1 Sam 2:30 - Kaqchiquel Bible

³⁰ Roma ri', yin Jehová ri i-Dios ninbij chi stape' yin xibin chi ri aj pan awachoch y ri aj pa rachoch ri atata' ye'ok nu-sacerdote richin q'asen, jak'a re wakami ninbij chi man jun bey chik xtinben kere'. Wakami k'a, ri xtuya' nuq'ij xtinya' ruq'ij, y ri xkinketzelaj, kan xtinben chike chi man jun kejqalen. Ja yin Jehová ri yibin.

1 Sam 2:30 ပူးပေါင်းရင်းမြစ်များ

1 Rey 11:11

Roma ri' ri Jehová xubij chire: Roma kere' ri abanobal y xaxolq'otij ri jikibel-tzij, y man xataqej ta ri xinbij chawe, wakami k'a kan xtinwelesaj chawe ri q'atbel-tzij y ninya' chire jun asamajel.

1 Rey 2:27

Keri' k'a xuben ri rey Salomón richin xrelesaj-el ri sacerdote Abiatar. Y keri' xbanatej k'a ri rubin ri Jehová pa Siló chi k'o chi yek'is ri rijatzul kan ri sacerdote Elí.

1 Crón 17:18

¿Achike ta chik k'a xkitikir xtinbij, roma xaben chuwe richin xk'oje' nuq'ij? roma rat awetaman in achike ok yin.

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

2 Crón 26:18

Y xkipaba' k'a ki' chuwech ri rey Ozías, y xkibij chire: Rey Ozías, man naporoj pom chuwech ri Jehová, roma re samaj re' man ruk'amon ta chi rat yabano, ja roj ri oj sacerdote ri oj rijatzul kan ri Aarón ri oj cha'on kan richin niqaben. Katel-pe chiri' qajaw, chupan ri jay richin ri Dios, roma kan yamakun-wi chuwech ri Jehová, rija' kan man xtunimirisaj ta ri abi' roma ri naben, xecha' chire.

Wuj Richin Bix Chire ri Dios 18:20

Ri Jehová xuya' k'a ri ch'akonik chuwe yin. Roma ri ruch'ajch'ojil ri wánima, xuya' chuwe ri ruk'amon.

Wuj Richin Bix Chire ri Dios 18:26

Rat kan at utz rik'in ri utz ruk'aslen. Jak'a kan naya' rutojbalil-mak pa ruwi' ri man nutzeqelibej ta ri abey.

Wuj Richin Bix Chire ri Dios 50:23

Ri sipanik ri niqa' chinuwech, ja ri matioxinik ri nipe pan iwánima. Y wi rix choj xkixbiyin chinuwech yin, kan xkixinkol k'a.

Wuj Richin Bix Chire ri Dios 73:20

Ri itzel taq winaqi' e achi'el jun achik' ri nimestex toq niseqer-pe; keri' xtaben chike rat ajaw, toq xkayakatej, rat xa xke'awixowaj roma ri kibanobal.

Wuj Richin Bix Chire ri Dios 91:14

Ri Jehová nubij: Roma kan wik'in yin rukuquban-wi ruk'u'x, yin kan xtinkol. Kan xtinya' pa jotol, roma kan ruya'on rejqalen ri nubi'.

Wuj Richin Bix Chire ri Dios 91:15

Rija' k'o xtuk'utuj chuwe, y yin xtink'uluba-pe ri ruch'abel. Kan xkik'oje' rik'in pa bis, Xtinkol k'a y xtinnimirisaj ruq'ij.

Ex 28:43

Ri Aarón y ri e ruk'ajol kan k'o k'a chi nikikusaj re jun rupan tzieq re' toq xke'ok chupan ri wachoch o toq ye'apon-apo rik'in ri porobel-pom richin yinkisamajij yin. Roma ri' kan tikikusaj-el ri tzieq ri' toq ye'apon pa wachoch, richin keri' man yemakun ta y man yeken ta. Y jare' ri pixa' re ninya' chire ri Aarón y chike ri e rijatzul richin jantape'.

Ex 29:9

Xtaya' chuqa' ri ximibel-kipan ri e ruk'ajol y ri kuchubel-kijolon. Y kan jak'a ri Aarón y ri e ruk'ajol ri xke'ich'er richin xke'ok nu-sacerdote y re' jun ruchojmilal richin jantape'. Kere' k'a ri rubanik xtaben toq ri Aarón y ri e ruk'ajol xke'ok sacerdote.

Wuj Richin Etamabel-Tzij 12:8

Kan achi'el k'a rubanik ri na'oj ri k'o rik'in ri wineq, kan ja chuqa' ri' rubanik ri ruq'ij ri xtuk'ul; jak'a ri wineq ri itzel nich'obon, xa netzelex koma ri ch'aqa' chik winaqi'.

Wuj Richin Etamabel-Tzij 4:8

Kan taya' k'a rejqalen ri na'oj y nej k'a xkarujotoba-wi-q'anej, ri na'oj kan xtuben chi xtik'oje' aq'ij, toq xtaben awichin chire y xtaq'etej pan aq'a'.

Wuj Richin Etamabel-Tzij 8:17

Yin yenwajo' ri ye'ajowan wichin; y ri kan nikicha' kik'u'x richin yinkikanoj, kan chi'anin yinbekila-pe.

Wuj Richin ri Isaías 29:13

Rix xaxe rik'in ri ich'abel niya' nuq'ij; jak'a ri iwánima xa kan k'o janila nej chuwe yin. Y toq niya' nuq'ij, xaxe nikamuluj pixa' ri e banon koma winaqi'.

