1 Sam 2:21 - Kaqchiquel Bible

²¹ Y ri Jehová xuya' k'a q'ij chi ri Ana xek'oje' chik más ral y roma ri' xyawej chik y xek'oje' chik e oxi' ral alaboni' y e ka'i' xtani' y ri ti Samuel ruchapon ruk'iyinen pa rusamaj ri Jehová.

1 Sam 2:21 ပူးပေါင်းရင်းမြစ်များ

Wuj Richin ri Rutikeribel 21:1

Ri Jehová kan janila k'a jebel xuben rik'in ri Sara y kan xuben-wi achi'el ri rusujun kan chire.

Wuj Richin Bix Chire ri Dios 127:3

Ri alk'ualaxela' kan jun sipanik ri nuya' ri Jehová chike ri te'ej-tata'aj; kan jun urtisanik chike rije'.

Wuj Richin Etamabel-Tzij 3:4

Wi xtaben k'a ronojel re', kan xtawil k'a utzil y jebel ch'owen ri xtiban chawij, kan xtawil k'a re' rik'in ri Dios y kik'in ri winaqi'.

San Lucas 1:68

Kan nimalej ruq'ij ri ajaw Dios qichin roj ri oj judío, roma yojrunataj-pe roj ri oj rutinamit, y yojrukol.

San Lucas 1:80

Keri' ri ak'ual ri xalex kik'in ri Zacarías y ri Elisabet, ruchapon k'a nik'iy y ruchapon nik'iy rik'in ri Dios. Y pa tz'iran ruwach'ulew xk'oje-wi, k'a toq xapon ri q'ij richin xutzijoj ri ruch'abel ri Dios chikiwech ri ruwinaq.

San Lucas 2:40

Ri ak'ual xuchop k'a ruk'iyinen, y xk'oje' chuqa' el ruchuq'a'. Rija' kan ninimer k'a el rik'in etamabel, y k'o ri rutzil ri Dios pa ruwi'.

San Lucas 2:52

Ri Jesús ruchapon ruk'iyinen, y kan keri' chuqa' ri etamabel ri k'o rik'in beneq pa jotol. Kan janila k'a jebel chuwech ri Dios, y janila k'a chuqa' jebel chikiwech ri winaqi'.

Wuj Kichin ri To'onela' 13:24

Y xapon k'a ri q'ij toq xalex ri ti ak'ual y Sansón ri xubini'aj. Y ri ak'ual xk'iy-q'anej, y ri Jehová xuya' urtisanik pa ruwi'.

1 Sam 2:26

Jak'a ri ti ala' Samuel ruchapon nik'iy y ri Dios kan janila qajineq chuwech, y keri' chuqa' ri winaqi'.

1 Sam 3:19

Ri Samuel xk'iy-q'anej y ri Jehová kan k'o-wi rik'in, y kan xbanatej k'a ronojel ri xubij ri Jehová chire.