1 Sam 17:28 - Kaqchiquel Bible

²⁸ Jak'a ri Eliab ri nimalaxel runimal ri David xyakatej royowal toq xrak'axaj chi ri David nitzijon kik'in ri achi'a' ri' y xubij chire: ¿Achike roma xape wawe'? ¿Achoq ik'in xe'aya-wi kan ri ka'i' oxi' taq qakarne'l ri ek'o pa tz'iran ruwach'ulew? Yin wetaman chi roma ri retzelal ri awánima y ri animirisanen at peteneq wawe', xaxe richin nawajo' natz'et ri oyowal, xcha'.

1 Sam 17:28 ပူးပေါင်းရင်းမြစ်များ

San Mateo 10:36

Keri' k'a ri etzelanel richin jun wineq xa kan ja ri e aj pa rachoch.

Wuj Richin Etamabel-Tzij 18:19

Wi kan k'o itzel ri abanon chire ri awach'alal, kan man xkatok ta rik'in, roma xa nukowirisaj-ri' achi'el jun tinamit ri k'o tz'aq chirij; y ri man junan ta awech rik'in ri awach'alal, xa kan achi'el ri nawajo' ta yatok-apo pa jun jay ri k'o k'arak'ik ch'ich' chuchi'.

Wuj Richin ri Rutikeribel 37:11

Ri rach'alal nich'upun kik'u'x chirij, jak'a ri rutata' janila nuch'ob rij re achik' re'.

Wuj Richin ri Rutikeribel 37:8

Jak'a ri rach'alal xkibij chire: ¿Xtaq'et ta k'a tzij rat pa qawi' roj? ¿Kan xkatok ta k'a aj-raqen chiqakojol?, xecha'. Xketzelaj k'a más roma ri rachik' roma kan xutzijoj chike.

Wuj Richin ri Rutikeribel 37:4

Toq xkitz'et ri rach'alal chi ja rija' ri janila najowex roma ri kitata', kan janila k'a xketzelaj, kan man yech'on ta chik chire rik'in ajowabel.

Marcos 3:21

Toq ri e rach'alal ri Jesús xkinabej-pe, xe'apon richin nibekik'ama-pe, roma xkich'ob chi ri Jesús xa xch'ujer.

Judas 1:10

Jak'a ri winaqi' ri nikiya' ri man qitzij ta tijonik, xa itzel yech'on chirij ri man q'axineq ta chikiwech. Ri ti juba' ri ketaman rije', ketaman achi'el ri chikopi' ri man yech'obon ta. Y jari' ri nikikusaj richin nikitz'ilobisaj ri kik'aslen.

San Mateo 27:18

Ri Pilato kan keri' wi k'a ri xubij-pe, roma rija' kan retaman-wi chi ri winaqi' ri' kiya'on ri Jesús pa ruq'a' roma nich'upu kik'u'x chirij.

Wuj Richin ri Molojri'il 4:4

Chuqa' xintz'et chi ri ruk'ayewal ri samaj y ri ch'akoj chupan jun samaj xa nuk'amala-pe ch'upun-k'u'x chiqakojolil, chuqa' re' xa q'axel y xa man tikirel ta nawil ronojel ri nawajo'.

Wuj Richin Etamabel-Tzij 27:4

Kan poqon k'a ri rubanobal ri wineq ri tikil oyowal pa ránima y maneq joyowanik chuwech; jak'a ri etzelanik richin jun wineq; chirij jun chik ri utz k'o, xa más man koch'el ta.

Wuj Richin Bix Chire ri Dios 35:11

Xeyakatej winaqi' chuwij ri nikitz'uk-tzij chuwij. y nikik'utuj chuwe ri xa man wetaman ta.

1 Sam 16:13

K'ari' ri Samuel xuchop ri uk'a' nojineq rik'in aceite y xuqasaj pa ruwi' ri David chiri' chikikojol ri rach'alal. Y chupan k'a ri q'ij ri' ri Espíritu richin ri Jehová xoqaqa pa ruwi' ri David. Y ri Samuel xtzolin-el pa tinamit Ramá.

1 Sam 16:7

Jak'a ri Jehová xubij chire ri Samuel: Man tatzu' ri rubanik, ni man tatzu' ri rupalen, roma yin man ja ta la' nucha'on richin nok kan rey. Ri wineq ja ri rubanik ri nutzu', jak'a yin kan ja ri ránima y ri ruch'obonik ri nintz'et, xcha'.

1 Sam 17:29

K'ari' ri David xubij: ¿Achike k'a xinben yin? ¿Man ruk'amon ta kami k'a richin yich'on?, xcha'.

2 Crón 11:18

Y ri Roboam xk'ule' k'a rik'in ri Mahalat, rumi'al ri ruch'utitata' rubini'an Jerimot, y ri rute-rutata' ri Jerimot ja ri David y ri Abihail. Y ri Abihail rumi'al ri Eliab, ruk'ajol ri Isaí.