1 Sam 17:8 - Kaqchiquel Bible

⁸ Ri Goliat xpa'e-q'anej, xsik'in y xubij-apo chike ri aj-labal aj-Israel: ¿Achike roma icholajin na iwi' richin niben oyowal? Yin in aj-Filistea y rix xa ix rusamajela' ri Saúl. Wakami k'a ticha-pe jun chi'ikojol ri nipe richin norubana' oyowal wik'in.

1 Sam 17:8 ပူးပေါင်းရင်းမြစ်များ

1 Sam 8:17

Xtrelesaj chuqa' chiwe ri jun chire ri lajuj chire ri ikarne'l, y rix xkixyuqe' pa samaj rik'in.

1 Crón 21:3

Jak'a ri Joab xubij chire: Ja ta k'a ri Jehová xtibanon chiqe richin xqojk'iyer ta más. Qonojel roj oj asamajela'. Roma ri', ¿achike k'a roma keri' nawajo' chi niban? ¿Achike roma naben chiqe richin yojmakun?

2 Sam 11:11

Jak'a ri Urías xubij chire ri David: Ri káxa richin ri rujikibel-tzij ri Jehová xa pa juyu' k'o-wi kan. Keri' chuqa' konojel ri aj-labal, ri aj-raqen pa kiwi' y ri wajaw Joab xa pa juyu' ek'o-wi kan. ¿K'a ta ri' yin xkiwa' xkinuk'ya' y xkiwer ta rik'in ri wixjayil pa wachoch? Kan qitzij ninbij chawe chi rokik at k'es rat, yin man xtinben ta keri', xcha'.

1 Sam 17:26

K'ari' ri David xch'on-apo kik'in ri ek'o chunaqaj y xubij: ¿Achike nuch'ek ri xtich'akon chirij ri aj-Filistea y nrelesaj ri k'ixbilal ri ruya'on pa qawi'? ¿Achike ta k'a re achin re' ri xa man qawinaq ta richin chi nuyek qoyowal roj ri kan oj rutinamit ri k'aslik Dios?, xcha'.

1 Sam 17:23

Rokik ri David nich'on kik'in ri rach'alal, jari' toq ri Goliat xel-pe chikikojol ri achi'a' aj-Filistea ri kinuk'un chik ki', y xch'on chik jun bey y xukamuluj ri ch'abel achi'el ri rubin chike. Y jari' toq xrak'axaj ri David.