1 Sam 18:3 - Kaqchiquel Bible

³ Ri Jonatán xujikiba' k'a rutzij chuwech ri David, roma kan janila nrajo'.

1 Sam 18:3 ပူးပေါင်းရင်းမြစ်များ

2 Sam 21:7

Jak'a ri David xukol kan ri ruk'aslen ri Mefi-bóset ruk'ajol kan ri Jonatán, y rumam kan ri Saúl, roma ri ya'on-tzij ri xkiben chuwech ri Jehová ri xk'oje' chikikojol ri David y ri Jonatán.

Wuj Richin Etamabel-Tzij 18:24

Ek'o achibil ek'o rik'in ri wineq toq utz rubanon y xeri' xa yebe; y ek'o juley chik achibil ri kan jebel kina'oj, kan más e utz chikiwech ri ach'alalri'il.

1 Sam 19:1

Ri rey Saúl xubij chire ri Jonatán y chike konojel ri aj-raqen, richin nibekikamisaj kan ri David, jak'a ri Jonatán janila nrajo' ri David.

1 Sam 20:41

Y toq ri ti ala' xbe yan, k'ari' ri David xpa'e-q'anej ri chiri' pa xokon, y chiri' oxi' k'a mul xxuke' y xulukuba-qa-ri' chuwech ri Jonatán. Y chiri' xkitz'ubaj-wi kan ki', y chi e ka'i' k'a xe'oq', jak'a ri David kan más janila xoq'.

1 Sam 20:42

K'ari' ri Jonatán xubij chire: Kabiyin k'a rik'in uxlanibel-k'u'x roma chi oj ka'i' xqaya' yan qatzij pa rubi' ri Jehová. Ja ri Jehová ri xtik'oje' awik'in rat y xtik'oje' wik'in yin. Y kan ja rija' xtik'oje' kik'in ri awijatzul rat y keri' chuqa' kik'in ri e wijatzul yin, xcha'. Xbe k'a ri David, y ri Jonatán xtzolej kan pa tinamit.

1 Sam 22:8

Roma chi'iwonojel rix xa xjunamatej-iwech rik'in, roma man xibij ta chuwe chi ri nuk'ajol Jonatán xa kibanon jun tununri'il rik'in rija'. Kan man jun xjoyowan ta nuwech; chuqa' man jun biyon ta chuwe chi ri nuk'ajol xa itzel ajk'a nuna' chuwe. Xuben chire ri nuto'onel richin yiruq'elebej y wakami ruya'on pikbel pa nubey, xcha' ri Saúl.

1 Sam 23:18

Chi e ka'i' xkiben jun jikibel-tzij chuwech ri Jehová, y ri Jonatán xtzolej chirachoch. Jak'a ri David xk'oje' kan chiri' pa k'echelaj.