1 Sam 19:8 - Kaqchiquel Bible

⁸ Chirij re' xchapatej chik jun labal. Xbe k'a ri David richin xberubana' oyowal kik'in ri aj-Filistea. Rija' kan xeruch'ek y xe'animej chuwech.

1 Sam 19:8 ပူးပေါင်းရင်းမြစ်များ

Wuj Richin Bix Chire ri Dios 27:3

Stape' jun tzobaj aj-labal xtikisutij-wij richin yinkich'ek, yin man xtinxibij ta wi'. Stape' pa nuwi' yin xtikichop-q'anej oyowal, yin kan kuqul k'a nuk'u'x.

1 Sam 19:7

Y ri Jonatán xroyoj ri David y xutzijoj ronojel chire ri xubij ri rutata', y kan ja rija' xuk'uan-el richin ri David pa rachoch ri Saúl, y xk'oje' rik'in achi'el rubanon kan.

1 Sam 19:9

Chupan k'a jun aq'a', ri Saúl tz'uyul pa rachoch y ruchapon ri rukum, rokik ri David niq'ojoman. Y jari' toq ri Jehová xuteq chik pe ri itzel espíritu rik'in ri Saúl, y roma ri' xuk'eq ri rukamisabal richin nuch'ik ta ri David chuwech ri jay. Jak'a ri David xtikir xujel y ri kum xch'ike' chuwech ri jay. Y chupan k'a ri aq'a' ri' ri David xrewaj-el-ri' y xbe chirachoch.

1 Sam 18:14

Y ri David kan rik'in na'oj xuben ronojel re', roma ri Jehová kan k'o-wi rik'in.

1 Sam 18:30

Ronojel mul toq ri e tata'al aj-Filistea yebe pan oyowal, ja ri David ri nich'akon chikij, roma ja rija' ri más nitikir chikiwech konojel e richin ri Saúl. Roma ri' kan xel janila jebel rutzijol.

1 Sam 23:5

Keri' ri David y ri aj-labal xebe k'a pa Queilá richin xbekibana' oyowal kik'in ri aj-Filistea. Y kan xech'akon k'a chikij, y xekik'uala' k'a el ri kawej. Y keri' ri David xerukol k'a ri winaqi' aj-Queilá.

1 Rey 20:21

Y ri Acab ri rey richin Israel xel chuqa-el y xberubana' oyowal kik'in ri aj-Siria y xeruch'ek, y xeruchop-pe ri kikiej y ri ki-carruaje.