1 Sam 17:35 - Kaqchiquel Bible

³⁵ jari' toq yibe chirij ri chikop, ninch'ey, y ninkol kan ri karne'l pa ruchi', y toq ri chikop ri' nitzolej-pe chuwij, yin kan ninjoq' pa ruchi' y ninkamisaj.

1 Sam 17:35 ပူးပေါင်းရင်းမြစ်များ

Am 3:12

Yin Jehová kere' ninbij: Kan xaxe ok juba' winaqi' aj-Samaria ri xkekolotej kan. Achi'el jun koj toq nuchop jun karne'l y ri yuq'unel xaxe chik juba' ruxikin o ka'i' taq baq richin ri raqen ri nitikir nukol kan. Keri' chuqa' ri winaqi' aj-Samaria. Ri kibeyomel man xkeruto' ta.

Dn 6:22

Ri nu-Dios xuteq k'a pe jun ru-ángel richin xutz'apej ri kichi' ri koj, richin chi man jun xkiben chuwe. Roma yin xa kan man jun k'a numak chuwech rija'. Keri' chuqa' chawech rat rey kan man jun numakun, xcha'.

Wuj Richin Bix Chire ri Dios 91:13

Xqojbiyaj k'a chikikojol ri koj y ri kumetz. Stape' xqojq'ax pa kiwi' alaji' taq koj y pa kiwi' itzel taq kumatzi' ri kan yekamisan, man jun xtiqak'uluwachij.

2 Sam 23:20

Chuqa' ri Benaías ri ruk'ajol ri Joiadá aj-Cabseel man nuxibij ta ri'. Rija' xerubanala' k'a k'iy banobel. Xerukamisaj k'a ri e ka'i' ruk'ajol ri Ariel ri aj-Moab. Chuqa' xqaqa pa jun jul y xukamisaj jun koj toq ruchapon niqaqa jun pim laj tew.

1 Sam 17:34

Y ri David xubij: Yin ri in asamajel in jun yuq'unel kichin ri rukarne'l ri nata', y toq nipe jun koj o jun oso y nuk'uaj-el jun chike ri alaji' taq karne'l,

1 Sam 17:36

Yin ri in asamajel kan nukamisan k'a koj y oso, y kan keri' chuqa' xtinbenbana' chire ri achin aj-Filistea ri xya'on kik'ix ri aj-labal ri e richin ri k'aslik Dios.