1 Sam 2:3 - Kaqchiquel Bible

³ Man ke'ibij k'a ch'abel rik'in nimirisanen, ni man tel pa taq ichi' ch'abel rik'in nimirisanen, roma ri Dios, ja rija' ri Jehová ri retaman ronojel, y nutz'et ri achike niqaben.

1 Sam 2:3 ပူးပေါင်းရင်းမြစ်များ

1 Rey 8:39

wi keri', rat kan xtawak'axaj k'a ri chila' chikaj ri akuchi atk'o-wi, xtakuy ta rumak ri atinamit. Kan xaxe k'a rat ri yatz'eton ri kánima konojel ri winaqi', y roma ri' kan xtaben k'a kik'in achi'el ri kibanobal chikijujunal.

Wuj Richin ri Achin Job 31:6

kan kirupaja' k'a ri Dios rik'in jun etabel ri kan tz'aqet nipajon, richin keri' ri Dios kan nretamaj k'a chi yin kan choj wi ri nuk'aslen.

Wuj Richin Bix Chire ri Dios 147:5

Ri qajaw roj kan k'o janila nim ruq'ij, y kan janila uchuq'a' rik'in. Ri runojibal kan maneq ruchi'.

Wuj Richin Bix Chire ri Dios 17:10

Re winaqi' re' kan man jun chik joyowanik kik'in, kan nikibananej k'a toq yech'on.

Wuj Richin Bix Chire ri Dios 31:18

Kan ketane' k'a qa ri e tz'ukuy taq tzij, roma rije' yech'on rik'in janila nimirisanen, y kan janila k'a itzel yech'on chirij ri choj ruk'aslen.

Wuj Richin Bix Chire ri Dios 44:21

¿Kan man ta kami nanabej rat? roma rat kan awetaman k'a ronojel ri k'o pa qánima.

Wuj Richin Bix Chire ri Dios 75:5

Ninbij chike ri k'o kuchuq'a', chi man tikinimirisaj-ki'. Y toq yech'on, man tikiben chi kan janila e nima'q, yacha'.

Wuj Richin Bix Chire ri Dios 94:4

¿K'a janipe' kami xketane' richin nikibila' poqon taq ch'abel? ¿Kan jantape' kami xtikinimirisaj-ki' re e banoy taq etzelal?

Wuj Richin Etamabel-Tzij 16:2

Ronojel rubeyal k'aslen, kan e ch'ajch'oj yeq'alajin chuwech ri wineq; jak'a ri Jehová nunik'oj achike roma toq ri ránima ri wineq nucha-el jun chike ri bey.

Wuj Richin Etamabel-Tzij 24:12

Y stape' rat xtabij: Xa man xqetamaj ta, roma ri' man xojto'on ta. ¿Kan man niq'ax ta kami chuwech ri retaman ri achike k'o pan awánima? Ri jun ri kan rutzuliben ri achike rubanik ri ak'aslen, kan retaman ri achike ri nach'ob; y rija' kan xtuya' ruk'exel chawe, roma ri rubanik ri ak'aslen.

Wuj Richin Etamabel-Tzij 8:13

Toq kan k'o rukiy ri Dios chuwech ri wineq, kan nrixowaj ri man utz ta; achi'el yin kan ninwixowaj ri nim nuna-ri', ri ruyon nuya-qa ruq'ij, ri ruyon itzel taq banobel ri yerubanala', y ri ruyon tz'ukun taq tzij ri yeruben.

Wuj Richin ri Isaías 26:7

Ri rubey ri wineq ri choj ruk'aslen kan choj-wi, y rat ri qa-Dios, kan ja rat ri más at choj. Y kan nachojmirisaj ri rubey ri wineq ri choj ruk'aslen.

Wuj Richin ri Isaías 37:23

¿Achike ta k'a ri xaya' ruk'ix, y kan xaqasaj ruq'ij? ¿Achoq chirij xajeq pan achi', y kan janila xanimirisaj-awi' chuwech? Kan chuwij yin ri in Loq'olej ri ink'o wawe' pan Israel.

Wuj Richin ri Jeremías 17:10

Jak'a yin Jehová yitikir nintz'et ri ránima y kan wetaman jebel ronojel. Kan ninya' ri rutojbalil pa kiwi' chikijujunal achi'el ri kibanobal.

Ez 35:13

Rik'in k'a ri ich'abel kan xinimirisaj k'a iwi' y kan janila k'a itzel xixch'on chuwij. Y yin kan xinwak'axaj ronojel.

Dn 4:37

Wakami k'a, yin Nabucodonosor, kan ninya' k'a ruq'ij y ninnimirisaj ri Dios ri niq'aton-tzij chila' chikaj, roma ronojel ri nuben rija' kan jari' ri qitzij, y kan pa ruchojmilal-wi. Rija' kan nuqasaj k'a kiq'ij ri janila kinimirisan-ki' chuwech rija', xcha' ri Nabucodonosor.

Dn 5:27

Ri TEKEL nel chi tzij chi rat xatetex yan k'a pa jun etabel y xnabex chi chupan ri aq'atoj-tzij man ja ta rubanik yatajin.

Wuj Richin ri Malaquías 3:13

Rix kan ibilon poqon taq ch'abel chuwij yin, y k'ari' nibij chi man jun itzel ibin chuwij.

Hebreos 4:12

Roma ri ruch'abel ri Dios kan k'o-wi ruk'aslen, y k'o samaj nuben. Kan más rey ke chuwech ronojel espada ri k'o ka'i' rey. Roma ri ch'abel ri' nitikir napon k'a pa taq qánima, y nuq'alajirisaj-pe ri niqach'ob y ri rayibel, y napon k'a chupan ri baq y ri akuchi e tunul wi ri baq.

Wuj Richin ri Josúe 22:22

Ri Jehová Dios ri k'o pa kiwi' ri ch'aqa' chik dios, xtuq'alajirisaj chiwech ri qach'obonik, chi roj man xqaben ta q'anej re jun porobel re' richin yojyakatej chirij rija', roma wi ta keri' kan ja k'a rix ri xkixkamisan qichin ri'.

Apocalipsis 2:23

Y konojel ri ral xkenkamisaj, richin chi tiketamaj konojel ri molaj nimanela', chi yin wetaman ri achike ri nikich'ob y wetaman chuqa' ri k'o pa taq kánima konojel. Y kan achi'el k'a ri ibanobal chi'ijujunal, kan keri' k'a chuqa' ri ruk'exel ri xtik'ul.

Wuj Kichin ri To'onela' 9:38

Jari' toq ri Zebul xubij chire ri Gáal: ¿Akuchi k'o-wi ri ach'abel wakami, toq xabij: ¿Achike ta chik k'a ri Abimélec richin yojok rusamajela'?, xacha'. ¿Man ja ta k'a winaqi' re' ri xaben chike chi maneq kejqalen? Wakami k'a kabiyin y tabebana' oyowal kik'in, xcha' chire.

1 Sam 16:7

Jak'a ri Jehová xubij chire ri Samuel: Man tatzu' ri rubanik, ni man tatzu' ri rupalen, roma yin man ja ta la' nucha'on richin nok kan rey. Ri wineq ja ri rubanik ri nutzu', jak'a yin kan ja ri ránima y ri ruch'obonik ri nintz'et, xcha'.