1 Sam 18:27 - Kaqchiquel Bible

²⁷ ri David xbe kik'in ri aj-labal y xebekikamisaj kan e 200 achi'a' aj-Filistea. Rija' xuk'en k'a pe ri k'utun-el chire y xberujacha' chire ri rey. Xuben k'a ronojel re', richin chi nok ruji' rija'. K'ari' ri Saúl xujech-el ri Mical chire ri David richin nok rixjayil.

1 Sam 18:27 ပူးပေါင်းရင်းမြစ်များ

2 Sam 3:14

Chirij ri' ri David xeruteq chik el uk'uey rutzijol k'a rik'in ri Is-bóset, y xubij-el chi tutaqa-pe ri Mical ri rixjayil, roma jari' ri xuch'ek toq xerukamisaj ri e wok'al aj-Filistea.

1 Sam 18:13

Y roma ri' man xrajo' ta chik xsamej ri David rik'in, xa xuteq-el nej y xuben-el chire richin xok aj-raqen pa kiwi' e 1,000 aj-labal, y ja rija' ri uk'uey kibey, toq ye'el-el y toq yetzolin.

Wuj Kichin ri To'onela' 14:19

Y ri Espíritu richin ri Jehová xuya' k'a ruchuq'a' ri Sansón, y roma ri' rija' xbe pa tinamit Ascalón, y xerukamisaj e juwineq lajuj achi'a' ri e aj chiri'. Y xumej k'a pe ri kitziaq, y xuya' k'a ronojel ri jal tzieq ri' chike ri e juwineq lajuj alaboni' ri xeq'alajirisan ri tzij, ri xubij rija'. Y yakatajineq k'a janila royowal, xtzolin pa rachoch ri rutata'.

1 Sam 14:49

Ja kibi' re' ri e ralk'ual ri Saúl: Ri Jonatán, ri Isví y ri Malquisúa. Y chuqa' ek'o e ka'i' rumi'al: Ri nimalaxel rubini'an Merab y ri chaq'laxel rubini'an Mical.

1 Sam 18:17

K'o k'a jun q'ij ri Saúl xubij chire ri David: Yin xtinya' chawe ri numi'al nimalaxel Merab richin xtok awixjayil, wi xtak'ut chi at jun achin ri k'o awuchuq'a' y maneq xibinri'il chawech richin naben oyowal qoma roj ri oj rutinamit ri Jehová, xcha' chire. Jak'a ri Saúl xubij-qa pa ránima: Man ja ta yin ri xkikamisan, xa ja ri aj-Filistea xkekamisan richin, xcha-qa.

1 Sam 18:28

Jak'a ri Saúl xutz'et chi ri Jehová kan k'o-wi rik'in ri David y chuqa' ri rumi'al kan nrajo-wi.

1 Sam 25:44

Jak'a ri Saúl xa xujech chik el ri Mical ri rixjayil ri David chire ri Paltí ruk'ajol ri Lais aj-Galim.

2 Sam 3:13

Y ri David xubij-el chi kan utz xrak'axaj ri taqon-el rubixik chire, xaxe k'a xuchilabej-el chire ri Abner chi toq xtapon rik'in, k'o chi ruk'uan-el ri Mical ri rumi'al kan ri Saúl richin nitikir nibech'on rik'in ri David.