Wuj Richin ri Jeremías 29:32

roma ri' wakami yin xtinya' rutojbalil-mak pa ruwi' rija' y pa kiwi' ri e rijatzul. Kan man jun k'a rijatzul ri xtik'oje' chikikojol ri nuwinaq ni man xtril ta ri utz ri xtinben yin kik'in rije'. Roma rik'in ri ruch'abel, xyakatej chuwij yin Jehová. Yin Jehová ri yibin.

Wuj Richin ri Jeremías 49:15

Yin kan xtinben k'a chiwe richin chi ja rix ri más ix ko'ol ok chikikojol ri ruwach'ulew y kan ja rix ri más ix etzelan chikikojol ri winaqi'.

Ez 34:10

Kan xkiyakatej k'a chiwij y rix k'o chi xtibij chuwe achike roma man xe'ichajij ta ri nuwinaq. Man xkixk'oje' ta chik pa kiwi', man xkixtikir ta chik xtiwelesaj ri k'o kik'in y man xtiben ta chik chike richin nikitej poqon.

Dn 4:34

Jak'a toq xtz'aqet ri juna' ri janipe' xq'at pa nuwi', jari' toq yin Nabucodonosor xtzolej-pe nuk'u'x, y kan jari' xich'obon chik achi'el yech'obon ri winaqi'; y jari' k'a toq yin xinnimirisaj ruq'ij ri nimalej Dios. Xinya' ruq'ij ri kan jantape' k'es y kere' k'a ri xinbij: Ri ruchuq'a' ri aq'atbel-tzij rat nimalej Dios, kan richin q'asen, ri awajawaren kan xtik'oje' k'a pa kiwi' ri chi wiq chi tanaj winaqi'.

Wuj Richin ri Malaquías 1:6

K'o k'a jun itzel ri wilon chiwij rix sacerdote. Chijun alk'ualaxel nuya' ruq'ij ri rutata'; keri' chuqa' nuben jun samajel rik'in ri rajaw ri achoq ik'in yuqul-wi pa samaj. Jak'a yin ri in itata' y ri in iwajaw, man niya' ta nuq'ij. Rix xa iqasan ri ruq'ij ri nubi', yin Jehová ri in k'iytisanel richin ronojel. ¡Y man rik'in ri' rix nik'utuj ri achike ibanon chuwe richin iqasan nuq'ij!

Wuj Richin ri Malaquías 2:3

Chuqa' yin xtinya' ruk'ayewal pa kiwi' ri iwijatzul, y kan xtink'eq k'a el chi ipalej ri nikipamaj ri chikopi' ri ye'isuj chinuwech, richin junan xkixink'eq-el rik'in ri pamaj.

Wuj Richin ri Q'axanri'il 11:20

xa kan richin jun ik', kan xtikitej k'a ti'ij k'a toq xtikiben na xib y kan jumul k'a xtikixowaj, roma man xkiya' ta wejqalen yin Jehová ri ink'o chi'ikojol, y xa xe'oq' janila chinuwech y xkibij chi achike roma xe'el-pe pa ruwach'ulew Egipto. Keri' tabij chike, xcha' ri Jehová.

Wuj Richin ri Q'axanri'il 35:34

Man tiben k'a chire ri ruwach'ulew richin nok man ch'ajch'oj ta, roma akuchi yixbek'oje-wi rix, yin kan pan inik'ajal yik'oje-wi; roma yin Jehová kan ink'o chi'ikojol rix.

San Juan 12:26

Wi k'o k'a jun ri nrajo' chi yin yinok rajaw, tipe k'a wik'in. Y ri akuchi ink'o-wi yin, kan chiri' k'a xtik'oje-wi ri nusamajel. Y wi rija' xtuben ri nusamaj, xtinimirisex k'a ruq'ij roma ri nata'.

San Juan 5:23

Richin keri', yin xtink'ul k'a chuqa' nuq'ij achi'el ri nuk'ul ri nata'. Roma achike wineq ri man xtiya'on ta nuq'ij yin ri k'ajolaxel, man nuya' ta k'a chuqa' ruq'ij ri nata', ri taqayon-pe wichin.

San Juan 5:44

Rix xa man nikanoj ta iq'ij rik'in ri qitzij Dios, y xa kik'in winaqi' nikanola-wi. Roma ri' man yixtikir ta nikuquba' ik'u'x wik'in yin.

San Juan 8:49

Jak'a ri Jesús xubij chike: Yin man jun itzel espíritu ri k'o ta wik'in. Yin kan ja ri nata' ri ninya' ruq'ij, jak'a rix xa man niya' ta nuq'ij.

1 Corintios 4:5

Roma ri' rix man kixnabeyej yan chuq'atik tzij. Nik'atzin chi tiwoyobej na ri q'ij toq xtipe chik jun bey ri Cristo Jesús. Rija' kan xkerelesaj-pe chuwa-saqil ri banobel ri man yeq'alajin ta y xkeruq'alajirisaj-pe ri achike k'o pa taq qánima. Y ri Dios jari' toq xtubij chiqe chiqajujunal roj chi utz ri xeqabanala'.

1 Pedro 1:7

Ronojel re' kan nik'atzin richin niq'alajin, wi kan qitzij ikuquban ik'u'x rik'in ri Dios. Achi'el ri q'anapueq ri nik'owisex pa q'aq' richin nitz'et wi utz o man utz ta. Keri' chuqa' rix k'o chi yixtejtobex richin niq'alajin chi ri ikuqubabel-k'u'x utz o man utz ta. Y toq xixtejtobex yan y xikoch' ronojel, xtiya'ox k'a iq'ij y xtibix chiwe chi jebel ri xiben, toq ri Jesucristo xtok'ulun-qa.

Wuj Kichin ri To'onela' 9:10

Ri che' xebe chik k'a rik'in ri wíkix, y xkibij chire chi tok rey pa kiwi'.