1 Sam 19:21 - Kaqchiquel Bible

²¹ Y toq ri Saúl xretamaj re', xeruteq chik el ch'aqa' kachibil, jak'a rije' chuqa' keri' xkiben. Y pa rox mul xeruteq chik el ch'aqa', y chuqa' keri' xkiben.

1 Sam 19:21 ပူးပေါင်းရင်းမြစ်များ

Wuj Richin Etamabel-Tzij 27:22

Jun wineq ri xa maneq runa'oj, stape' kan niq'ututex, man nichojmir ta.

Wuj Richin ri Jeremías 13:23

¿Nitikir kami jun wineq q'eq, nok ta seq? ¿Nitikir kami jun balma nrelesaj-el ri taq seq'eseq ri ek'o chirij? Rix chuqa' winaqi' aj-Judá, man yixtikir ta chik niben ri utz, roma kan ruk'ulun chik chiwe richin niben ri etzelal.

Joel 2:28

Chirij k'a ronojel re', xtinya-pe ri nu-Espíritu pan iwi' chi'iwonojel rix. Chi xtani' chi alaboni' xtikiq'alajirisaj ri ninbij chike. Y ri k'a e k'ajola', pa jun achi'el achik' xtikitz'et ri ninq'alajirisaj chike. Y ri rijita'q taq achi'a', k'o xkenq'alajirisaj chike pa kachik'.

1 Sam 19:20

Y xeri' ri Saúl xeruteq-el rusamajela' richin nibekik'ama-pe ri David. Y toq xe'apon xekitz'et jun tzobaj ri e q'alajirisey ruch'abel ri Dios, y ja ri Samuel ik'owineq-el chikiwech. Y ri ru-Espíritu ri Dios xoqaqa pa kiwi' ri rusamajela' ri Saúl, y rije' chuqa' xkiq'alajirisaj ri ruch'abel ri Dios.

1 Sam 19:22

K'ari' ri Saúl xbe pa tinamit Ramá. Xapon k'a chuchi' ri jun nimalej pozo ri k'o pa Secú, y xuk'utuj-el akuchi ek'o-wi ri Samuel y ri David. Y k'o jun ri xbin-el chire chi rije' ek'o chiri' pa Naiot.