1 Sam 19:23 - Kaqchiquel Bible

²³ Y toq ri Saúl ruchapon bey, jari' toq ri Espíritu richin ri Dios xoqaqa pa ruwi', y rija' chuqa' xuchop nuq'alajirisaj ri ruch'abel ri Dios, y keri' xapon k'a pa Naiot.

1 Sam 19:23 ပူးပေါင်းရင်းမြစ်များ

Wuj Richin Etamabel-Tzij 16:9

Ri runojibal ri wineq kan nisamej-wi chuch'obik ri rubeyal ri k'aslen, jak'a ri ruxaka'l ri xtuya', k'a ja na ri Jehová xtik'utu chuwech akuchi nuk'uaj-wi

1 Sam 10:10

Toq rija' y ri rusamajel xe'apon pa Guibeá, kan xekik'ul k'a ri jun tzobaj q'alajirisey ruch'abel ri Dios. Y ri Espíritu richin ri Dios xpe rik'in ri Saúl, richin xuya' ruchuq'a'. Y kan xok chuqa' jun q'alajirisey ruch'abel ri Dios kik'in ri ch'aqa' chik.

1 Sam 19:20

Y xeri' ri Saúl xeruteq-el rusamajela' richin nibekik'ama-pe ri David. Y toq xe'apon xekitz'et jun tzobaj ri e q'alajirisey ruch'abel ri Dios, y ja ri Samuel ik'owineq-el chikiwech. Y ri ru-Espíritu ri Dios xoqaqa pa kiwi' ri rusamajela' ri Saúl, y rije' chuqa' xkiq'alajirisaj ri ruch'abel ri Dios.

Wuj Richin ri Q'axanri'il 24:2

y toq xtzu'un-qa ri pa xulan, xutz'et k'a chi ri tinamit Israel e uxlawineq pa taq tzobaj y jari' toq ri Espíritu richin ri Jehová xqaqa pa ruwi' rija' richin xubij:

1 Corintios 13:2

Y stape' ta ninq'alajirisaj ri ruch'abel ri Dios; o niq'ax ta chinuwech ronojel ruch'obonik ri Dios ri ewatel-pe rik'in, y ronojel ta wetaman; o roma ta ri kan kuqul nuk'u'x, roma ta ri' yitikir ninben chike ri nimalej taq juyu' chi ke'el-el ri akuchi ek'o-wi; y stape' ta yitikir ninben ronojel ri', y maneq ajowabel wik'in, man jun yik'atzin-wi.

San Juan 11:51

Ri Caifás toq xch'on y keri' xubij, man kan ta ja ri runojibal rija' ri xrukusaj. Ri ch'abel ri xerubij rija', kan jak'a ri Dios ri xya'on-pe chire. Roma kan jak'a rija' ri nimalej ru-sacerdote ri Dios ri q'ij ri', roma ri' ri Dios xuya' k'a q'ij chire richin chi xubij yan chi ri Jesús k'o k'a chi niken na pa kik'exel ri winaqi' richin ri ruwach'ulew ri'.

San Mateo 7:22

Y chupan k'a ri q'ij toq xtiq'at-tzij pa kiwi' ri winaqi', e k'iy k'a ri xkebin chuwe: ¡Wajaw! Wajaw, roj kan pan abi' rat xqaq'alajirisaj ri ruch'abel ri Dios, pan abi' rat xeqakol k'iy winaqi' ri ek'o itzel taq espíritu kik'in y pan abi' chuqa' rat xeqabanala' janila k'iy meyel taq banobel, xkecha'.

Wuj Richin Etamabel-Tzij 21:1

Kan achi'el ri ya' richin jun raqen-ya', kan keri' ri rubanik ri ruk'aslen ri rey pa ruq'a' ri Jehová; roma kan akuchi nrajo-wi rija' chi niq'ax-wi, chiri' k'o chi nibe-wi.

Wuj Richin ri Q'axanri'il 23:5

Y ri Jehová kan xubij k'a el chire ri Balaam ri achike chi ch'abel ri ruk'amon chi niberubij y xubij chi titzolin ri akuchi k'o-wi ri Balac, y tubij chire ri xubij-el chire.

1 Sam 10:6

Jari' toq ri Espíritu richin ri Jehová xtoqaqa pan awi' richin nuya' awuchuq'a'. Y xkatok jun q'alajirisey ruch'abel ri Dios, y kan achi'el nikiben rije' keri' xtaben rat y kan xkatok k'a jun k'ak'a' achin.

1 Sam 10:12

Y ek'o k'a chike rije' xkibij: ¿Achike ta chik k'a ri rutata' rija'?, xecha'. Y roma ri' toq xel-pe re ch'abel re' y xkanej kan pa jun k'ambel-tzij: ¿Ri Saúl chuqa' chikikojol ri e q'alajirisey ruch'abel ri Dios?

1 Sam 18:10

Ri jun chik q'ij ri Jehová xuteq chik k'a pe ri itzel espíritu rik'in ri Saúl, y kan sachineq ruk'u'x k'o pa rachoch. Y ri David niq'ojoman k'a achi'el nuben ri ch'aqa' chik q'ij. Y ri Saúl kan ruk'uan k'a ri rukum.

1 Sam 19:18

Y ri David xanimej k'a el y xberuto-ri' rik'in ri Samuel pa tinamit Ramá, y xutzijoj k'a ronojel ri niban chire roma ri Saúl. K'ari' ri David y ri Samuel xe'el k'a el chiri' pa Ramá y xebe pa tinamit Naiot, y chiri' xebek'oje-wi.

1 Sam 19:22

K'ari' ri Saúl xbe pa tinamit Ramá. Xapon k'a chuchi' ri jun nimalej pozo ri k'o pa Secú, y xuk'utuj-el akuchi ek'o-wi ri Samuel y ri David. Y k'o jun ri xbin-el chire chi rije' ek'o chiri' pa Naiot.