1 Sam 19:13 - Kaqchiquel Bible

¹³ Xeri' ri Mical xuya' jun wachibel pa ruch'at ri David y xuya' jun ruch'akat-ruwi' ri banon rik'in rusumal tzuntzun, y k'ari' xutz'apej kan rik'in jun k'ul.

1 Sam 19:13 ပူးပေါင်းရင်းမြစ်များ

Wuj Richin ri Rutikeribel 31:19

Jak'a ri Labán xa xberusokaj kisumal ri rukarne'l. Roma ri' ri Raquel xtikir xereleq'aj-el ri wachibel ri yek'atzin chire ri rutata' richin nuya' kiq'ij.

Wuj Kichin ri To'onela' 18:17

K'ari' ri wo'o' achi'a' ri xbeketamaj kan ri ruwach'ulew, xe'ok-apo pa rachoch ri Micaías, y xbekik'ama-pe ri wachibel toch'on, ri efod, ri kokoj taq wachibel y ri wachibel ri banon rik'in saqipueq ya'erisan pa q'aq', rokik ri sacerdote k'o chiri' chuchi' ri jay kik'in ri e 600 achi'a' ri kik'uan ri kikamisabal.

Wuj Kichin ri To'onela' 18:14

K'ari' ri wo'o' achi'a' ri xbeketamaj kan ri ruwach'ulew Lais y xkibij chike ri kiwinaq: Chupan re jay re' k'o jun efod, chuqa' kokoj taq wachibel, jun wachibel toch'on ri ya'on saqipueq chirij y jun chik banon rik'in saqipueq ya'erisan pa q'aq'. Wakami k'a tich'obo' achike niqaben rik'in ronojel re', xecha'.

Os 3:4

Keri' chuqa' ri tinamit Israel, kan k'iy k'a q'ij xkek'oje' chi maneq ki-rey. Man xkek'oje' ta chik k'a tata'al chikikojol, Man xtikisuj ta chik kamelabel q'ij-q'ij, ni ri paban taq abej, ni ri efod, ni ri ch'aqa' chik ki-dios man xkek'oje' ta chik kik'in.

Wuj Kichin ri To'onela' 17:5

Y re achin re' xk'oje' kachoch ri dios ri' rik'in, y xuben jun tzieq ri nibix efod chire, y chuqa' xeruben ch'aqa' chik taq wachibel. Chuqa' xuben chire jun chike ri ruk'ajol chi xok sacerdote kichin re wachibel re'.

1 Sam 19:16

Y toq ri samajela' xe'ok-ok, xbekila' ri wachibel ri k'o chupan ri ch'at y ri ruch'akat-ruwi' xa ja ri rusumal tzuntzun.