1 Sam 18:30 - Kaqchiquel Bible

³⁰ Ronojel mul toq ri e tata'al aj-Filistea yebe pan oyowal, ja ri David ri nich'akon chikij, roma ja rija' ri más nitikir chikiwech konojel e richin ri Saúl. Roma ri' kan xel janila jebel rutzijol.

1 Sam 18:30 ပူးပေါင်းရင်းမြစ်များ

2 Sam 11:1

Xbanatej k'a chi chupan ri ruq'ijul ri saq'ij, toq ri rey ye'el-el richin yebe pan oyowal, jari' toq ri David xuteq-el ri Joab, konojel ri aj-labal y ri e aj-raqen pa kiwi'. Richin xekik'is konojel ri amonita, y xkisutij-rij ri tinamit Rabá. Jak'a ri David man xbe ta kik'in, xa xk'oje' kan pa Jerusalem.

1 Sam 18:5

Y ri David kan nibe xabakuchi nitaq-wi-el roma ri Saúl, y ronojel ri nibix-el chire nuben rik'in na'oj. Y xukusex aj-raqen richin jun tzobaj aj-labal. Y re' kan xqa' k'a chikiwech konojel winaqi' y keri' chuqa' ri aj-raqen ri ek'o rik'in ri Saúl.

1 Pedro 2:7

Chiwech rix ri ninimaj rija', janila rejqalen jak'a ri winaqi' ri man nikinimaj ta, xtikiben chire achi'el jun abej ri man xqa' ta chikiwech ri aj-tz'aq. Jak'a re wakami ri abej ri' kan más k'atzinel chire ri jay richin chi kow xpa'e' kan.

1 Pedro 2:4

Kan jantape' k'a kixjel-apo rik'in ri Jesucristo ri achi'el jun abej ri k'o ruk'aslen. Ri stape' man xya'ox ta rejqalen koma ri winaqi', jak'a chuwech ri Dios kan cha'on, y janila rejqalen.

Efesios 5:15

Tichajij k'a ri ik'aslen. Man k'a tiben achi'el nikiben ri winaqi' ri xa e nakaneq rik'in ri kich'obonik. Jak'a kan tikusaj ri etamabel ri k'o iwik'in.

San Lucas 21:15

roma kan ja yin ri xkiya'on ch'abel chiwe. Xtinya' chuqa' etamabel chiwe richin keri' man jun xketikir xtikibij chiwe ri ye'etzelan iwichin.

Dn 1:20

Ri rey kan xubij k'a chike ri alaboni' ri' chi nikiq'alajirisaj na'oj y nojibel chire. Keri' ronojel ri xuk'utuj chike, ri kan nrajo' etamabel y nojibel kan xq'alajin k'a chuwech chi ri ketamabal rije' kan ik'owineq k'a lajuj bey chikiwech ri aj-itza' y ri aj-q'ija' ri ek'o chupan ri ajawaren.

Wuj Richin Bix Chire ri Dios 119:99

Yin kan más k'a q'axineq chinuwech, ke chikiwech ri yetijon wichin. Re' kan roma k'a jantape' ninch'ob rij.

Wuj Richin Bix Chire ri Dios 116:15

Ri Jehová kan nupoqonaj k'a kiwech ri e ralk'ual rija' toq ye'apon chuwech ri kamik.

2 Rey 1:13

Y ri Ocozías xuteq chik k'a el ri rox aj-raqen rik'in chik e kawineq lajuj aj-labal. Y re aj-raqen re' xjote' k'a el y xxuke-qa chuwech ri Elías, y xubij k'a chire: Táta, ri at q'alajirisey ruch'abel ri Dios, nink'utuj utzil chawe chi kan k'o ta rejqalen chawech rat ri nuk'aslen, y ri kik'aslen ri e kawineq lajuj achi'a' ri ek'o wik'in.

1 Sam 26:21

K'ari' ri Saúl xubij: In makuwineq chawech rat David ri at achi'el nuk'ajol. Katzolej k'a pe, roma xa man jun chik k'a xtinben chawe, re chiqawech-apo, roma rat kan janila apoqonan ri nuk'aslen. Yin kan man utz ta nubanon awik'in roma kan nubanon achi'el ta jun achin nakanik y kan man utz ta nubanon, xcha' ri Saúl.

1 Sam 2:30

Roma ri', yin Jehová ri i-Dios ninbij chi stape' yin xibin chi ri aj pan awachoch y ri aj pa rachoch ri atata' ye'ok nu-sacerdote richin q'asen, jak'a re wakami ninbij chi man jun bey chik xtinben kere'. Wakami k'a, ri xtuya' nuq'ij xtinya' ruq'ij, y ri xkinketzelaj, kan xtinben chike chi man jun kejqalen. Ja yin Jehová ri yibin.

1 Sam 18:29

Jari' toq xuk'en más rukiy. Ri Saúl kan xok k'a etzelanel richin ri David ronojel q'ij.

1 Sam 26:24

Y achi'el ta yin ri kan janila rejqalen ri ak'aslen chinuwech re q'ij re', kan keri' ta k'a chuqa' ri nuk'aslen yin chuwech ri Jehová. Rija' kan xkirukol ta chuwech ronojel tijoj-poqonal, xcha' ri David.

1 Sam 19:8

Chirij re' xchapatej chik jun labal. Xbe k'a ri David richin xberubana' oyowal kik'in ri aj-Filistea. Rija' kan xeruch'ek y xe'animej chuwech.

2 Sam 7:9

Y kan ink'o k'a pe awik'in xabakuchi at beneq-wi, y kan e nuch'akon konojel ri etzelanel awichin. Wakami k'a, kan xtinnimirisaj ri abi' achi'el ri kibi' ri e nima'q taq achi'a' ri ek'o wawe' chuwech re ruwach'ulew.

Wuj Richin Etamabel-Tzij 12:8

Kan achi'el k'a rubanik ri na'oj ri k'o rik'in ri wineq, kan ja chuqa' ri' rubanik ri ruq'ij ri xtuk'ul; jak'a ri wineq ri itzel nich'obon, xa netzelex koma ri ch'aqa' chik winaqi'.