1 Sam 18:17 - Kaqchiquel Bible

¹⁷ K'o k'a jun q'ij ri Saúl xubij chire ri David: Yin xtinya' chawe ri numi'al nimalaxel Merab richin xtok awixjayil, wi xtak'ut chi at jun achin ri k'o awuchuq'a' y maneq xibinri'il chawech richin naben oyowal qoma roj ri oj rutinamit ri Jehová, xcha' chire. Jak'a ri Saúl xubij-qa pa ránima: Man ja ta yin ri xkikamisan, xa ja ri aj-Filistea xkekamisan richin, xcha-qa.

1 Sam 18:17 ပူးပေါင်းရင်းမြစ်များ

1 Sam 25:28

Yin nink'utuj utzil chawe richin takuyu' numak yin ri in samajel, roma kan jikil chi ri Jehová xtuben chawe chi ri aq'atbel-tzij xtijike' kik'in ri awijatzul. Xtuben kere' roma rat kan ja wi ri oyowal richin rija' naben. Y man jun ta k'a etzelal xtaqajbej chupan chijun ri ak'aslen.

1 Sam 18:25

Y ri Saúl xubij chik: Kere' tibebij chire ri David: Ri rey man nrajo' ta jun sipanik. Rija' nrajo' wok'al rutz'umal ri rutza'n ri kikowil ri aj-Filistea, richin nuben ruk'exel chike ri e etzelanel richin, kixcha' chire, xcha' ri rey. Ri ruch'obonik ri Saúl chi ri David nitzaq ta kan pa kiq'a' ri aj-Filistea.

1 Sam 17:25

Chikijujunal k'a rije' nikibila', ¿man itz'eton ta ri jun achin ri nel-pe chikikojol ri aj-Filistea ri nuyek qoyowal? Ri xtich'ako ri achin ri', ri rey nuya' janila beyomel chire, y chuqa' nuya' ri rumi'al chire richin nok rixjayil, y yerukol ri aj pa rachoch ri rutata' richin man nikitoj ta ri kan k'o chi nikitoj chire ri rey, yecha'.

1 Sam 18:21

Y xubij-qa: Xtinya' ri Mical chire ri David, y re' xtik'atzin richin jun pikbel chire richin xtitzaq pa kiq'a' ri aj-Filistea, xcha-qa. K'ari' ri Saúl xubij chik chire ri David: Wakami kan xkatok-wi nuji', xcha'.

1 Sam 17:47

Richin keri' tiketamaj konojel chi ri Jehová man nikolon ta rik'in espada, ni rik'in kum. Roma re jun oyowal re' kan richin rija' y kan ja rija' xkixjachon pa qaq'a' roj, xcha' ri David.

Wuj Richin Bix Chire ri Dios 55:21

Ri ruch'abel kan jebel k'a nuben chire, Jak'a ri ránima xa nojineq chi oyowal. Ri ruch'abel kan e ch'uch'uj, más chuwech ri aceite ri niya'ox chirij jun sokotajik. Jak'a ri ch'abel ri' xa e achi'el jun espada ri nikamisan.

Wuj Richin Bix Chire ri Dios 12:2

Xa kan chaq nikitz'ukula' k'a tzij chikij ri kachpochel. Rik'in ka'i' kipalej yech'on chikiwech; xa ruyon k'a q'oloj yekiben.

2 Sam 12:9

¿Achike roma man xaya' ta rejqalen ri nuch'abel, y xa xaben itzel chinuwech? Xakamisaj k'a chi espada ri Urías ri heteo, y kan xok-qa awixjayil ri rixjayil rija'. Roma xakamisaj ri Urías rik'in ri ki-espada ri amonita,

2 Sam 11:15

Ri wuj ri' nubij chire ri Joab chi tuya' ri Urías chuwech ri oyowal akuchi k'o-wi más ruk'ayewal, y tikijech'ej-el-ki' rik'in richin niken.

Deut 17:7

Ri yetz'eton ronojel chirij, ja rije' ri nabey ri yek'aqon ri abej chirij ri wineq ri nikisujuj. Y k'ari' xtuben ri tinamit richin keri' nik'is ronojel ri itzel ri k'o chi'ikojol rix.

