1 Sam 2:8 - Kaqchiquel Bible

⁸ Nuben chire ri man jun k'o rik'in, richin nrelesaj-pe pa rumeba'il. Jak'a ri molonel nrelesaj-pe pa q'ayis richin nitz'uye' chikikojol ri tata'al, richin niya'ox ruq'ij. Roma ja ri Jehová rajaw ri ruch'okolibal ri ruwach'ulew y pa ruwi' ri' xuch'okoba-wi ri ruwach'ulew.

1 Sam 2:8 ပူးပေါင်းရင်းမြစ်များ

Wuj Richin ri Rutikeribel 41:14

Y ri rey kan jari' xuteq ruk'amik ri José, y ri José kan anineq xbe'elesex-pe ri cárcel. Y rija' xusokaj na k'a pe ri rusumal-ruwi', xjalon-pe, k'ari' xapon-apo chuwech ri rey.

Wuj Richin ri Rutikeribel 41:40

Wakami k'a, ja rat ri xkaq'aton-tzij chupan re jay richin re nuq'atbel-tzij y konojel nutinamit xtikinimaj atzij. Xaxe yin más k'a nuq'ij chawech rat, roma ja yin ri in rey, xcha'.

2 Sam 7:8

Wakami, yin Jehová k'iytisanel richin ronojel, ninbij k'a chawe rat David chi ja yin ri xinelesan-pe awichin chikikojol ri karne'l richin xatok tata'al pa ruwi' ri nutinamit Israel.

1 Rey 16:2

Yin xatinsik' k'a y xinimirisaj aq'ij toq xinben chawe richin xatok rey pa ruwi' ri nutinamit Israel. Y wakami xa xaben achi'el xuben ri Jeroboam; xa xaben richin xemakun ri nutinamit, y xiben richin xiyek woyowal rik'in ri imak.

2 Rey 9:6

Y ri Jehú xel-pe chikikojol ri rachibil y xok-apo pa jun chik jay. Y ri tijoxel, q'alajirisey ruch'abel ri Dios, xuq'ej ri aceite pa rujolon y xubij chire: Kere' nubij ri Jehová ri qa-Dios richin Israel: Yin xatincha' y ninqasaj aceite pan awi' richin yatok rey pa ruwi' ri nutinamit Israel.

Wuj Richin ri Achin Job 1:21

y xubij k'a: In ch'anel k'a toq xiralaj ri nte', chuqa' kan in ch'anel ri xkitzolin-el. Kan ja ri Jehová ri niya'on ronojel y kan ja chuqa' rija' nelesan; yin kan ninya' ruq'ij ri Jehová ri nibanon ronojel re', xcha'.

Wuj Richin ri Achin Job 2:8

Y ri Job xbetz'uye' k'a chiri' pa ruwi' ri chaj ri akuchi poron-wi q'ayis. Xuchop jun ruchi' xot, y rik'in ri' nuk'aqatij-wi rij.

Wuj Richin Bix Chire ri Dios 102:25

Rat kan xajikiba' k'a ri ruwach'ulew pa rutikeribel. Chijun ri kaj kan ja rat ri xabanon richin.

Wuj Richin Bix Chire ri Dios 104:5

Ja rat xajikiban ri ruxe' ri ulew, richin kan man jun k'a xtisilon.

Wuj Richin Bix Chire ri Dios 107:41

Roma rija' kan nuyek k'a pa jotol ri wineq ri man jun k'o rik'in. Nuben k'a chi yek'iyer ri rijatzul, kan achi'el k'a tzobaj taq karne'l nuben chike.

Wuj Richin Bix Chire ri Dios 24:2

Pa ruwi' ri palou xuben-wi ri ruwach'ulew. Xuya' kixe' ri ruwach'ulew chupan ri ya' ri nej e qajineq-wi.*f23*

Wuj Richin Bix Chire ri Dios 75:3

Toq nisilon ri ruwach'ulew y konojel ri ek'o chuwech, ja yin ri yichapo ri temeyon richin.

Wuj Richin Bix Chire ri Dios 75:4

Yin kan ninbij k'a chike ri e nakaneq chi man tikinimirisaj-ki'; chike ri maneq Dios chikiwech, ninbij chi kan tikiqasaj-ki'.

Wuj Richin Bix Chire ri Dios 75:7

Ri Jehová ri chojmirisey richin ronojel ri yebanatej; k'o ri nuqasaj kiq'ij y k'o ri nunimirisaj kiq'ij.

