1 Sam 18:7 - Kaqchiquel Bible

⁷ Ri ixoqi' yetzopiyaj, yebixan y nikibila': Ri Saúl xaxe e 1,000 xerukamisaj, jak'a ri David e 10,000, yecha'.

1 Sam 18:7 ပူးပေါင်းရင်းမြစ်များ

1 Sam 21:11

Y ri e aj-raqen e richin ri rey Áquis, xkibij chire: Re' jare' ri David ri achi'el jun rey richin ri ruwach'ulew Israel. Jala' ri nikiya' ruq'ij ri ixoqi' toq yetzopilan y nikibixaj: Ri Saúl xaxe e 1,000 xerukamisaj, jak'a ri David e 10,000, xecha' ri aj-raqen.

1 Sam 29:5

¿Man ja ta kami David re', ri xebixan ri winaqi' chirij y xkibij: Ri Saúl xaxe e 1,000 xerukamisaj, Jak'a ri David e 10,000?, xecha'.

Ex 15:21

Y ri María kere' k'a ri xubixaj: Qojbixan chire ri Jehová qonojel, roma jun jebelej ch'akoj ri xuben. Rija' xuben chike ri kiej y ri e ch'okolibeyon kichin, chi xemuqutej kan chupan ri ya'.

2 Sam 6:5

Ri David y ri ch'aqa' chik israelita yetzopilan k'a e beneq, yebixan k'a chuwech ri Jehová rik'in jalajoj ruwech q'ojom.

2 Sam 18:3

Jak'a ri aj-labal xkibij chire chi más utz nik'oje' kan chiri' pa Mahanaim, roma wi rije' k'o chi ye'animej, ri e etzelanel kichin man xkekitzeqelibej ta. Chuqa' chike ri e etzelanel kichin xa man jun, stape' ta wi yeken nik'aj chike rije', roma ri David xa kan rejqalen jun e 10,000 aj-labal. Roma ri' xkibij chik chi más utz tik'oje' kan pa tinamit, y kan k'a chiri' yeruto-wi-el.

1 Sam 21:12

Y ri David toq xrak'axaj re' kan xk'oje' kan pa ránima re ch'abel re', y janila xuk'en rukiy ri rey Áquis.

2 Sam 23:1

Jare' ri ruk'isibel taq ch'abel ri xubij ri David ri ruk'ajol kan ri Isaí: Ri qa-Dios y ri ru-Dios ri Jacob xirucha' richin xinok rey. Rija' xunimirisaj nuq'ij. Y toq xubij chuwe richin yich'on, jari' toq xinben re jun bix re'.