1 Sam 19:24 - Kaqchiquel Bible

²⁴ Y xrelesaj-el ri rutziaq richin rey y jari' toq xuq'alajirisaj ruch'abel ri Dios chuwech ri Samuel. Chijun q'ij y chijun aq'a' keri' xuben. Y jari' toq xkibij: ¿Ri Saúl k'o chuqa' chikikojol ri e q'alajirisey ruch'abel ri Dios?, xecha'.

1 Sam 19:24 ပူးပေါင်းရင်းမြစ်များ

2 Sam 6:14

Y rija' rukusan k'a el jun rutziaq ri banon rik'in lino. Y janila k'a kikoten k'o rik'in y roma ri' kan nitzopiyaj rik'in ronojel ruchuq'a' chuwech ri Jehová.

2 Sam 6:20

Xeri' ri David xbe pa rachoch richin xberuya' urtisanik pa kiwi' konojel ri ek'o chiri'. Y jari' toq xok'ul k'a el roma ri Mical ri rixjayil, y xubij chire ri David: ¿Kan jebel ok ri xaben rat, rey richin Israel chi xach'anaba-awi' chikiwech ri ixoqi' aj-ik'a' kichin ri asamajela'? ¿Kan man xak'ix ta k'a, chi xa xaben achi'el xa ta at jun xabachike achin?, xcha'.

Wuj Richin ri Isaías 20:2

Y jari' chuqa' toq ri Jehová xch'on chik rik'in ri Isaías richin trelesaj-el ri rutziaq richin bis, y chuqa' ri ruxajab. Y ri Isaías kan keri' k'a ri xuben, xbiyajilan chikikojol ri winaqi'.

Wuj Richin ri Miqueas 1:8

Roma ri' kan yibison y kan yijiq'ijo'x chi oq'ej. Xkiwuyin k'a chi oq'ej achi'el yewuyin ri utiwa', y achi'el ri jiloj ri nikiben ri alaji' aj-xik' taq chikopi' toq e malin kan roma ri kite'. Roma k'a ri nubis kan maneq nuxajab y nutziaq xtinkusaj.

Wuj Richin ri Q'axanri'il 24:4

Yin kan noqaqa-wi ri ruch'abel ri Dios pa nuxikin: Kan nintzu-wi jebel toq kan ninch'ob rij ri Dios. Kan nintzu-wi jebel toq nik'utumej chinuwech ri k'o ronojel uchuq'a' pa ruq'a'.

Hechos 9:21

Konojel k'a ri winaqi' ri ye'ak'axan richin ri Saulo, xsach kik'u'x y nikibila' k'a chirij: ¿Man ja ta kami re' ri achin ri janila xuben chike ri kan nikiya-wi ruq'ij ri Jesús ri chiri' pa Jerusalem y xuben chike chi xkik'owisaj tijoj-poqonal? Wakami xoqaqa wawe' re pa Damasco richin chi e ximon yeruk'uaj-el ri nikiya' ruq'ij ri Jesús, y yeberuya' pa kiq'a' ri sacerdote, yecha'.

1 Sam 10:6

Jari' toq ri Espíritu richin ri Jehová xtoqaqa pan awi' richin nuya' awuchuq'a'. Y xkatok jun q'alajirisey ruch'abel ri Dios, y kan achi'el nikiben rije' keri' xtaben rat y kan xkatok k'a jun k'ak'a' achin.

1 Sam 15:35

Y ri Samuel kan man jun bey chik k'a xberutz'eta' ri Saúl; stape' kan janila nibison roma rija'. Y ri Jehová kan xq'axon k'a rik'in, chi ja ri Saúl ri xukusaj kan rey pa ruwi' ri tinamit Israel.

1 Sam 18:10

Ri jun chik q'ij ri Jehová xuteq chik k'a pe ri itzel espíritu rik'in ri Saúl, y kan sachineq ruk'u'x k'o pa rachoch. Y ri David niq'ojoman k'a achi'el nuben ri ch'aqa' chik q'ij. Y ri Saúl kan ruk'uan k'a ri rukum.