Wuj Richin ri Molojri'il 4:14

stape' ta re jun ala' re' xa pa cárcel ta eleneq-wi-pe richin chi xok-q'anej rey, o stape' ta xa pa meba'il eleneq-wi-pe richin chi xok-q'anej rey.

Wuj Richin ri Isaías 22:23

Yin kan xtinjikiba' kan chupan ri rutz'uyubal richin q'atoj-tzij achi'el toq no'ibajij kan jun clavo. Y rija' kan xtik'oje' janila rejqalen kichin ri aj pa rachoch.

Dn 2:48

Chirij ri' ri Nabucodonosor xunimirisaj ruq'ij ri Daniel y xuya' nima'q taq sipanik chire y xuben chire chi xok aj-raqen pa ruwi' ri ruwach'ulew ri k'o pa Babilonia, y chuqa' nimalej aj-raqen pa kiwi' konojel ri etamanela' richin ri ruwach'ulew ri'.

Dn 4:17

Re ruk'ayewal re' jare' ri xuq'et kan ri ángel y kere' xtibanatej, richin konojel winaqi' tiketamaj chi kan xaxe wi ri nimalej Dios ri niq'aton-tzij pa kiwi' ri q'atoy taq tzij. Rija' kan nuya' k'a ri ajawaren pa ruq'a' ri achike nrajo' rija', y kan nuben chire jun wineq ri kan man jun ok ruq'ij, chi nok aj-raqen pa ruwi' jun ruwach'ulew, xcha' ri ángel.

Dn 6:3

Jak'a ri Daniel kan más k'a ruq'ij chikiwech rije', roma rija' kan k'o jun nimalej etamabel rik'in. Y roma ri' ri Darío xuya' pa kiwi' ri q'atoy taq tzij y ri aj-raqen.

Hebreos 1:3

Rik'in ri Ruk'ajol niq'alajin ri ruq'ij-ruk'ojlen. Ri Ruk'ajol kan junan rik'in rija' y ja ri K'ajolaxel ri uk'uayon richin ronojel ri k'o; rik'in ri ruchuq'a' ri ruch'abel ruchapon-wi. Rija' xtikir xuyoj ri qamak, y k'ari' xbetz'uye' chila' chikaj pa rijkiq'a' ri nimalej Dios.

Santiago 2:5

Wach'alal ri kan yixinwajo', tich'obo' k'a jebel re xtinbij chiwe. Ri Dios ja ri winaqi' ri man jun ok k'o kik'in chuwech re ruwach'ulew ri xerucha' richin yebeyomer rik'in ri kikuqubabel-k'u'x, y nikichinaj ri ajawaren ri rusujun chike ri ye'ajowan richin.

Apocalipsis 1:6

Y xuben chiqe qonojel roj ri qakuquban qak'u'x rik'in, chi xojok jun ajawaren kichin sacerdote richin niqasuj sipanik chire ri Dios ri rutata'. Roma ri' ri Jesucristo xtuk'ul ta ruq'ij-ruk'ojlen y ri q'atbel-tzij richin jantape'. Keri' ta k'a.

Apocalipsis 22:5

Ri chiri' chupan ri tinamit ri', man jun bey xtiq'equmer ta richin nokoq'a-qa. Y konojel ri ek'o chupan ri tinamit ri', man jun xtik'atzin-wi ri rusaqil jun q'aq' o rusaqil ta ri q'ij chike. Roma kan ja ri Dios ri ajaw ri xtisaqirisan kichin. Y konojel re', jere' ri xkeq'aton-tzij richin tibe-q'ij tibe-seq.

Apocalipsis 3:21

Achike k'a ri xtich'akon, kan xtinya' k'a q'ij chire richin chi nitz'uye' junan wik'in. Kan achi'el ri xban chuwe yin toq xich'akon, y xitz'uye' rik'in ri Nata' Dios.

Apocalipsis 5:10

Xaben chiqe chi xojok jun tzobaj winaqi' richin ri rajawaren ri Dios, chi xojok sacerdote richin niqasuj sipanik chuwech kan xtiqaq'et k'a tzij pa ruwi' ri ruwach'ulew, yecha'.

1 Sam 15:17

K'ari' ri Samuel xubij: Stape' pa nabey, rat xana-awi' chi man jun awejqalen. ¿Man banon ta kami chawe chi at jun aj-raqen pa kiwi' ri israelita? Y ri Jehová xarukusaj kan rey pa ruwi' ri tinamit.