1 Sam 17:51 - Kaqchiquel Bible

⁵¹ Y xeri' xbe junanin rik'in y xpa'e' chirij y xuk'en-el ri ru-espada ri Goliat pa ruk'ojelibal y rik'in ri' xrelesaj ri rujolon. Y toq ri aj-Filistea xkitz'et chi xa xken yan ri achin ri achoq ik'in kikuquban-wi kik'u'x, xe'animej konojel.

1 Sam 17:51 ပူးပေါင်းရင်းမြစ်များ

Hebreos 11:34

man xek'at ta toq xek'aq pa nimalej taq q'aq', xekolotej chuwech ri espada. Toq maneq chik kuchuq'a', ri Dios xuya' kuchuq'a'. Xech'akon chikij ch'aqa' chik tinamit ri xebanon labal kik'in.

1 Sam 21:9

Y ri Ahimélec xubij: Wawe' xaxe k'o kan ri ru-espada ri ánima Goliat ri aj-Filistea, ri achin ri xach'ek rat chiri' pa taq'aj richin Elá. Ri espada ri' bolqotin kan chupan jun tzieq, ri k'o kan chirij ri efod. Wi nawajo' ri', tak'uaj-el, roma wawe' man jun chik k'o, xaxe ri', xcha' rija'. Y ri David xubij chi tuya-pe, roma jari' ri más utz ri k'o.

2 Sam 23:21

Y chuqa' xukamisaj jun aj-Egipto ri nim rupalen, ri ruk'uan-el rukum. Ri Benaías xuchop oyowal rik'in ri achin ri' rik'in jun che'. Xumej pa ruq'a' ri rukum, y rik'in ri' xukamisaj-wi.

Hebreos 2:14

Roj ri oj ralk'ual chik ri Dios xa oj winaqi', xa qak'uan ri kik' y ri ti'ij. Y roma ri' ri Jesús xok chuqa' achi'el roj winaqi'. Rija' xken richin xch'akon chirij ri k'o kamik pa ruq'a'. Y ri k'o ri kamik pa ruq'a', ja ri Itzel-Wineq.

Ester 7:10

Keri', ri Amán xtzeqebex k'a chutza'n ri che' ri', pa ruk'exel ri Mardoqueo. Y rik'in k'a ri' xik'o-qa ri royowal ri rey Asuero.

1 Sam 17:50

Y keri' ri David xuch'ek ri Goliat rik'in ri ti abej ri xuk'eq rik'in ri ikeq', y xukamisaj stape' man jun espada ruk'uan.

1 Sam 21:10

Y chupan k'a ri q'ij ri', ri David xanimej-el chuwech ri Saúl y xbe k'a rik'in ri rey Áquis pa tinamit Gat.

1 Sam 31:9

Rije' xkitzak'ij kan rujolon ri Saúl y xkelesaj-el ri rukamisabal, y xekiteq-el ya'ol rutzijol chijun ruwach'ulew Filistea richin nikiya' utzilej rutzijol chupan ri kachoch ri wachibel ri nikiya' kiq'ij y chire ri tinamit.