1 Sam 19:5 - Kaqchiquel Bible

⁵ Y chuqa' kan xuya' ri ruk'aslen pa kamik toq xukamisaj ri Goliat. Ri Jehová xuya' kolotajik pa ruwi' ri qaruwach'ulew Israel. Rat xatz'et ri', y kan janila xakikot rik'in. ¿Achike k'a roma wakami nawajo' nakamisaj y xa maneq rumak rubanon chawech?, xcha' ri Jonatán chire ri rutata'.

1 Sam 19:5 ပူးပေါင်းရင်းမြစ်များ

1 Crón 11:14

Jak'a ri Eleazar y jun tzobaj achi'a' xkipaba-ki' chikiwech ri aj-Filistea chiri' pa runik'ajal ri ulew ri'. Y kan xekich'ek k'a roma kan ja ri Dios xya'on ri jun nimalej ch'akonik ri' chike ri israelita.

1 Sam 11:13

Jak'a ri Saúl xubij: Man jun xtikamisex chupan re q'ij re', roma wakami ri Jehová xukol yan ri Israel, xcha'.

San Mateo 27:4

Rija' xubij kan chike: Yin kan ximakun richin xinjech pan iq'a' ri jun ri xa maneq rumak, xcha' chike. Jak'a rije' xkibij-pe chire: Re' man nik'atzin ta chiqe roj. Ri' amak rat, xecha' chire.

1 Sam 20:32

K'ari' ri Jonatán xubij chire ri rutata': ¿Achike k'a roma k'o chi niken ri David? ¿Achike k'a rumak rubanon chawech, richin keri' nabij?, xcha' chire.

Wuj Kichin ri To'onela' 9:17

Toqaqa chi'ik'u'x chi ri nata' kan xuben oyowal iwoma rix, y xuya' ri' pa kamik richin xixkolotej pa kiq'a' ri aj-Madián.

Hechos 20:24

Jak'a man ja ta ri' ri más ninch'ob rij, ni man ja ta chuqa' ri nuk'aslen ri ninch'ob más. Ri más k'a ninch'ob, ja ri samaj ri ruya'on ri ajaw Jesús chuwe, y rik'in ta k'a kikoten ri xtink'is rutzijoxik chike ri winaqi' ri utzilej ch'abel richin kolotajik, ri niq'alajirisan ri rutzil ri Dios.

Wuj Richin Bix Chire ri Dios 119:109

Ri nuk'aslen kan jantape' k'a k'o chuwi' ruk'ayewal, jak'a yin kan man xkimestan ta chire ri tijonik ri aya'on chuwe.

1 Sam 28:21

K'ari' ri ixoq xjel-apo rik'in ri Saúl y toq xutz'et chi kan janila ruxibin-ri' xubij chire: Yin ri in asamajel kan xinnimaj atzij. Kan xinya' pa k'ayew ri nuk'aslen y kan xinben ri xabij chuwe.

Filipenses 2:30

roma rija' xa kan jubama k'a xken chubanik ri rusamaj ri Cristo. Kan xuya' k'a ri' chuwikamik richin xiruto' rik'in ri samaj ri man yixtikir ta rix richin yinito' chubanik.

San Juan 15:25

Ronojel k'a re', kan najin chik rubanik, roma kan keri' ri tz'ibatel kan chupan ri ruch'abel ri Dios ri ya'on chike y nubij:*f20* Yinketzelaj y xa man jun achike ta roma, nicha'.

San Mateo 27:24

Toq ri Pilato xutz'et chi xa man jun chik nitikir nuben y ri winaqi' xa xkichop janila nikiben, k'ari' rija' xberuk'ama-pe juba' ruya' y xuch'ej ruq'a' chikiwech konojel ri winaqi' ri ek'o chiri' y xubij: Yin man jun numak chire ri rukamik re jun chojmilej achin re'. Ri' xa jak'a rix, xcha' chike.

Wuj Richin ri Jeremías 26:15

Jak'a rix tiwetamaj re': Wi yinikamisaj, ja rix xkixejqalen. Roma kan yinikamisaj y xa maneq numak, roma kan ja ri Jehová ri xitaqon-pe richin xinya' re jun rutzijol re' chiwe, xicha' chike.

