1 Sam 2:1 - Kaqchiquel Bible

¹ Ri Ana kere' xubij: Jehová, wajaw yin, janila nikikot ri wánima, roma rat Jehová, xaya' janila wuchuq'a' richin yitikir ninsol-wi' chikiwech ri etzelanel wichin, y roma ri' yin yalan yikikot rik'in ri akolotajik.

1 Sam 2:1 ပူးပေါင်းရင်းမြစ်များ

Wuj Richin Bix Chire ri Dios 13:5

Jak'a yin kan kuqul nuk'u'x rik'in ri ajoyowanik rat Jehová; kan nikikot ri wánima roma kan yinakol.

Filipenses 4:6

Man tisach ik'u'x roma xabachike; xa tiya' pa ruq'a' ri Dios ronojel y tik'utuj chire ri nik'atzin chiwe. Y chuqa' man timestaj yixmatioxin.

Wuj Richin Bix Chire ri Dios 92:10

Jak'a yin kan xtaya' más wuchuq'a', achi'el ri ruchuq'a' ri juyubel bóyix. Xtaqasaj k'a aceite pa nuwi', retal richin kikoten.

Wuj Richin Bix Chire ri Dios 89:17

Rat naya' kuchuq'a' y naben chike chi yekich'ek ri e etzelanel kichin.

Filipenses 4:4

Jantape' k'a tikikot ri iwánima rik'in ri Cristo; kan ninkamuluj k'a rubixik chiwe chi kan tikikot ri iwánima beneq-ruwech.

Wuj Richin Bix Chire ri Dios 20:5

Toq rat xkach'akon chikij ri e etzelanel awichin, roj kan xqojkikot k'a, kan pa rubi' k'a ri Dios xtiqatzeqej chikaj ri tzieq retal ch'akonik. Ri Jehová xtuk'uluba' ta k'a pe ronojel ri xak'utuj chire.

Wuj Richin Bix Chire ri Dios 9:14

keri' yin xkitikir xtinq'alajirisaj chuchi' ri Jerusalem, chi xaxe rat ruk'amon niya'ox aq'ij, chiri' k'a xkikikot-wi yin, roma kan in akolon.

Wuj Richin Bix Chire ri Dios 35:9

K'ari' xtikikot k'a ri wánima awik'in rat Jehová. Y xkikikot rik'in ri akolotajik.

Filipenses 3:3

Ja roj ri oj uk'uayon ri qitzij etal ri', y man ta rije'; roma roj kan niqaya' ruq'ij ri Dios rik'in ri Loq'olej Espíritu y yojkikot rik'in ri jun qabanon rik'in ri Cristo Jesús. Roj kan man niqakuquba' ta qa qak'u'x qik'in roj.

Romanos 5:11

Y man xaxe ta ronojel ri'; niqaya' matiox chire roma ri ajaw Jesucristo, roma ri rusamaj ri xuben chi junan chik qawech rik'in ri Dios.

Wuj Richin Bix Chire ri Dios 118:14

Yin ninbixaj rubi' ri Jehová, roma nuya' wuchuq'a'. Ja rija' ri xkolon wichin.

Wuj Richin Bix Chire ri Dios 89:24

Man jun bey k'a xtinmalij kan, ri wajowabal pa ruwi' rija' man jun bey xtik'is. Pa nubi' yin xtibe pa jotol ri ruchuq'a' rija'.

Ex 15:21

Y ri María kere' k'a ri xubixaj: Qojbixan chire ri Jehová qonojel, roma jun jebelej ch'akoj ri xuben. Rija' xuben chike ri kiej y ri e ch'okolibeyon kichin, chi xemuqutej kan chupan ri ya'.

Ex 15:1

K'ari' ri Moisés y konojel ri ruwinaq xkibixaj ri rubi' ri Jehová y kere' k'a nubij ri bix ri xkibixaj: Xtiqabixaj k'a rubi' ri Jehová, roma rija' kan xq'alajin chi k'o ruq'ij-ruk'ojlen. Xuben chike ri kiej y ri e ch'okolibeyon kichin chi xemuqutej kan chupan ri palou.

