1 Sam 18:14 - Kaqchiquel Bible

¹⁴ Y ri David kan rik'in na'oj xuben ronojel re', roma ri Jehová kan k'o-wi rik'in.

1 Sam 18:14 ပူးပေါင်းရင်းမြစ်များ

Wuj Richin ri Rutikeribel 39:23

Y roma kan pa ruq'a' ri José k'o-wi ronojel, ri aj-raqen richin ri cárcel kan man jun chik nuch'ob pa ruwi' ronojel, roma ri Jehová kan nuto-wi ri José y ronojel ri nuben kan utz nel chuwech.

2 Sam 5:10

Y ri rajawaren ri David kan q'ij-q'ij más beneq runimirinen, roma ri Jehová, Dios k'iytisanel richin ronojel k'o rik'in.

2 Rey 18:7

Ri Jehová kan xk'oje' k'a rik'in rija', y xabakuchi nibe-wi richin nuben oyowal, kan utz k'a nel chuwech ronojel ri nuben. Y kan xyakatej k'a chirij ri rey richin Asiria y kan man xrilij ta ri rey ri'.

1 Crón 18:13

Y ri David xeruya' kan chajinela' chijun ri ruwach'ulew Edom. Y keri' konojel ri aj chiri' xeyuqe' pa samaj rik'in ri David. Ri Jehová kan xuya' k'a ch'akonik pa ruq'a' ri David xabakuchi xbe-wi.

1 Crón 18:6

K'ari' ri David xeruya' chajinela' pa Damasco richin Siria, y ri aj-Siria xeyuqe' kan pa samaj rik'in ri David y kan k'o chi xepatanin rik'in. Keri' ri Jehová Dios xeruya' ch'akonik chire ri David, xabakuchi xbe-wi.

2 Crón 17:3

Ri Jehová kan xk'oje' k'a rik'in ri Josafat roma pa taq rutikeribel chire ri ruk'aslen kan xutzeqelibej k'a ri bey ri xutzeqelibej ri David ri rumama', y man xuya' ta k'a kejqalen ri wachibel kichin ri Baal.

Wuj Richin Bix Chire ri Dios 101:2

Ninrayibej chi choj ta ri nuk'aslen. Keri' toq rat xkape wik'in richin yinato'. Yin kan rik'in ruch'ajch'ojil wánima xtinq'et-tzij chupan ri wachoch.

San Mateo 1:23

Jun xten xtipe alanik chirij. Y xtibe'alex jun ti ral. Y Emanuel ri rubi' ri xtuya', nicha'. Ri Emanuel nel chi tzij: Ja ri Dios Qik'in.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Hechos 18:10

Yin k'a ri xkichajin awichin wawe'. Kan man jun ri xtak'uluwachij ta pa kiq'a' ri winaqi'. Roma re wawe' pa tinamit Corinto e k'iy winaqi' ri kan e wichin chik yin, xcha' ri Dios chire.

Wuj Richin ri Josúe 6:27

Ri Jehová kan xk'oje' rik'in ri Josué y ronojel ri xuben kan xel k'a rutzijol chuwech chijun ruwach'ulew.

1 Sam 10:7

Y toq ak'owisan chik ronojel re nima'q taq banobel re', tabana' k'a ronojel ri yatikir naben, roma ri Dios kan k'o awik'in.

1 Sam 16:18

Y jun chike ri rusamajela' xubij-apo: Yin nutz'eton jun chike ri ruk'ajol ri Isaí aj-Belén. Rija' nitikir niq'ojoman, y kan k'o ruchuq'a', y maneq xibinri'il chuwech richin nibe pan oyowal. Chuqa' kan nino'on rik'in ri ruch'abel y ri nitzu'un kan jebel ok, y ri Jehová kan k'o-wi rik'in, xcha'.

1 Sam 18:15

Ri Saúl janila xuk'en rukiy ri David toq xutz'et chi ronojel ri nuben, kan nuben rik'in na'oj.

1 Sam 19:8

Chirij re' xchapatej chik jun labal. Xbe k'a ri David richin xberubana' oyowal kik'in ri aj-Filistea. Rija' kan xeruch'ek y xe'animej chuwech.

1 Sam 3:19

Ri Samuel xk'iy-q'anej y ri Jehová kan k'o-wi rik'in, y kan xbanatej k'a ronojel ri xubij ri Jehová chire.