1 Sam 17:50 - Kaqchiquel Bible

⁵⁰ Y keri' ri David xuch'ek ri Goliat rik'in ri ti abej ri xuk'eq rik'in ri ikeq', y xukamisaj stape' man jun espada ruk'uan.

1 Sam 17:50 ပူးပေါင်းရင်းမြစ်များ

Wuj Kichin ri To'onela' 15:15

Y ri Sansón kan jari' xutz'et jun bur ri man jani k'iy ta q'ij kamineq; y jari' toq xujoq'-el ri baq richin ri rukaxtate',*f5* y rik'in ri' xerukamisaj e 1,000 achi'a' aj-Filistea.

1 Sam 23:21

K'ari' ri Saúl xubij chike: Ja ri Jehová xtiya'on urtisanik pan iwi', roma janila nipoqonaj nuwech yin.

1 Sam 21:9

Y ri Ahimélec xubij: Wawe' xaxe k'o kan ri ru-espada ri ánima Goliat ri aj-Filistea, ri achin ri xach'ek rat chiri' pa taq'aj richin Elá. Ri espada ri' bolqotin kan chupan jun tzieq, ri k'o kan chirij ri efod. Wi nawajo' ri', tak'uaj-el, roma wawe' man jun chik k'o, xaxe ri', xcha' rija'. Y ri David xubij chi tuya-pe, roma jari' ri más utz ri k'o.

1 Sam 17:39

Y ri David xuya-el ri ru-espada xerupan y xutejtobej xbiyin, jak'a man xtikir ta, roma man jun bey rukusan ri tzieq ri'. Kan man ruk'ulun ta chire, y xubij chire ri Saúl: Yin man ninkusaj ta el re tzieq re', roma man yitikir ta yibiyin rik'in, xcha'. Y xrelesaj k'a kan.

1 Sam 13:22

Keri' chupan ri q'ij toq xban oyowal chikikojol ri aj-labal xa kan xaxe k'a ri Saúl y ri Jonatán ri k'o ki-espada y kikum.

Wuj Kichin ri To'onela' 3:31

Chirij ri Ehud xyakatej chik k'a pe jun ri xerukol ri ruwinaq pa kiq'a' ri aj-Filistea; ri' ja ri Samgar, ri ruk'ajol ri Anat. Rija' xerukamisaj k'a e 600 achi'a', xaxe rik'in jun che' ri k'o ch'ich' chutza'n ri samajibel ri nukusex richin yech'ay ri wákix.

1 Sam 17:49

K'ari' xuju-qa ri ruq'a' chupan ri ti peqes ri ruk'uan y xuk'en-qa jun ti abej, xuya-el chupan ri ikeq' y xuq'ijuj ri Goliat y xumej ri nik'aj-ruwech, y ri Goliat jupul xqaqa k'a pan ulew.

1 Sam 17:51

Y xeri' xbe junanin rik'in y xpa'e' chirij y xuk'en-el ri ru-espada ri Goliat pa ruk'ojelibal y rik'in ri' xrelesaj ri rujolon. Y toq ri aj-Filistea xkitz'et chi xa xken yan ri achin ri achoq ik'in kikuquban-wi kik'u'x, xe'animej konojel.

1 Sam 19:5

Y chuqa' kan xuya' ri ruk'aslen pa kamik toq xukamisaj ri Goliat. Ri Jehová xuya' kolotajik pa ruwi' ri qaruwach'ulew Israel. Rat xatz'et ri', y kan janila xakikot rik'in. ¿Achike k'a roma wakami nawajo' nakamisaj y xa maneq rumak rubanon chawech?, xcha' ri Jonatán chire ri rutata'.