1 Pedro 1:8

Y stape' man jun bey itz'eton ri Jesucristo, kan janila niwajo'; stape' man nitz'et ta re wakami, ikuquban ik'u'x rik'in. Y roma ri' man niwil ta achike rubixik niben chire ri nimalej kikoten ri k'o pa taq iwánima.

Wuj Richin Bix Chire ri Dios 51:15

Ajaw, tabana' chuwe chi yin yitikir yibixan, richin kan xkatinnimirisaj rik'in ri nubix.

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Wuj Richin ri Habacuc 3:1

Yin xich'on chik rik'in ri Jehová y kere' xinbij:*f1*

Wuj Richin Bix Chire ri Dios 75:10

Ri kuchuq'a' ri e banoy etzelal kan xtich'akatej k'a. Jak'a ri kuchuq'a' ri kan choj kik'aslen kan tinimirisex.

Wuj Richin Bix Chire ri Dios 71:8

Kan xaxe ta k'a ri bix chawe rat ri xtel-pe pa nuchi', kan chijun q'ij ta k'a xtinya' aq'ij ak'ojlen.

Apocalipsis 18:20

Y jari' k'a toq xak'axatej jun ch'abel y xubij: Kan kixkikot k'a rix ri ixk'o chila' chikaj, ri ix taqon roma ri Cristo, rix q'alajirisey ruch'abel ri Dios y rix ralk'ual ri Dios, roma ri Dios kan xutz'et ri xik'owisaj pa ruq'a' ri Babilonia. Roma ri' xuya' rutojbalil chire.

San Lucas 1:69

Ri Dios nuya' jun nimalej qakolonel; jun ri kan riy-rumam kan ri David, ri rusamajel ri xk'oje' ojer.

Deut 33:17

Rix achi'a' aj-Efraín ri ix richin oyowal, kan janila iwuchuq'a' achi'el jun alaj achij wákix. Chuqa' rix achi'a' aj-Manasés ri ix richin oyowal, kan ix achi'el jun achij wákix ri janila mal. Rik'in ri iwuk'a' xke'ich'ek konojel ri e etzelanel iwichin. Rik'in ri ikum xke'ich'ek tinamit ri ek'o pa ruk'isibel chire ri ruwach'ulew.

Wuj Richin ri Achin Job 16:15

Y jari' xbanon chuwe chi janila yibison y nukusan ri tzieq richin bis. Xa maneq chik nuq'ij; xa jare' nutikiliben nik'aj-nuwech pan ulew.

Wuj Richin Bix Chire ri Dios 148:14

Rija' kan ruya'on k'a nimalej uchuq'a' chire ri rutinamit, konojel ri israelita kan tikiya' ruq'ij, roma ja rije' ri ek'o más naqaj chire rija'. ¡Kan tinimirisex k'a ruq'ij ri Jehová!

1 Sam 1:6

Y ri Peniná kan niyojoben chirij ri Ana, y kan nuben chire richin janila niq'axomer, roma maneq ral.

1 Sam 1:7

Keri' nuben ri Peniná chire ri Ana ronojel juna' toq yebe-q'anej pa rachoch ri Jehová, kan nuben chire chi niq'axomer. Roma ri' ri Ana janila noq', y man niwa' ta.

2 Crón 20:27

Chirij re' xetzolin-pe pa Jerusalem, y ri Josafat ik'owineq-pe chikiwech. Xetzolej-pe rik'in janila kikoten roma kan ja ri Jehová ri xkolon kichin chikiwech ri e etzelanel kichin.

Wuj Richin Bix Chire ri Dios 21:2

Kan xaya' k'a chire ri rurayibel ri ránima, man xapoqonaj ta k'a xaya' chire ri xuk'utuj chawe.

Wuj Richin Bix Chire ri Dios 89:18

Kan ja rat Jehová ri at qatobal. Ja rat loq'olej Dios ri at qa-rey.