1 Sam 17:45 - Kaqchiquel Bible

⁴⁵ Y ri David xubij: Rat yape chuwij rik'in espada, rik'in kum y rik'in jabalina. Jak'a yin in peteneq chawij pa rubi' ri Jehová ri k'o ronojel uchuq'a' pa ruq'a', ri qa-Dios roj ri oj aj-labal; ri Dios ri man aya'on ta rejqalen rat.

1 Sam 17:45 ပူးပေါင်းရင်းမြစ်များ

2 Corintios 10:4

Ri niqakusaj roj richin niqaben oyowal rik'in ri itzel ja ri ruchuq'a' ri Dios, y man ja ta ri quchuq'a' roj. Rik'in ri uchuq'a' ri' kan yojtikir yojch'akon chirij ri itzel, stape' kan jebel ri rutobal rubanon.

2 Crón 32:8

Rija' xa achi'a' ri yeto'on richin; jak'a roj kan ja ri Jehová ri qa-Dios yojto'on chupan re oyowal re', xcha'. Toq xkak'axaj ri ruch'abel ri rey Ezequías, ri winaqi' kan xk'oje' k'a kuqubabel-k'u'x kik'in.

2 Corintios 3:5

Man niqabij ta chi roma roj k'iy yojtikir niqaben, man keri' ta. Jak'a roma ri Dios kan nuya' quchuq'a' chubanik.

Filipenses 4:13

Kan ja ri Cristo niya'on wuchuq'a' richin yitikir ninq'axaj ronojel.

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Wuj Richin Bix Chire ri Dios 124:8

Ri qato'onik roj kan rik'in k'a ri Jehová peteneq-wi, ri xbanon chijun ri kaj y ri ruwach'ulew.

1 Sam 17:36

Yin ri in asamajel kan nukamisan k'a koj y oso, y kan keri' chuqa' xtinbenbana' chire ri achin aj-Filistea ri xya'on kik'ix ri aj-labal ri e richin ri k'aslik Dios.

Wuj Richin ri Isaías 37:23

¿Achike ta k'a ri xaya' ruk'ix, y kan xaqasaj ruq'ij? ¿Achoq chirij xajeq pan achi', y kan janila xanimirisaj-awi' chuwech? Kan chuwij yin ri in Loq'olej ri ink'o wawe' pan Israel.

1 Sam 17:10

Wakami kan ja yin k'a ri yibin chiwe, chi titaqa-pe jun achin richin norubana' oyowal wik'in, xcha'.

Wuj Richin Bix Chire ri Dios 3:8

Awik'in k'a rat Jehová nipe-wi ri kolotajik ¡Taya' k'a ri urtisanik pa ruwi' ri atinamit!

Wuj Richin Etamabel-Tzij 18:10

Kan achi'el ri Kowilej Torre, keri' chuqa' ri rubi' ri Jehová, roma ri' ri wineq choj ruk'aslen nukuquba' ruk'u'x rik'in y napon chiri' richin nuto-ri'.

Wuj Richin Bix Chire ri Dios 44:6

Yin man ninkuquba' ta nuk'u'x rik'in ri rute-ch'ab, ni man ja ta ri espada ri xtikolon wichin.

Wuj Richin ri Isaías 37:28

Jak'a yin kan jebel wetaman toq rat yayakatej-el, toq yatok-pe y toq yatel-el. Chuqa' wetaman jebel toq awoyowal chuwe yin.

1 Sam 17:26

K'ari' ri David xch'on-apo kik'in ri ek'o chunaqaj y xubij: ¿Achike nuch'ek ri xtich'akon chirij ri aj-Filistea y nrelesaj ri k'ixbilal ri ruya'on pa qawi'? ¿Achike ta k'a re achin re' ri xa man qawinaq ta richin chi nuyek qoyowal roj ri kan oj rutinamit ri k'aslik Dios?, xcha'.

1 Sam 17:6

Y ri rutobal ri raqen e banon rik'in q'enq'oj-pueq y keri' chuqa' ri ru-jabalina ri ruk'uan chuwi-rutele'n, rik'in q'enq'oj-pueq banon-wi.

2 Crón 14:10

K'ari' ri Asá xbe richin xberubana' oyowal rik'in, e rachibilan ri aj-labal y xek'oje' pa taq'aj kojol juyu' richin Sefata chunaqaj ri Maresá.

Wuj Richin Bix Chire ri Dios 20:8

Rije' xa nik'is ri kuchuq'a' y yetzaq, jak'a roj kan jantape' oj pa'el.