1 Sam 19:9 - Kaqchiquel Bible

^9-10 Chupan k'a jun aq'a', ri Saúl tz'uyul pa rachoch y ruchapon ri rukum, rokik ri David niq'ojoman. Y jari' toq ri Jehová xuteq chik pe ri itzel espíritu rik'in ri Saúl, y roma ri' xuk'eq ri rukamisabal richin nuch'ik ta ri David chuwech ri jay. Jak'a ri David xtikir xujel y ri kum xch'ike' chuwech ri jay. Y chupan k'a ri aq'a' ri' ri David xrewaj-el-ri' y xbe chirachoch.

1 Sam 19:9 ပူးပေါင်းရင်းမြစ်များ

1 Sam 16:14

Ri Espíritu richin ri Jehová xel k'a el rik'in ri Saúl, y ri Jehová xuteq chik k'a pe jun itzel espíritu rik'in, y jari' ri nich'ujirisan richin.

1 Sam 16:16

Ajaw, taya' q'ij chiqe richin chi nibeqakanoj jun ri nitikir nuq'ojomaj arpa, richin toq xtipe ri itzel espíritu awik'in, rija' xtuq'ojomaj ri arpa y jari' toq rat xkach'uch'u' kan, xecha'.

1 Sam 19:8

Chirij re' xchapatej chik jun labal. Xbe k'a ri David richin xberubana' oyowal kik'in ri aj-Filistea. Rija' kan xeruch'ek y xe'animej chuwech.

1 Rey 22:22

Y ri espíritu ri' xubij: Yin xkibe y xkinok jun espíritu richin tz'ukuj-tzij, y xtinben chike ri achi'a' ri e q'alajirisanela' richin xtikitz'uk-tzij. Y ri Jehová xubij chire chi tibe y tiberubana' roma kan nitikir nuben chire ri Acab chi nibe y niken kan.

1 Sam 16:15

Y ri rusamajela' ri Saúl xkibij chire: Ri Dios xuteq-pe jun itzel espíritu awik'in, y jari' ri yach'ujirisan.

1 Sam 22:6

K'o k'a jun q'ij toq ri Saúl k'o chupan ri tinamit Guibeá, tz'uyul chuxe' jun che' ri nibix tamarisco chire, ri k'o pa ruwi' juyu'. Rija' ruk'uan ri rukum, y konojel ri aj-labal ek'o-apo rik'in. Jari' toq rija' xunabej chi ri David y konojel ri aj-labal xe'ilitej.