1 Sam 19:4 - Kaqchiquel Bible

⁴ Y ri Jonatán xch'on utz chirij ri David chire ri rutata' y xubij: Rat man ruk'amon ta richin nakamisaj ri David ri asamajel, roma rija' kan man jun itzel rubanon chawe. Ronojel ri samaj rubanon awik'in ruyon utzilej taq banobel.

1 Sam 19:4 ပူးပေါင်းရင်းမြစ်များ

Wuj Richin ri Jeremías 18:20

Toqaqa k'a chi'ak'u'x chi yin in ch'owineq awik'in pa kik'exel rije', richin chi nink'utuj chawe chi man naya' ta pe ruk'ayewal pa kiwi'. ¿Kan rik'in kami ri itzel nitoj-wi ri utz? ¿Achike k'a roma rije' xkik'ot jun jul richin yinkichop yin?

Wuj Richin ri Rutikeribel 42:22

K'ari' xch'on-apo ri Rubén y xubij chike: Yin xinbij chiwe chi man jun itzel tiben chire ri ala' ri' y man xinimaj ta nutzij y k'a wakami yojtajin rutojik ri rukamik ri qachaq', xcha'.

Wuj Richin Etamabel-Tzij 17:13

Ri wineq ri xa itzel ruk'exel nutzolij chire ri jun chik wineq ri k'o utz ri nuben chire; ri pa rachoch ri nibanon itzel, kan man jun bey xke'uxlan ta juba' pa ruq'a' ri etzelal.

1 Sam 20:32

K'ari' ri Jonatán xubij chire ri rutata': ¿Achike k'a roma k'o chi niken ri David? ¿Achike k'a rumak rubanon chawech, richin keri' nabij?, xcha' chire.

Wuj Richin Bix Chire ri Dios 35:12

Yin ninben utz kik'in, jak'a rije' ja ri itzel nikiben chuwe. Y re' xa nuya' bis pa wánima.

1 Sam 22:14

Chirij re' ri Ahimélec xubij chire ri rey: ¿Achike k'a chike ri asamajela', kan nuben ri nubij, achi'el nuben ri David y chuqa' rija' kan aji', wajaw yin, y chuqa' aj-raqen pa kiwi' ri ye'ilin awichin, y kan janila ya'on ruq'ij chiri' pan awachoch?

1 Corintios 8:12

Y roma rix ye'isok y ye'itzeq ri qach'alal, xa kan nisok chuqa' ri Cristo.

2 Crón 6:22

Y wi k'o ta jun ri k'o numakuj chuwech ri rachpochel, y nik'amer-pe chuwech re porobel re' chupan re awachoch richin nuya' rutzij chi wi aj-mak o man aj-mak ta,

1 Sam 2:25

Titz'eta' na pe, wi jun wineq nimakun chuwech jun chik wineq, ek'o k'a yeq'aton-tzij pa ruwi', jak'a ri jun wineq nimakun chuwech ri Jehová ¿Achike k'a xtito'on richin?, xubij ri Elí. Jak'a rije' man xeniman ta chire ri kitata', roma ri Jehová Dios ruch'obon chik richin nrelesaj-el kik'aslen.

Wuj Richin ri Rutikeribel 9:6

Jun wineq kan achi'el nubanik yin, y wi k'o ta jun xtikamisan jun wineq, ri xtibanon xa kan xtiqaqa chuqa' pa ruq'a' jun chik wineq.

1 Juan 3:15

Y ri nretzelaj ri rach'alal xa achi'el jun kamisanel. Y rix iwetaman, chi ri kamisanel maneq ru k'aslen ri man k'isel ta.

Wuj Richin Bix Chire ri Dios 59:4

Kan man jun ch'a'oj nubanon, jak'a rije' kan yebujuj chinukanoxik. Kinoqaqa k'a chi'ak'u'x, katanpe wik'in y tatz'eta'.