1 Sam 18:1 - Kaqchiquel Bible

¹ Toq ri Saúl y ri David xetane' richin yetzijon, jari' toq ri Jonatán kan janila xrajo' ri David, y roma ri' xok rachibil. Kan xrajo' achi'el nrajo-qa-ri' rija'.

1 Sam 18:1 ပူးပေါင်းရင်းမြစ်များ

Wuj Richin ri Rutikeribel 44:30

Jak'a re wakami achike xtiqaben re xqojtzolin-el rik'in ri qatata', wi man qak'uan ta ri qachaq', roma ri qatata' kan rik'in ri qachaq' k'o-wi ri ránima roma janila nrajo'.

2 Sam 1:26

Yin yibison janila awoma rat Jonatán, roma rat kan at achi'el jun wach'alal. Kan janila k'a at jebel xaben wik'in; janila jebel ri awajowabal ri xak'ut chinuwech yin; kan más k'a jebel chuwech ri kajowabal ri ixoqi'.

1 Crón 12:17

Y ri David xpe richin xeberuk'ulu-el, y xubij chike: Wi rix ix peteneq rik'in utzilej iwánima y richin yinito-el; xkixink'ul k'a rik'in ronojel wánima y xkixk'oje' wik'in. Jak'a wi xa ix peteneq richin chi yiniq'ol y yinijech-el pa kiq'a' ri etzelanel wichin, stape' xa man jun itzel nubanon chiwech; kan ja ta ri qa-Dios y ri ki-Dios ri qati't-qamama' xkixtz'eton y kan ta xtuya' ruk'ayewal pan iwi', xcha' ri David.

Wuj Richin Bix Chire ri Dios 86:11

Nimalej Jehová, tabana' utzil tak'utu' chinuwech ri abey, y yin kan man xtinmalij ta kan ri bey ri'; tajikiba' ri wánima richin chi nik'oje' akiy chinuwech.

Wuj Richin Etamabel-Tzij 18:24

Ek'o achibil ek'o rik'in ri wineq toq utz rubanon y xeri' xa yebe; y ek'o juley chik achibil ri kan jebel kina'oj, kan más e utz chikiwech ri ach'alalri'il.

Deut 13:6

Y wi ta xa jun inimal, jun ichaq', jun ik'ajol, jun imi'al, o ri iwixjayil o jun iwach'alal ri kan janila niwajo', nutej ruq'ij chiwij pan ewel y nubij chiwe chi tiya' kiq'ij ch'aqa' chik dios ri man jun bey iwetaman ruwech, ni ta ri iwati't-imama' man xketamaj ta chuqa' kiwech.

Colosenses 2:2

Ninben re' richin ninkuquba' ik'u'x y junan ta iwech niwajowala-iwi', richin niq'ax jebel chiwech ri qitzijri'il ri ewatel-pe ri xuq'alajirisaj ri Qatata' Dios chirij ri Cristo,

Wuj Kichin ri To'onela' 20:11

Y xkimol k'a ki' konojel ri achi'a' ri' y xa jun xkiben richin xeyakatej chirij ri tinamit Guibeá.

1 Sam 14:45

K'ari' ri aj-labal xkibij chire ri Saúl: Roj kan man xtiqaya' ta q'ij chi niken ri Jonatán roma ja rija' ri xkolon qichin roj ri oj israelita. Chuwech ri Jehová niqabij, chi ri Jonatán kan man jun rusumal-ruwi' ri xtitzaq ta pan ulew, roma ri xuben kan xuben rik'in ri ruto'onik ri Dios, xecha'. Y keri' toq ri achi'a' ri' xkikol ri Jonatán chuwech ri kamik.

1 Sam 18:3

Ri Jonatán xujikiba' k'a rutzij chuwech ri David, roma kan janila nrajo'.

1 Sam 19:1

Ri rey Saúl xubij chire ri Jonatán y chike konojel ri aj-raqen, richin nibekikamisaj kan ri David, jak'a ri Jonatán janila nrajo' ri David.

1 Sam 19:2

Y chi'anin xuya' rutzijol chire ri David y xubij: Wakami ri nata' nrajo' yarukamisaj; roma ri' tachajij-awi' y chua'q nimaq'a' yan tabewewaj-awi' akuchi man jun xkatz'eton y chiri' kak'oje-wi.

1 Sam 20:17

K'ari' ri Jonatán xuya' chik jun bey rutzij chuwech ri David, roma kan janila nrajo', achi'el nrajo-qa-ri' rija'.

1 Sam 20:8

Tajoyowaj k'a nuwech roma kan qabanon jun jikibel-tzij chuwech ri Jehová, y wi kan ja yin ri in aj-mak, kan ja k'a rat xkakamisan wichin. Man k'atzinel ta yinak'uaj-el chuwech ri atata', xcha' ri David.

1 Sam 22:8

Roma chi'iwonojel rix xa xjunamatej-iwech rik'in, roma man xibij ta chuwe chi ri nuk'ajol Jonatán xa kibanon jun tununri'il rik'in rija'. Kan man jun xjoyowan ta nuwech; chuqa' man jun biyon ta chuwe chi ri nuk'ajol xa itzel ajk'a nuna' chuwe. Xuben chire ri nuto'onel richin yiruq'elebej y wakami ruya'on pikbel pa nubey, xcha' ri Saúl.

1 Sam 23:18

Chi e ka'i' xkiben jun jikibel-tzij chuwech ri Jehová, y ri Jonatán xtzolej chirachoch. Jak'a ri David xk'oje' kan chiri' pa k'echelaj.