1 Sam 17:37 - Kaqchiquel Bible

³⁷ Ri Jehová kan in ruto'on pa kiq'a' ri koj y ri oso, kan keri' chuqa' xkiruto' pa ruq'a' la achin la', xcha'. K'ari' ri Saúl xubij chire chi tibe, y kan ja ri Jehová xtito'on richin.

1 Sam 17:37 ပူးပေါင်းရင်းမြစ်များ

Wuj Richin Bix Chire ri Dios 63:7

Roma kan ja rat yato'on wichin, roma ri' kan xkik'oje' rik'in kikoten chuxe' ri aq'a' rat.

1 Crón 22:11

Wakami k'a, nuk'ajol yin; kan ja ri Jehová ri xtik'oje' awik'in richin xtapaba-q'anej ri rachoch, achi'el ri rubin chi ja rat xkabanon.

1 Sam 20:13

Jak'a wi ri nata' xa itzel ruch'obonik, kan ja ri Jehová xtiya'on ruk'ayewal pa nuwi' yin wi man xtinbij ta chawe, richin rat yabe rik'in uxlanibel-k'u'x. Y ja ri Jehová xtik'oje' awik'in achi'el xk'oje' rik'in ri nata'.

1 Sam 7:12

K'ari' ri Samuel xberuk'ama-pe jun abej y xuya' pa k'ulba't chire ri tinamit Mispá y ri tinamit Sen. Y xuya' rubi' re abej re' y xubini'aj Eben-ézer roma ri ch'abel ri' nel chi tzij: K'a re wawe' oj ruto'on-wi ri Jehová.

Wuj Richin Bix Chire ri Dios 138:3

Ri q'ij toq yin xich'on awik'in, kan xak'uluba-pe ri nuch'abel; kan xaya' k'a ri wuchuq'a'.

1 Crón 22:16

rik'in q'anapueq, ri saqipueq, rik'in q'enq'oj-pueq y ri q'eqapueq. Ek'o e k'iy samajela' ri man yatikir ta nawajlaj. Kan kasamej k'a pa rachoch ri qa-Dios y ja rija' xkato'on, xcha' ri David.

2 Sam 10:12

Y xubij chik ri Joab: Man qojmayamo-qa; xa kan tiqatija' qaq'ij, koma ri qawinaq ri chuqa' e ruwinaq ri Dios. Y ja rija' xtibin ri achike ruk'amon chi niqaben, xcha'.

Wuj Richin Bix Chire ri Dios 77:11

K'ari' xinch'ob chi xtinquqa' k'a rij ri samaj ri e rubanalon ri Jehová; Ja', kan más k'a utz ninch'ob ri meyel taq banobel ri xeruben ri ojer kan.

1 Sam 26:25

Y ri Saúl xubij k'a chire ri David: Utz ruwa-aq'ij David, ri at achi'el nuk'ajol. Rat kan xtabebana' nima'q taq samaj y kan ronojel utz xtuben chawech, xcha'. K'ari' ri David choj xbe chupan ri rubey, y ri Saúl xtzolej kan akuchi peteneq-wi.

1 Sam 24:19

¿Achike ta k'a xtibanon keri', chi toq nuk'ul ri etzelanel richin nuya-el q'ij chire chi nibe y man jun nuben el chire? Roma ri' kan ja ri Jehová xtutzolij rajel ruk'exel chawe re xaben wik'in chupan re q'ij re'.

Wuj Richin Bix Chire ri Dios 11:1

Rik'in ri Jehová nukuquban-wi nuk'u'x. ¿Achike roma nibij chuwe: katanimej, kabiyin pa taq juyu' achi'el nuben jun aj-xik' chikop?

1 Sam 17:36

Yin ri in asamajel kan nukamisan k'a koj y oso, y kan keri' chuqa' xtinbenbana' chire ri achin aj-Filistea ri xya'on kik'ix ri aj-labal ri e richin ri k'aslik Dios.

1 Sam 17:38

K'ari' xuteq rujalik ri David richin nukusaj-el tzieq ri richin oyowal ri nukusaj ri Saúl, y xuya-el jun rutobal ri rujolon ri banon rik'in q'enq'oj-pueq y chuqa' xuya-el jun rutobal ri ruwa-ruk'u'x.

Dn 3:17

roma kan qetaman k'a chi ri Dios ri niqasamajij roj, kan nitikir yojrukol chuwech ri q'aq' ri', y chuqa' nitikir yojrukol pan aq'a' rat rey.

Wuj Richin ri Josúe 1:17

Roj chuqa' xkatqanimaj, achi'el xqanimaj rutzij ri Moisés pa ruwi' ronojel. Xaxe niqajo' chi ri Jehová ri qa-Dios kan ta xtik'oje' awik'in, achi'el xk'oje' rik'in ri Moisés.

Wuj Richin ri Rut 2:4

Y toq ri Rut najin nipich'olin, xapon k'a ri Booz ri peteneq pa Belén, y xubij chike ri rusamajela': Ja ri Jehová xtik'oje' iwik'in, xcha'. Y ri rusamajela' xkiq'ejela' chuqa'.

Wuj Richin Bix Chire ri Dios 118:6

Rija' kan k'o wik'in yin, roma ri' man xtinxibij ta wi', chire ri itzel ri xtuben ri wineq chuwe.