1 Sam 19:20 - Kaqchiquel Bible

²⁰ Y xeri' ri Saúl xeruteq-el rusamajela' richin nibekik'ama-pe ri David. Y toq xe'apon xekitz'et jun tzobaj ri e q'alajirisey ruch'abel ri Dios, y ja ri Samuel ik'owineq-el chikiwech. Y ri ru-Espíritu ri Dios xoqaqa pa kiwi' ri rusamajela' ri Saúl, y rije' chuqa' xkiq'alajirisaj ri ruch'abel ri Dios.

1 Sam 19:20 ပူးပေါင်းရင်းမြစ်များ

Joel 2:28

Chirij k'a ronojel re', xtinya-pe ri nu-Espíritu pan iwi' chi'iwonojel rix. Chi xtani' chi alaboni' xtikiq'alajirisaj ri ninbij chike. Y ri k'a e k'ajola', pa jun achi'el achik' xtikitz'et ri ninq'alajirisaj chike. Y ri rijita'q taq achi'a', k'o xkenq'alajirisaj chike pa kachik'.

Wuj Richin ri Q'axanri'il 24:2

y toq xtzu'un-qa ri pa xulan, xutz'et k'a chi ri tinamit Israel e uxlawineq pa taq tzobaj y jari' toq ri Espíritu richin ri Jehová xqaqa pa ruwi' rija' richin xubij:

San Juan 7:32

Jak'a ri fariseo ri ek'o-apo chiri' xkak'axaj chi keri' ri yekibila' ri winaqi' chirij ri Jesús. Roma ri' rije' y ri aj-raqen kichin ri sacerdote xekiteq k'a el achi'a' e chajinela' chuchapik.

1 Corintios 14:3

Jak'a ri nuq'alajirisaj ri ruch'abel ri Dios, kan chike k'a ri winaqi' nich'on-wi. Nuben chike richin yek'iy rik'in ri kik'aslen, yerupixabaj y nukuquba' kik'u'x.

1 Sam 10:10

Toq rija' y ri rusamajel xe'apon pa Guibeá, kan xekik'ul k'a ri jun tzobaj q'alajirisey ruch'abel ri Dios. Y ri Espíritu richin ri Dios xpe rik'in ri Saúl, richin xuya' ruchuq'a'. Y kan xok chuqa' jun q'alajirisey ruch'abel ri Dios kik'in ri ch'aqa' chik.

1 Sam 19:11

Y ri Saúl chi'anin xeruteq-el rusamajela' chirachoch ri David richin chi tikichajij, y nimaq'a' yan tikikamisaj kan. Jak'a ri Mical xubij chire ri David: Wi man xtakol ta el awi' chupan re aq'a' re', chua'q nimaq'a' yan xkakamisex, xcha'.

1 Sam 19:14

Y toq xe'apon ri rusamajela' ri Saúl richin nibekik'ama-pe ri David, ri Mical xubij chike chi rija' janila yawa'.

1 Sam 19:19

Y xya'ox k'a rutzijol chire ri Saúl y xbix chire chi ri David k'o pa Naiot richin Ramá.

1 Sam 19:21

Y toq ri Saúl xretamaj re', xeruteq chik el ch'aqa' kachibil, jak'a rije' chuqa' keri' xkiben. Y pa rox mul xeruteq chik el ch'aqa', y chuqa' keri' xkiben.