1 Sam 17:46 - Kaqchiquel Bible

⁴⁶ Y chupan re q'ij re' rija' xkarujech pa nuq'a'. Xtintzak'ij la ajolon. Chuqa' chupan re q'ij re' ri kich'akul konojel ri awinaq xtinya' chikiwech k'ucha', y chikiwech k'uxunela' taq chikopi', richin keri' konojel k'a ri ruwach'ulew tiketamaj chi k'o jun k'aslik Dios chiqakojol roj.

1 Sam 17:46 ပူးပေါင်းရင်းမြစ်များ

Wuj Richin ri Isaías 52:10

Ri Jehová kan xtuk'ut-wi ri ruchuq'a' chikiwech konojel tzobaj winaqi' richin re ruwach'ulew. Chijun ri ruwach'ulew xtiketamaj chi ri qa-Dios roj xqojrukol.

Wuj Richin ri Josúe 4:24

Keri' k'a xbanatej richin chi konojel tinamit richin chijun ruwach'ulew xtiketamaj chi ri ruq'a' ri Jehová kan janila ruchuq'a', y richin chuqa' chi rix k'o ta rukiy ri Jehová ri qa-Dios chiwech ronojel q'ij, xkecha', xcha' ri Josué.

2 Rey 19:19

Wakami k'a, Jehová ri at qa-Dios, tabana' utzil qojakolo' pa kiq'a' rije', richin chi niketamaj konojel ri q'atbel taq tzij richin re ruwach'ulew chi xaxe rat Jehová, kan xaxe rat ri at Dios, xcha'.

1 Rey 8:43

wi keri', rat xtawak'axaj k'a ri chila' chikaj ri akuchi atk'o-wi y xtaben k'a ronojel ri nuk'utuj chawe ri wineq ri' ri man qawinaq ta. Richin keri' konojel ta k'a ri winaqi' richin ri ch'aqa' chik tinamit xtiketamaj ta ri abi' y xtikiya' ta aq'ij y xtikinimaj ta ri atzij, achi'el nuben ri atinamit Israel. Y keri' xtiq'ax k'a chikiwech re xinpaba-q'anej yin, ri niban-wi ronojel k'utunik chawe rat.

Deut 28:26

Ri ich'akul xtik'atzin richin kiway ri k'ucha' y richin kiway ri k'uxunela' taq chikopi' y ri chiri' kan man jun k'a xkexibin ta el richin man ta nitij ri ich'akul.

Dn 2:47

Y xubij k'a chire ri Daniel: Wakami kan ninimaj chi ri i-Dios rix kan jari' ri Dios pa kiwi' konojel ri ch'aqa' chik dios. Rija' kan ajaw pa kiwi' konojel ri rey. Kan xaxe rija' ri nitikir niq'alajirisan ronojel ri ewatel, y roma ri' rat kan xatikir xaq'alajirisaj chinuwech re jun achik' re', xcha'.

Ex 9:16

Jak'a yin kan qitzij ri ninbij chawe chi kan nuya'on-wi ri ak'aslen, richin chi ri nibanatej awik'in, xtuben chi niq'alajin ri wuchuq'a' yin; y keri' kan xtinimirisex k'a ri nubi', chuwech chijun re ruwach'ulew.

San Mateo 24:28

Roma ri' k'o jun tzij ri nubij: Akuchi k'o-wi jun kamineq, chiri' nikimol-wi-ki' ri k'ucha'.

Dn 3:29

Roma ri' wakami, kan ninya' re jun pixa' re' chi xabachike k'a tinamit, ruwach'ulew o wineq ri nich'on itzel chirij ri ki-Dios ri Sadrac, ri Mesac y ri Abed-negó, kan xkek'ajix k'a y ri kachoch kan xtok k'a kan toribel q'ayis. Roma kan qitzij wi chi kan man jun chik dios nikolon achi'el ri ki-Dios rije', xcha'.

Wuj Richin ri Isaías 37:20

Re wakami k'a, Jehová Dios ri at qichin roj, kan qojakolo' k'a pa ruq'a' ri Senaquerib, richin chi konojel ri winaqi' richin ri ruwach'ulew xtiketamaj chi kan xaxe rat ri Jehová ri atk'o, xcha'.

Wuj Richin Bix Chire ri Dios 46:10

Ri Jehová nubij: Kixtane-qa chubanik ri labal y tiwetamaj chi ja yin ri in Dios. xtinimirisex nuq'ij, pa nima'q taq ruwach'ulew, xtiya'ox k'a nuq'ij chuwech re ruwach'ulew.

