupan ri qatinamit ri e sutin-kij rik'in tz'aq, richin niqoyobej ri qakamik, roma kan ja ri Jehová ri qa-Dios ri nibanon chiqe richin yojken y re' kan janila k'ey roma xa xojmakun chuwech rija'.

Wuj Richin ri Jeremías 9:23

Chirij ri', ri Jehová xubij: Tiqasaj-iwi' y man tinimirisaj k'a iwi' rix ri k'o na'oj iwik'in. Chuqa' rix ri k'o iq'ij, man tinimirisaj k'a iwi' rik'in ri'. Y rix ri ix beyoma' man tinimirisaj k'a iwi' roma ri beyomel.

Wuj Richin ri Nahum 1:8

Jak'a ri e etzelanel richin kan xkeruk'is el, achi'el nuben jun nim raqen-ya' ri kan nibolqo't y nuk'uaj-el ronojel. Ri Jehová kan xkeruq'i' k'a ri e etzelanel richin chupan jun nimalej q'equ'm richin yeruk'is.

Wuj Richin ri Sofonías 1:15

Ri q'ij ri' kan richin oyowal, q'ij richin bis, q'ij richin poqonal, q'ij richin ch'ujerik, q'ij richin wululen, q'ij richin q'equ'm, q'ij richin muqul, q'ij richin moyew,

Wuj Richin ri Zacarías 4:6

Y ri ángel xubij: re wuqu' candil re', nuk'exewachuj ri runaq' taq ruwech ri Jehová, ri yetzu'un chuwech chijun re ruwach'ulew, xcha' ri ángel. K'ari' yin xink'utuj chik chire ri achike nuk'exewachuj ri ka'i' ruche'el olivo ri ek'o pa rijkiq'a' y pa rajxokon ri candelabro. Chuqa' xink'utuj chik k'a ri nuk'exewachuj ri ka'i' ruq'a' olivo ri ek'o chunaqaj ri ka'i' achi'el tubo banon rik'in q'anapueq ri akuchi niq'ax-wi ri aceite richin napon chupan ri taq candil. Y ri ángel xubij chuwe ¿Man awetaman ta ri nuk'exewachuj? Y yin xinbij chire chi ni. K'ari' xubij chik chuwe: Jare' ri e ka'i' ri e ch'aron richin nikisamajij ri rajaw chijun ri ruwach'ulew, xcha'. Ri ángel kan k'a xch'on na k'a wik'in y xubij: Ri Jehová xuteq-pe re jun rutzijol re' chire ri Zorobabel y nubij: Man takuquba' ak'u'x kik'in ri aj-labal, ni rik'in ri uchuq'a', xa kan takuquba' ak'u'x rik'in ri nu-espíritu nicha' ri Jehová k'iytisanel richin ronojel. ¿Y rat juyu' achike ta k'a aq'ij? ¡Rat xa kan xkatok k'a qa taq'aj chuwech ri Zorobabel! Ja rija' k'a ri xtik'amo-pe ri abej ri más k'atzinel y ri winaqi' xkesik'in rik'in kikoten y xtikibij chi janila jebel ok. Chirij ri', ri Jehová xuya' chik jun rutzijol chuwe richin ninbij chire ri Zorobabel y xubij: Ja ri Zorobabel ri xya'on-qa ri ruxe' ri wachoch, y ja rija' ri xtik'ison pa ruwi'. Rik'in ri' xtiwetamaj chi ja ri Jehová ri xitaqon-pe. Y ri jujun ri man xkinimaj ta toq xchapatej-qa ri samaj, y man jun rejqalen xkiben chire xa kan xkekikot k'a toq xtikitz'et chi ri Zorobabel xtik'achoj-q'anej chire ri samaj.

Wuj Richin ri Q'axanri'il 6:24

Ja ri Jehová xturtisan y xtichajin iwichin.

San Mateo 8:12

Jak'a ri winaqi' ri kan e richin ta ri ajawaren, xa xke'elesex kan y xkek'aq chupan ri q'equ'm ri akuchi k'o-wi oq'ej y qach'ach'en eyaj, xcha'.

Romanos 3:19

Y qetaman k'a chi ronojel ri tz'ibatel kan, nich'on chiqij roj ri ojk'o chuxe' ri pixa'. Y ri pixa', k'o richin chi man jun tibin chi maneq rumak, y richin nuk'ut chiqawech chi qonojel k'o chi yojapon na chuwech ri ruq'atbel-tzij ri Dios.

Deut 33:3

Kan qitzij na wi ri Jehová kan nrajo' ri rutinamit, konojel ri kijachon-ki' pa ruq'a' kan yeruchajij. rije' kan janila nikiqasaj-ki' chuwech, y chikijujunal kan nikak'axaj ri rutijonik.

1 Pedro 1:5

Y roma qakuquban qak'u'x rik'in ri Dios, roma ri' rija' kan yojruchajij rik'in ruchuq'a', richin keri' ri kolotajik ri kan qichin chik roj, kan xtiqichinaj-wi chupan ri ruk'isbel taq q'ij.

2 Pedro 2:17

Y ri man e qitzij ta tijonela' xa maneq kejqalen; xa e achi'el alaxbel-ya' ri xa chaqi'j chik, e achi'el sutz' ri uk'uan roma jun nimalej kaq'iq'. Ri Dios kan ruchojmirisan chik jun nimalej q'equ'm richin tijoj-poqonal chike rije'.

Judas 1:1

Yin Judas, in jun chike ri rusamajela' ri Jesucristo y rach'alal ri Santiago, ninteq k'a el re wuj re' chiwe rix, ri ix ajowan y ix oyon roma ri qatata' Dios, ri chuqa' kan ix chajin roma ri Jesucristo.

Judas 1:13

Chuqa' ri winaqi' ri' xa e achi'el jun palou ri janila nisilon. Kan nibolqo't, y ri itzel taq kibanobal xa achi'el ri woqoq. E achi'el chuqa' ch'umila' ri e eleneq chik el chupan ri kibey ri akuchi k'o chi yesaqirisan-wi. Y roma ri' xa kan e oyoben chik roma ri q'equ'm, ri akuchi xkebek'oje-wi pa ruk'ayewal richin q'asen.

Judas 1:3

Wach'alal ri yalan yixinwajo', yin kan janila k'a wajowan chi nutz'iban ta el jun wuj chiwe, pa ruwi' ri qakolotajik. Jak'a wakami ninna' chi k'atzinel ninbij chiwe chi rik'in ronojel iwánima tiwojqaj ri utz taq tijonik ri xeqak'ul toq xqanimaj ri Jesucristo, tijonik ri man nijalatej ta, ri xjach chike ri e ralk'ual ri Dios.

1 Sam 25:26

Ri Jehová xq'aton awichin richin xaben ta kamik, richin ta xaben ruk'exel chike ri xebanon itzel chawe. Kan ja ta k'a ri Jehová xtibanon chi konojel ri e etzelanel awichin y chuqa' ri nikich'ob itzel chawij, xtikik'uluwachij ta achi'el xtiberuk'uluwachij ri Nabal.