1 Sam 17:34 - Kaqchiquel Bible

³⁴ Y ri David xubij: Yin ri in asamajel in jun yuq'unel kichin ri rukarne'l ri nata', y toq nipe jun koj o jun oso y nuk'uaj-el jun chike ri alaji' taq karne'l,

1 Sam 17:34 ပူးပေါင်းရင်းမြစ်များ

Hebreos 11:33

Konojel rije' xkikuquba' kik'u'x rik'in ri Dios, roma ri' xech'akon chikij ch'aqa' chik ruwach'ulew, pa ruchojmilal xeq'aton-tzij, xkik'ul ri xesuj chike roma ri Dios, xetikir xekikamisaj koj,

Wuj Kichin ri To'onela' 14:6

Y jari' toq ri Espíritu richin ri Jehová xuya' ruchuq'a' ri Sansón, y rik'in k'a ri ruq'a' xukamisaj ri koj achi'el nikamisex jun ti tzuntzun; y man xuq'alajirisaj ta chikiwech ri rute-rutata' ri xuben.

1 Sam 17:33

K'ari' ri Saúl xubij k'a chire ri David: Rat man yabe ta. Man yatikir ta rik'in ri achin ri' roma rat xa k'a at k'ajol ala' na, y rija' jun achin ri kan richin-wi labal y kan k'a ala' na toq ruchapon-pe, xcha'.

1 Sam 17:35

jari' toq yibe chirij ri chikop, ninch'ey, y ninkol kan ri karne'l pa ruchi', y toq ri chikop ri' nitzolej-pe chuwij, yin kan ninjoq' pa ruchi' y ninkamisaj.

Am 3:12

Yin Jehová kere' ninbij: Kan xaxe ok juba' winaqi' aj-Samaria ri xkekolotej kan. Achi'el jun koj toq nuchop jun karne'l y ri yuq'unel xaxe chik juba' ruxikin o ka'i' taq baq richin ri raqen ri nitikir nukol kan. Keri' chuqa' ri winaqi' aj-Samaria. Ri kibeyomel man xkeruto' ta.

Wuj Richin ri Rutikeribel 31:39

Ronojel awawej ri yekamisex kan koma ri k'uxunela' taq chikopi', xinya-apo kik'exel, roma rat kan jantape' xe'ach'ojij chuwe, stape' xbanatej paq'ij o chaq'a'.

1 Sam 17:15

Y ri David nibe y nipe rik'in ri Saúl roma k'o chi nuyuq'uj ri rukarne'l ri rutata' chiri' pa Belén.

2 Sam 17:8

Y chuqa' ri Husai xubij chire: Rat awetaman chi ri atata' y ri achi'a' ri e beneq rik'in, e achi'a' ri man nikixibij ta ki'. Wakami rije' kan itzel kina'on y yakatajineq koyowal achi'el jun ixoq oso toq e majon-el ri taq ral chuwech. Chuqa' ri atata', rija' jun achin ri kan richin oyowal, y man xtuq'axaj ta re aq'a' re' junan kik'in ri ruwinaq.

2 Sam 23:20

Chuqa' ri Benaías ri ruk'ajol ri Joiadá aj-Cabseel man nuxibij ta ri'. Rija' xerubanala' k'a k'iy banobel. Xerukamisaj k'a ri e ka'i' ruk'ajol ri Ariel ri aj-Moab. Chuqa' xqaqa pa jun jul y xukamisaj jun koj toq ruchapon niqaqa jun pim laj tew.

1 Crón 11:22

Chuqa' ri Benaías, ruk'ajol ri Joiadá aj-Cabseel, chuqa' jun achin kan maneq xibinri'il chuwech. Y k'iy k'a nima'q taq banobel ri xeruben. Rija' xkamisan kichin ri e ka'i' achi'a' ri achi'el kewachin koj, achi'a' aj-Moab ri e ruk'ajol ri Ariel. Y chuqa' jun q'ij toq ruchapon ruqajinen tef, rija' xok-qa pa jun jul y chiri' xukamisaj jun koj.

Wuj Richin Bix Chire ri Dios 143:5

Noqaqa chinuk'u'x ri q'ij richin ojer. Ninquqa' rij ronojel ri meyel taq abanobal, rat Jehová. Ninch'ob rij ri nimalej awuchuq'a'.

Ez 34:12

Ri nuwinaq e sachineq kan chupan ri q'ij richin q'equ'm y ruk'ayewal toq xkitaluj-el-ki'. Jak'a re wakami kan xkenchajij achi'el nuben jun yuq'unel toq kan beneq ruk'u'x chikij ri rukarne'l.

Wuj Richin ri Zacarías 9:7

Rije' man xtikitej ta chik ti'ij rik'in kik', y chuqa' ch'aqa' chik q'utun ri kan ninwixowaj yin. Ri juba' chik winaqi' ri xkek'ase' na kan xke'ok aj-Israel. Xke'ok kik'in ri tzobaj richin kan ri Judá. Ri winaqi' aj-Ecrón xkexime' pa samaj achi'el xkiben ri aj-Jebús ri ojer kan.

Wuj Richin ri Zacarías 11:16

Roma yin kan xtinya' k'a jun aj-raqen ri nichajin kichin ri nuwinaq, achi'el jun yuq'unel ri man xtiniman ta chike ri karne'l kitalun-ki', ni man xkerukanoj ta ri e sachinaqi', ni man xkeraq'omaj ta ri q'ajineq kaqen, ni man xkeruch'elej ta ri e kosinaqi'. Xa kan xaxe k'a xtutej ri rutijul ri karne'l ri e ti'oj, y ni ta k'a ri ruwi' taq raqen xtuya' kan.

San Lucas 2:8

Chupan ri aq'a' ri' ek'o k'a yuq'unela' yekiwaraj kikarne'l pa juyu' ri naqaj nikanej-wi kan chire ri Belén.

San Juan 10:11

Y ja yin k'a ri utzilej yuq'unel, y ri jun utzilej yuq'unel nuya' ri ruk'aslen richin utz yek'oje' ri rukarne'l.

Romanos 5:4

Y rik'in k'a ri koch'onik, niq'alajin chi kuqul qak'u'x rik'in ri Dios. Y re' nuben k'a chiqe chi nik'oje' oyobenri'il qik'in.

Apocalipsis 13:2

Ri nimalej itzel chikop ri xintz'et, achi'el nitzu'un jun balma, jak'a ri raqen achi'el raqen oso, y ri pa ruchi' achi'el koj. Y ri nimalej itzel keq rij chikop ri k'o pa sanayi' chuchi' ri palou, xuya' uchuq'a' y q'atbel-tzij chire ri chikop ri' richin nuq'et-tzij pa ruwi' ri ruwach'ulew.