1 Sam 2:7 - Kaqchiquel Bible

⁷ Ri Jehová nuben chi ri wineq nok meba' y nuben chi nok beyom. rija' nuqasaj ruq'ij y nunimirisaj ruq'ij.

1 Sam 2:7 ပူးပေါင်းရင်းမြစ်များ

Wuj Richin Bix Chire ri Dios 75:7

Ri Jehová ri chojmirisey richin ronojel ri yebanatej; k'o ri nuqasaj kiq'ij y k'o ri nunimirisaj kiq'ij.

Wuj Richin ri Achin Job 5:11

Ri winaqi' ri xa man jun ok kejqalen, rija' nuya-q'anej kiq'ij, y ri yebison kan nukuquba' kik'u'x.

Wuj Richin ri Achin Job 1:21

y xubij k'a: In ch'anel k'a toq xiralaj ri nte', chuqa' kan in ch'anel ri xkitzolin-el. Kan ja ri Jehová ri niya'on ronojel y kan ja chuqa' rija' nelesan; yin kan ninya' ruq'ij ri Jehová ri nibanon ronojel re', xcha'.

Santiago 4:10

Tich'utinirisaj-iwi' chuwech ri Ajaw, y rija' xtunimirisaj iq'ij.

Wuj Richin ri Isaías 2:12

Roma ri q'ij richin ri Jehová ri k'iytisanel richin ronojel, xtoqaqa pa kiwi' konojel winaqi' ri kinimirisan-ki'; pa kiwi' konojel winaqi' ri kan janila nikina-ki', y kan xtiqasex k'a kiq'ij.

Wuj Richin Bix Chire ri Dios 102:10

Ronojel re' nink'owisaj roma ri awoyowal ri yakatajineq chuwij. Rat xinachop richin xinak'eq pan ulew.

2 Rey 9:6

Y ri Jehú xel-pe chikikojol ri rachibil y xok-apo pa jun chik jay. Y ri tijoxel, q'alajirisey ruch'abel ri Dios, xuq'ej ri aceite pa rujolon y xubij chire: Kere' nubij ri Jehová ri qa-Dios richin Israel: Yin xatincha' y ninqasaj aceite pan awi' richin yatok rey pa ruwi' ri nutinamit Israel.

Wuj Richin ri Achin Job 40:12

Kan katzu'un pa kiwi' ri kan nikina' chi nima'q kiq'ij y ke'aqasaj-pe ri akuchi ek'o-wi, Ri aj-maki' kan ke'ake'ej jumul, ri akuchi xke'awil-wi.

1 Crón 29:12

Awik'in rat nipe-wi ri beyomel y ri ruwaq'ijaj. Kan ja rat yaq'aton-tzij pa ruwi' ronojel, y pan aq'a' rat k'o-wi ri uchuq'a'. Keri' chuqa' pan aq'a' k'o-wi ri nanimirisaj ri kiq'ij ri winaqi', y naya' uchuq'a' pa kiq'a' konojel.

2 Crón 32:27

Rija' kan xk'oje' k'a janila ruq'ij y rubeyomel, kan pa ruk'iyal k'a xk'oje' rik'in, ri saqipueq, q'anapueq, jalajoj jebelej taq abej, jubulej taq aq'om, tobel y jalajoj ruwech ri kan k'o kejqalen.

2 Crón 32:29

Chuqa' xeruben-q'anej ch'aqa' chik tinamit. Ri karne'l kan pa q'ataj k'a xek'oje' rik'in, y kan keri' chuqa' ri ruwákix; ronojel re' roma ri Dios xuya' k'iy beyomel chire.

Wuj Richin Bix Chire ri Dios 75:8

Ri ruchojmilal ri' achi'el jun qumbel nojineq chi vino ri janila ruchuq'a'. Re ruchojmilal re' kan xtutix k'a pe rija', y ri winaqi' ri maneq Dios chikiwech, kan xtikiqum k'a ronojel, y man jun chik k'a tz'uj xtik'oje' kan.

Wuj Richin Etamabel-Tzij 22:2

Ek'o winaqi' e beyoma' y ek'o chuqa' ri man jun ok k'o kik'in; jak'a ri ka'i' kiwech winaqi' ri', xa e junan, roma kan ja ri Jehová ri banayon-pe kichin.

Wuj Richin ri Jeremías 49:15

Yin kan xtinben k'a chiwe richin chi ja rix ri más ix ko'ol ok chikikojol ri ruwach'ulew y kan ja rix ri más ix etzelan chikikojol ri winaqi'.

Ez 17:24

Y kan konojel k'a che' ri ek'o pa taq juyu' xtiketamaj chi ja yin Jehová. Yin xtintorij xabachike che' ri runimirisan-ri' y ri ko'ol che' xtinben-q'anej nim chire. Yin ninchaqirisaj ri che' ri rex-rex rubanon y ninben rex chire ri che' chaqi'j. Yin Jehová ri yibin y kan ninben k'a ri ninbij, xcha'.