1 Sam 2:24 - Kaqchiquel Bible

²⁴ Walk'ual, man tiben keri' roma xa man utz ta ri rutzijol ri eleneq chiwij ri ninwak'axaj yin, roma niben chire chi yemakun ri rutinamit ri Jehová.

1 Sam 2:24 ပူးပေါင်းရင်းမြစ်များ

Apocalipsis 2:20

Xa jak'a k'o jun ibanobal ri man niqa' ta chinuwech, y ri' ja ri jantape' ikoch'on ri rubanobal ri ixoq Jezabel. Roma rija' kan nubij chi q'alajirisey ruch'abel ri Dios, jak'a xaxe richin yeruq'ol ri nusamajela', kan nuk'ut chikiwech chi nikitej ri kamelabel ri sujun chikiwech ch'aqa' chik dios, y chi ri achi'a' y ri ixoqi' tikikanola-ki' richin yemakun.

3 Juan 1:12

Konojel k'a yebin chi ri ruk'aslen ri qach'alal Demetrio, kan utz wi y keri' niq'alajin. Roj chuqa' keri' niqabij, rix iwetaman chi man niqatz'uk ta tzij.

2 Pedro 2:18

Kan nikibananej chi k'o k'iy etamabel kik'in, jak'a xa ch'abel ri man jun kejqalen ri yekibila'. Y rik'in itzel taq rayinik yekiq'ol ri xa k'a juba' kekolotej-pe chikikojol ri e uk'uayon itzel k'aslen.

1 Timoteo 3:7

Y chuqa' jun uk'uey kichin qach'alal nik'atzin chi utz nitz'etetej ri ruk'aslen koma ri winaqi' ri man jani kikuquban kik'u'x rik'in ri Jesucristo, richin chi man jun itzel nilitej chirij, y nitzaq pa ruq'a' ri Itzel-Wineq.

2 Corintios 6:8

Ek'o k'a winaqi' ri yeya'on qaq'ij, y ek'o chuqa' ri xa kan yojkitorij. Ek'o ri jebel yech'on chiqij, y ek'o chuqa' ri xa itzel yech'on chiqij. Y ek'o chuqa' ri yebin chi oj q'olonela', stape' roj ja ri qitzij ri niqabij chike.

Hechos 6:3

Wakami k'a qach'alal, ke'icha-pe wuqu' achi'a' ri chi'ikojol, achi'a' ri kan etaman chi choj ri kik'aslen, k'o etamabel kik'in y nojineq ri kánima rik'in ri Loq'olej Espíritu, richin keri' jari' ri xkeqaya' chuwech ri k'o chi niya'ox chiwe.

San Mateo 18:7

Toq'ex kiwech ri winaqi' ri ek'o chuwech re ruwach'ulew roma kan ek'o ri yebanon chike rije' chi yetzaq pa mak. Chuwech re ruwach'ulew kan ek'o-wi pikbel. Jak'a kan toq'ex ruwech ri wineq ri nibanon chire jun chik chi nitzaq pa mak.

Wuj Richin ri Malaquías 2:8

Jak'a rix ri ix sacerdote xa kan xijech'ej kan iwi' wik'in yin Jehová ri in k'iytisanel richin ronojel, y roma ri' kan e k'iy ri xkixolq'otij kan ri pixa'. Y rik'in ri' kan xiq'ej ruwi' ri nujikibel-tzij ri xinben rik'in ri Leví.

2 Rey 10:31

Jak'a ri Jehú man xutaqej ta rik'in ronojel ránima ri rupixa' ri Jehová Dios, y kan man xuch'er ta kan ri' chire ri mak ri xuben ri Jeroboam toq xuben chike ri aj-Israel richin xemakun.

1 Rey 15:30

roma ri mak ri xuben ri Jeroboam, kan rik'in ri' xemakun konojel israelita, y rik'in ri' xuben richin xuyek royowal ri Jehová, Dios richin Israel.

1 Sam 2:22

Jak'a ri Elí janila ri'j chik y nrak'axaj k'a ronojel ri itzel ri yekibanala' ri ruk'ajol kik'in ri kiwinaq. Chuqa' yek'oje' kik'in ri ixoqi' ri yesamej chiri' chuchi' ri rachoch ri Dios.

1 Sam 2:17

Roma ri' ri Hofní y ri Finees kan janila nim ri kimak chuwech ri Jehová, roma man jun rejqalen nikiben chire ri sipanik ri niya'ox chire ri Dios.

Ex 32:21

Chirij ri' ri Moisés xubij chire ri Aarón: ¿Achike xkiben chawe re winaqi' re', richin xe'ayuqej chupan re jun nimalej mak re'?, xcha'.

1 Sam 2:23

K'ari' ri Elí xubij k'a chike ri ruk'ajol, ¿achike roma ye'iben re itzel taq banobel re'? Roma xya'ox rutzijol chuwe chi ri tinamit yexebeloj chiwij roma ri ye'ibanala'.

1 Rey 15:26

Ri Nadab xmakun k'a chuwech ri Jehová y xuben achi'el xuben ri Jeroboam ri rutata', y rik'in ri mak ri' xuben richin xemakun konojel aj-Israel.