1 Sam 18:12 - Kaqchiquel Bible

¹² Ri Saúl kan k'o-wi rukiy ri David chuwech, roma ri Jehová kan k'o-wi rik'in ri David, y maneq chik rik'in rija'.

1 Sam 18:12 ပူးပေါင်းရင်းမြစ်များ

1 Sam 18:29

Jari' toq xuk'en más rukiy. Ri Saúl kan xok k'a etzelanel richin ri David ronojel q'ij.

1 Sam 18:15

Ri Saúl janila xuk'en rukiy ri David toq xutz'et chi ronojel ri nuben, kan nuben rik'in na'oj.

1 Sam 28:15

K'ari' ri Samuel xuk'utuj chire ri Saúl: ¿Achike roma xaben chuwe richin chi yin xipe?, xcha'. Y ri Saúl xubij chire: Yin janila sachineq nuk'u'x, roma ri aj-labal aj-Filistea nokibana' oyowal qik'in, y ri Dios kan ruch'aron-el-ri' wik'in. Kan man nuk'uluba' ta chik pe ri nuch'abel, ni kik'in ri q'alajirisey ri ruch'abel, ni ta pa wachik'. Roma ri' xatinwoyoj, richin naq'alajirisaj chinuwech achike nik'atzin richin ninben, xcha'.

1 Sam 16:18

Y jun chike ri rusamajela' xubij-apo: Yin nutz'eton jun chike ri ruk'ajol ri Isaí aj-Belén. Rija' nitikir niq'ojoman, y kan k'o ruchuq'a', y maneq xibinri'il chuwech richin nibe pan oyowal. Chuqa' kan nino'on rik'in ri ruch'abel y ri nitzu'un kan jebel ok, y ri Jehová kan k'o-wi rik'in, xcha'.

Hechos 24:25

Ri Pablo xapon kik'in, y xuchop k'a rubixik chike chirij ri achike rubanik jun k'aslen choj, ri achike rubanik richin naq'il-awi' richin man naben ta ri mak, y chi ri pa ruk'isibel ri Dios xtuq'et-tzij pa kiwi' ri winaqi'. Ri Félix janila xuxibij-ri' rik'in ri xrak'axaj, y xubij chire ri Pablo: Wakami k'a kabiyin. Y toq xtijame' chik k'a juba' nuwech, xkatinwoyoj chik k'a jun bey, xcha' ri Félix.

Hechos 7:9

Rije' itzel k'a xkina' chire ri kichaq' José. Roma ri' toq xkik'ayij-el, y xuk'uex-el k'a pan Egipto. Jak'a ri Dios kan k'o-wi rik'in ri José,

San Lucas 8:37

K'ari' konojel ri winaqi' aj-Gerasa xkik'utuj nimalej utzil chire ri Jesús chi man tik'oje-qa chiri' roma kixibin-ki' janila. Roma ri' ri Jesús e rachibilan ri rutijoxela' xok-el pa barco y xtzolin.

Marcos 6:20

roma ri Herodes nuxibij-ri' chuwech ri Juan roma kan retaman-wi k'a chi rija' jun chojmilej achin y kan rusamajel-wi ri Dios. Kan man ruya'on ta k'a q'ij richin k'o ta ruk'uluwachin. Rija' kan jebel k'a nrak'axaj toq ri Juan nubij ri ruch'abel ri Dios chire. Jak'a rija' man nich'obotej ta chuwech achike ruk'amon chi nuben.

San Mateo 25:41

Y jari' chuqa' toq yin xtinbij chike ri ek'o pa wajxokon: Rix xa ruk'ayewal ri iwoyoben chi niqaqa pan iwi'. Kixel k'a el chinuwech y kixbiyin pa q'aq' ri man jun bey xtichup, ri banon richin ri Itzel-Wineq y ri e ru-ángel.

Os 9:12

Wi k'o ta kalk'ual xkenimer-q'anej, xa kan xkenwelesaj k'a el chikikojol. Kan toq'ex k'a kiwech rije' toq yin xkenmalij kan, nicha' ri Jehová.

Wuj Richin Bix Chire ri Dios 53:5

Akuchi ri kan man jun xibinri'il k'o, chiri' xkik'en janila xibinri'il ri winaqi'. Roma ri Dios kan xeruk'is konojel ri e yakatajineq chirij. Kan xek'ixbitej roma ri Dios kan xerixowaj.

Wuj Richin Bix Chire ri Dios 51:11

Man tawelesaj-el ri Loq'olej Espíritu wik'in. Chuqa' man yinaya' kan nej.

1 Sam 22:13

Jari' toq ri Saúl xuk'utuj chire: ¿Achike roma xjunamatej-awech rik'in ri ruk'ajol ri Isaí richin chi xixyakatej chuwij? Roma rat xaya-el ri kaxlan-wey y ri ru-espada ri Goliat chire, y pa ruwi' ri' xak'ulubej ri Dios pa ruwi' rija' richin chi in ruq'eleben. Y nuyala' pikbel pa nubey achi'el ri nuben wakami, xcha' ri Saúl.

1 Sam 18:20

Jak'a ri Mical ri jun chik rumi'al ri Saúl, janila nrajo' ri David y re' xapon rutzijol rik'in ri Saúl, y rija' kan xqa' chuwech toq xrak'axaj re'.

1 Sam 16:4

Ri Samuel xuben k'a achi'el xubij ri Jehová chire. Y toq rija' xapon pa Belén, ri rijita'q taq achi'a' ri k'o kiq'ij richin ri tinamit ri' xbekik'ulu-el rik'in xibinri'il, y xkibij chire: ¿Richin uxlanibel-k'u'x ri apeten o ni?, xecha'.

1 Sam 20:13

Jak'a wi ri nata' xa itzel ruch'obonik, kan ja ri Jehová xtiya'on ruk'ayewal pa nuwi' yin wi man xtinbij ta chawe, richin rat yabe rik'in uxlanibel-k'u'x. Y ja ri Jehová xtik'oje' awik'in achi'el xk'oje' rik'in ri nata'.

Wuj Kichin ri To'onela' 16:20

Y xubij chire: ¡Sansón, ri aj-Filistea xepe richin yatkichop!, xcha'. Y toq xuna' ruwech, xubij-qa: Wakami xa xkinanimej chik el jun bey achi'el nubanon-pe ronojel mul, xcha-qa. Y kan man retaman ta chi xa malin chik kan roma ri Jehová.

1 Sam 3:19

Ri Samuel xk'iy-q'anej y ri Jehová kan k'o-wi rik'in, y kan xbanatej k'a ronojel ri xubij ri Jehová chire.

2 Sam 5:10

Y ri rajawaren ri David kan q'ij-q'ij más beneq runimirinen, roma ri Jehová, Dios k'iytisanel richin ronojel k'o rik'in.

2 Crón 17:3

Ri Jehová kan xk'oje' k'a rik'in ri Josafat roma pa taq rutikeribel chire ri ruk'aslen kan xutzeqelibej k'a ri bey ri xutzeqelibej ri David ri rumama', y man xuya' ta k'a kejqalen ri wachibel kichin ri Baal.