Wuj Richin Bix Chire ri Dios 69:4

Yinketzelaj y xa man jun achike ta roma; janila k'a xek'iyer, y kan man e ajlatel ta chik, kan más chik k'a xek'iyer ke chuwech ri rusumal-nuwi'. Ri e etzelanel wichin kan xk'oje' k'a kuchuq'a'. Kan nikich'ojij k'a chuwe ri xa man xinweleq'aj ta.

1 Sam 14:45

K'ari' ri aj-labal xkibij chire ri Saúl: Roj kan man xtiqaya' ta q'ij chi niken ri Jonatán roma ja rija' ri xkolon qichin roj ri oj israelita. Chuwech ri Jehová niqabij, chi ri Jonatán kan man jun rusumal-ruwi' ri xtitzaq ta pan ulew, roma ri xuben kan xuben rik'in ri ruto'onik ri Dios, xecha'. Y keri' toq ri achi'a' ri' xkikol ri Jonatán chuwech ri kamik.

Wuj Kichin ri To'onela' 12:3

Xintz'et k'a yin chi xa man niwajo' ta yinito', yin kan xinya' k'a wi' chuwi kamik, y xojq'ax-apo kik'in ri e etzelanel qichin richin xbeqabana' oyowal, y ri Jehová kan xerujech k'a pa nuq'a'. ¿Achike k'a roma rix ix peteneq re wakami richin niben oyowal wik'in?, xcha'.

Hebreos 2:3

¿achike k'a rubanik xtiqato-qi' roj chuwech ri royowal ri Dios wi xa xtiqamalij ri nimalej kolotajik? Roma re kolotajik re' kan ja ri ajaw Jesús ri xtzijon nabey. Y ri xe'ak'axan-pe rik'in rija', jari' ri xeq'alajirisan chiqawech roj.

Ex 14:13

Y ri Moisés xubij chike: Man tixibij-iwi'. Rix kow kixk'oje', y titz'eta' ri kolotajik ri xtuben ri Jehová qik'in re wakami, roma la aj-Egipto la yeqatz'et wakami kan man jun bey chik k'a xkeqatz'et.

Wuj Richin Bix Chire ri Dios 25:3

Konojel k'a ri nikikuquba' kik'u'x awik'in, kan man jun bey xkek'ixbitej. Jak'a ri yeyakatej chawij rat kan xke'ak'ixbisaj k'a.

1 Sam 19:6

Ri Saúl xrak'axaj k'a ri ch'abel ri xubij ri ruk'ajol. K'ari' xuya' rutzij chuwech ri Jehová chi man nukamisaj ta ri David.

1 Sam 22:14

Chirij re' ri Ahimélec xubij chire ri rey: ¿Achike k'a chike ri asamajela', kan nuben ri nubij, achi'el nuben ri David y chuqa' rija' kan aji', wajaw yin, y chuqa' aj-raqen pa kiwi' ri ye'ilin awichin, y kan janila ya'on ruq'ij chiri' pan awachoch?

2 Sam 23:10

Jak'a ri Eleazar xupaba-ri' chikiwech ri aj-Filistea y xuchop yerukamisaj, k'a toq xkos na ri ruq'a' k'ari' xtane'. Y ri ru-espada kan xtz'are' kan chirij ri ruq'a'. Y keri' chupan ri q'ij ri' ri Jehová xuya' jun nim ch'akonik chike ri israelita. Chirij ri' ri ch'aqa' chik israelita xetzolin rik'in ri Eleazar richin xbekik'ama' kan chuwi-kiq'a' ri etzelanel kichin ronojel ri k'o rejqalen.

Wuj Richin Bix Chire ri Dios 94:21

Ri winaqi' ri' xa kan nikimol k'a ki' richin nikelesaj ri ruk'aslen ri utzilej wineq. Nikiben k'a chire ri maneq rumak, chi nutoj rumak.

1 Crón 11:18

Toq xkak'axaj re oxi' achi'a' re' ri kan janila kuchuq'a' y man nikixibij ta ki', xeq'ax chikikojol ri aj-Filistea ri ek'o pa taq'aj, richin xbekelesaj juba' ya' chupan ri pozo ri k'o chuchi' ri Belén. Y xkik'uaj k'a el chire ri David. Jak'a ri David xa man xuqum ta. Xa xutix chuwech ri Jehová richin jun sipanik,

Wuj Richin Bix Chire ri Dios 109:5

Ja ri itzel nikiben chuwe, pa ruk'exel ri utzil ri ninben chike. Nich'upun k'a kik'u'x chuwij pa ruk'exel ri ajowabel ri ninya' chike.