1 Sam 2:36 - Kaqchiquel Bible

³⁶ Ri aj pan awachoch ri janipe' xkek'oje' kan, rije' xkebexuke' chuwech ri sacerdote richin chi xtikil juba' kiméro o jun ti ch'ap kiway. Xtikik'utuj utzil chire richin tuya' q'ij chike richin nuya' ta jun kisamaj chikikojol ri sacerdote richin keri' nikich'ek juba' kiway, xcha' ri Jehová.

1 Sam 2:36 ပူးပေါင်းရင်းမြစ်များ

1 Rey 2:27

Keri' k'a xuben ri rey Salomón richin xrelesaj-el ri sacerdote Abiatar. Y keri' xbanatej k'a ri rubin ri Jehová pa Siló chi k'o chi yek'is ri rijatzul kan ri sacerdote Elí.

2 Rey 23:9

Jak'a ri sacerdote ri' man xya'ox ta q'ij chike richin yesamej rik'in ri porobel richin ri Jehová ri k'o chiri' pa Jerusalem. Xaxe k'a ri ch'aron kaxlan-wey ri maneq ch'amilej-q'or rik'in ri xkitej, y junan yewa' kik'in ri ch'aqa' chik sacerdote.

Wuj Richin Etamabel-Tzij 14:19

Kan napon k'a ri q'ij toq ri winaqi' ri e itzel, kan xtikiya' kiq'ij ri e utz, y chuqa' ri winaqi' ri man e choj ta, xa xke'apon chuchi' rachoch ri choj ruk'aslen chuk'utuxik utzil.

Wuj Richin ri Malaquías 1:13

Chuqa' kan xik'o yan ik'u'x y kan niben ipalej chinuwech. Y pa ruwi' ri', xa iweleq'an-pe, xa jetz', o xa chikop yawa' ri nik'en-pe richin nisuj chuwe. Jak'a yin kan man nink'ul ta chiwech ronojel re'.

Wuj Kichin ri To'onela' 17:10

Xeri' ri Micaías xubij chire: Kak'oje-qa wawe' pa wachoch, y rat xkatok nupixabanel, y chuqa' xkatok nu-sacerdote, y ronojel juna' xtinya' ka'i' libra saqipueq chawe, y chuqa' xtinya' atziaq y away, xcha'. Y ri levita utz xrak'axaj ri xbix chire.

1 Sam 2:35

K'ari' yin xtincha' jun sacerdote ri kan nuben ri ninbij chire y nuben ri ninwajo' yin. Xkenyek-q'anej ri rijatzul rija' richin q'asen, y xkesamej k'a junan rik'in ri rijatzul ri rey ri nucha'on yin.

1 Sam 3:1

Ri ti ala' Samuel nuben ri rusamaj ri Jehová chuxe' rutzij ri sacerdote Elí. Y chupan ri q'ij ri' man beneq ta ruwech k'o jun wineq ri k'o niq'alajirisex chuwech roma ri Jehová, y man nuk'ut ta ri' chikiwech pa kachik'.