1 Sam 17:44

Y chuqa' xubij: Kajel k'a pe wik'in. La ach'akul la' xtinya' chikiwech k'ucha' y chikiwech k'uxunela' taq chikopi', xcha'.

Deut 7:23

Ri Jehová ri qa-Dios kan xkeruliba' k'a apo chiwech ri winaqi' ri', xtuben chike richin tikitej poqon y xkeruk'is jumul.

Deut 7:2

Toq ri Jehová ri qa-Dios xerujech yan pan iq'a', man tijunamatej-iwech kik'in, ni man tijoyowaj kiwech, xa kan ke'ik'isa' k'a konojel.

Wuj Richin ri Isaías 56:9

Kixanpe rix chikopi' ri ixk'o pa k'echelaj, kixanpe rix chikopi' ri ixk'o pa taq juyu', richin ye'ik'is-el konojel.

Wuj Richin Bix Chire ri Dios 31:8

Man xinajech ta k'a pa kiq'a' ri e etzelanel wichin, xa kan xinakol y xaben chuwe chi jikil xik'oje'.

Wuj Richin ri Josúe 10:8

Y ri Jehová xubij chire ri Josué: Man tik'en kikiy rije', roma yin xenjech yan pan iq'a'. Man jun chike rije' ri xtitikir ta xtupaba' ri' chiwech, xcha'.

1 Sam 14:6

Y ri Jonatán kan kere' k'a rubin chire ri ruto'onel: Jo', qojq'ax-apo kik'in la winaqi' la', ri man ketaman ta ruwech ri Dios. Rik'in juba' ri Jehová xqojruto', roma chuwech rija' man jun k'ayew richin yojch'akon, stape' man oj k'iy ta, xcha'.

2 Sam 18:28

Y toq ri Ahimaas xapon, rik'in uchuq'a' xch'on-apo chire ri rey y xubij chi xech'akon yan. K'ari' xbexuke' chuwech ri rey y xubij: Nimalej ruq'ij ri Jehová, ri qa-Dios, roma xerujech pa qaq'a' ri xeyakatej chawij, rat wajaw, xcha'.

2 Sam 21:10

Jak'a ri Rispá xberuk'ama-pe jun tzieq richin bis y xuya' pa ruwi' jun nimalej abej ri k'o chiri' richin xk'oje' rija' pa ruwi'. Rija' xk'oje' chiri' toq xtiker-pe ri q'atoj richin ri cebada k'a toq xqaqa na ri job.*f8* Y kan man xuya' ta q'ij chi ri aj-xik' taq chikopi' yekitej ta ri ch'akulaj ri paq'ij, ni man xuya' ta q'ij richin chi ri k'uxunela' taq chikopi' yekitej ta ri ch'akulaj ri chaq'a'.

1 Rey 8:60

richin tiketamaj konojel tinamit richin chi jun ruwach'ulew, chi ri Jehová jari' ri Dios y man jun chik achi'el rija'.

2 Rey 5:15

Chirij ri' ri Naamán y konojel ri e beneq rik'in xetzolin chik rik'in ri Eliseo. Y ri Naamán xbepa'e' chuwech, y xubij chire: Wakami xq'ax chinuwech chi kan xaxe ri a-Dios rat ri k'o wawe' pan Israel, ri Dios richin chijun ri ruwach'ulew. Wakami k'a nink'utuj utzil chawe chi tak'ulu' kan re jun sipanik ri nuk'amon-pe chawe, xcha' chire.

Wuj Richin ri Jeremías 34:20

iwonojel k'a rix xkixinjech k'a pa kiq'a' ri e etzelanel iwichin, ri kan nikikanoj ri ik'aslen richin yixkikamisaj y ri ich'akul xketij koma ri k'ucha' y koma chikopi' richin pa k'echelaj.

Wuj Richin ri Rutikeribel 40:19

Pan oxi' q'ij apo ri rey xkaroyoj y xtrelesaj ajolon y k'ari' xkarutzeqeba' chutza'n jun che', y xkepe k'a ri aj-xik' taq chikopi' xtokitija-el ri ach'akul, xcha' chire.

Wuj Richin ri Jeremías 19:7

Re wawe' xtinwulaj-wi ri ich'obonik rix aj-Judá y aj-Jerusalem. Y xtinben chi ri e etzelanel iwichin xkixkich'ek y xkixkikamisaj chi espada. Y chuqa' ri ich'akul kan xtik'atzin richin xtok kiway ri aj-xik' taq chikopi' y ri chikopi' ri ek'o pa k'echelaj.