Xeri' ri Mical xuya' jun wachibel pa ruch'at ri David y xuya' jun ruch'akat-ruwi' ri banon rik'in rusumal tzuntzun, y k'ari' xutz'apej kan rik'in jun k'ul.
K'ari' ri Saúl xeruteq chik el ri rusamajela' richin nibekikanoj ri David, y xubij-el chike: Tiwelesaj-pe, stape' pa ruch'at k'o-wi. Tik'ama-pe chuwe richin ninkamisaj, xcha'.
Jari' toq ri Saúl xubij chire ri Mical: ¿Achike roma xinaq'ol y kan xaya-el q'ij chire ri etzelanel wichin richin xanimej-el?, xcha'. Y ri Mical xubij chire ri rutata' chi ri David xubij chi wi man xtuya' ta el q'ij chire richin nibe, rija' xtukamisaj kan.