1 Sam 2:5 - Kaqchiquel Bible

⁵ Ri pa nabey k'o ronojel kik'in, wakami xa xkiya-ki' pa qajik roma juba' kaxlan-wey. Y jak'a ri xewayjan, wakami man yewayjan ta chik. Ri ixoq ri man nik'oje' ta ral, wakami xek'oje' e wuqu' ral. Y ri xek'oje' janila ral wakami xa maneq chik ruchuq'a'.

1 Sam 2:5 ပူးပေါင်းရင်းမြစ်များ

Wuj Richin Bix Chire ri Dios 113:9

Ri Jehová nuben chike ri ixoqi' ri man ye'alan ta chi nik'oje' kiq'ij pa taq kachoch. Chuqa' nuben chi yek'oje' kal, y yekikot. Kan tinimirisex k'a ruq'ij ri Jehová.

Wuj Richin Bix Chire ri Dios 34:10

Ri alaji' taq koj kan k'o ri nik'atzin chike, y kan yenum. Jak'a ri nikikanoj ri Jehová, kan man jun achike ta xtikajo'.

Wuj Richin ri Isaías 33:9

Ronojel ri ruwach'ulew kan xchaqi'j y xmayamo' yan qa, achi'el jun wineq ri janila nibison y kan niken yan qa. Ri ruwach'ulew Líbano kan janila xchaqi'j y kan xmayamo' yan qa. Ri taq'aj richin Sarón xa kan tz'iran chik, achi'el ri Arabá. Chupan chijun taq'aj richin Basán y ri juyu' Carmelo kan ronojel k'a ri che' xechaqi'j yan qa.

Wuj Richin ri Isaías 54:1

Ri Jehová nubij: Kan kixkikot k'a rix ixoqi' ri man jun bey xixyawej kan chirij jun ak'ual. Rix ri man xek'oje' ta iwal, kan kixbixan rik'in kikoten, roma rix ri ix malin kan, kan xkek'oje' más e k'iy iwal chikiwech ri ixoqi' ri ek'o chik kal.

Wuj Richin ri Jeremías 15:9

Y ri teja' ri e k'iy kal kan xtimayamo-qa ri kánima y kan man jun xtik'oje' kan richin nukuquba' kik'u'x. Xkek'ixbitej y xtiqasex kiq'ij. Xkeken toq man jani kiq'ij, achi'el ta ri saqil richin pa nik'aj-q'ij ri xa q'equ'm nuben-qa. Wi k'o ta jun ri nik'ase' kan, kan ninben chire chi nikamisex roma ri etzelanel richin, ja yin Jehová ri yibin.

San Lucas 1:53

Ri yewayjan, kan xuya' k'a ronojel ri nik'atzin chike, jak'a ri beyoma' xa choj keri' xeruteq-el.

San Lucas 16:25

Jak'a ri Abraham xubij chire: Toqaqa k'a chi'ak'u'x, chi toq xak'ase' chuwech ri ruwach'ulew, yalan jebel xak'owisaj ri ak'aslen, jak'a re Lázaro yalan tijoj-poqonal xuk'owisaj. Jak'a re wakami, rija' yalan jebel ri ruk'aslen ri xorila' wawe', y rat xa jun k'aslen richin tijoj-poqonal xawil.

Gálatas 4:27

Y chirij k'a ri' nich'on-wi ri ruch'abel ri Dios ri tz'ibatel kan, toq nubij:*f11* Kan kakikot k'a rat ixoq ri man jun bey xayawej kan chirij jun ak'ual. Rat ri man xek'oje' ta awal, kan kabixan rik'in kikoten, roma stape' at malin kan, kan xkek'oje' más e k'iy awal chikiwech ri ixoqi' ri k'o kachijil kik'in, nicha'.

Wuj Richin ri Rut 4:15

Wakami ja rija' k'a ri xtikuquban ak'u'x, y ja rija' chuqa' xtilin awichin toq xkarijix. Y ri awali' qitzij chi janila yarupoqonaj; rija' kan más k'a rejqalen ke chuwech ek'o ta e wuqu' awal alaboni', xecha' chire ri Noemí.

1 Sam 1:20

Y ri Ana kan xyawej k'a kan chirij jun ak'ual, y toq xapon ruq'ijul, ri Ana xalex jun ti ral y ri ak'ual ri' xubini'aj Samuel,*f1* keri' rubi' ri xuya' roma kan chire ri Jehová xuk'utuj-wi.

1 Sam 1:6

Y ri Peniná kan niyojoben chirij ri Ana, y kan nuben chire richin janila niq'axomer, roma maneq ral.