Wuj Richin ri Q'axanri'il 32:29

Wi ri e rijatzul kan ri Gad y ri Rubén kan kik'uan ri kikamisabal y xkeq'ax junan iwik'in chupan ri raqen-ya' Jordán, richin yixbe pan oyowal achi'el nrajo' ri Jehová, k'a toq rix xtich'ek na ri ruwach'ulew ri', k'ari' xtijech ri ruwach'ulew Galaad chike richin nok kan kichin rije'.

Wuj Richin ri Q'axanri'il 32:27

Y roj ri achi'a' xtiqak'uaj-el qakamisabal richin yojbe pa labal; kan pa rubi' ri Jehová xqojbe. Achi'el ri xabij-el chiqe, keri' xtiqaben, xecha'.

Wuj Richin ri Q'axanri'il 32:20

K'ari' ri Moisés xubij chike: Rix kan ijikiban-itzij chuwech ri Jehová richin yixbe pan oyowal.

Wuj Richin ri Q'axanri'il 21:14

Xa roma ri' toq chupan ri wuj ri e tz'ibatel kan chirij ri labal ri xeruben ri Jehová, nich'on pa ruwi' ri tinamit Vaheb ri k'o pa ruwach'ulew Sufá, y chuqa' ri raqen-ya' Arnón,

1 Sam 14:49

Ja kibi' re' ri e ralk'ual ri Saúl: Ri Jonatán, ri Isví y ri Malquisúa. Y chuqa' ek'o e ka'i' rumi'al: Ri nimalaxel rubini'an Merab y ri chaq'laxel rubini'an Mical.

1 Sam 17:36

Yin ri in asamajel kan nukamisan k'a koj y oso, y kan keri' chuqa' xtinbenbana' chire ri achin aj-Filistea ri xya'on kik'ix ri aj-labal ri e richin ri k'aslik Dios.

1 Sam 18:27

ri David xbe kik'in ri aj-labal y xebekikamisaj kan e 200 achi'a' aj-Filistea. Rija' xuk'en k'a pe ri k'utun-el chire y xberujacha' chire ri rey. Xuben k'a ronojel re', richin chi nok ruji' rija'. K'ari' ri Saúl xujech-el ri Mical chire ri David richin nok rixjayil.

1 Sam 30:26

Toq ri David xapon pa tinamit Siclag, xuteq-el juba' chire ri ruk'amon-pe chuwi-kiq'a' ri etzelanel kichin chike ri achi'a' aj-Judá ri k'o kiq'ij ri kan e rachibil. Y xubij-el chike: Wakami ninsipaj-el juba' chiwe ri qak'amon-pe chuwi-kiq'a' ri etzelanel richin ri Jehová, xcha'.

2 Sam 6:16

Toq ri káxa ri' xapon pa Jerusalem, jari' toq ri Mical ri rixjayil nitzu'un-pe pa jun ventana. Ri Mical ri' rumi'al kan ri Saúl. Y toq xutz'et-pe chi ri David nitzopiyaj roma kikoten chuwech ri Jehová, jari' toq rija' kan xretzelaj k'a ri rachijil.

Wuj Richin Etamabel-Tzij 26:24

Ri wineq ri xa nretzelaj jun chik, kan jebel nrewaj rik'in ri jebel taq ch'abel ri yerubila' chire, jak'a ri pa ránima, xa k'o ta nrajo' chi niqaqa pa ruq'a'.

Wuj Richin Etamabel-Tzij 26:25

Y stape' kan janila jebel ok ri tzij ri nubij chawe, rat man tanimaj, roma ri etzelanik ri k'o rik'in ri wineq ri' kan runojisan ri ránima.

Wuj Richin Etamabel-Tzij 26:26

Ka'i' rupalej nuben, roma stape' kan man nuk'ut ta ri etzelal ri k'o pa ránima; jak'a ri etzelal ri xtuben chawe, jari' ri xtiq'alajirisan chikiwech ri winaqi'.