1 Sam 17:26 - Kaqchiquel Bible

²⁶ K'ari' ri David xch'on-apo kik'in ri ek'o chunaqaj y xubij: ¿Achike nuch'ek ri xtich'akon chirij ri aj-Filistea y nrelesaj ri k'ixbilal ri ruya'on pa qawi'? ¿Achike ta k'a re achin re' ri xa man qawinaq ta richin chi nuyek qoyowal roj ri kan oj rutinamit ri k'aslik Dios?, xcha'.

1 Sam 17:26 ပူးပေါင်းရင်းမြစ်များ

2 Rey 19:4

Tabana' utzil kach'on k'a rik'in ri Jehová pa qawi' ri juba' chik ri ojk'o kan. Rik'in juba' ri Jehová ri qa-Dios xrak'axaj ri ch'abel ri xerubila' ri aj-raqen pa kiwi' ri aj-labal aj-Asiria, ri itzel xch'on chirij ri k'aslik Dios. Y ja ta ri Jehová xtiya'on- pe ruk'ayewal pa ruwi', xecha'.

2 Crón 32:17

Ri Senaquerib kan xuben k'a k'iy wuj, akuchi janila nuyoq'-wi ri Jehová Dios richin ri Israel, y kere' nubij chirij: Achi'el xkiben ri ch'aqa' chik dios kichin ch'aqa' chik ruwach'ulew, ri man xetikir ta xekikol pa nuq'a', keri' chuqa' ri ru-Dios ri Ezequías man xtitikir ta xkerukol pa nuq'a' ri rutinamit, nicha'.

Wuj Richin ri Nehemías 5:9

Y xinbij jun bey chik chike: Ri yixtajin chubanik rix man utz ta. K'o chi niqaya' ruk'ojlen ri qa-Dios, richin keri' man yetze'en ta chiqij ri winaqi' richin jun chik ruwach'ulew.

Wuj Richin Bix Chire ri Dios 44:13

Xaya' k'a q'ij chi xojkik'ixbisaj ri ek'o chiqanaqaj. Kan yojkiyoq' y yetze'en chiqij ri tinamit ri kisutin-qij.

Wuj Richin Bix Chire ri Dios 74:18

Toqaqa k'a chi'ak'u'x chi ri e etzelanel kan kiya'on ak'ix rat Jehová. Chuqa' ri e nakaneq taq winaqi' xa yatkiyoq' k'a rat.

Wuj Richin Bix Chire ri Dios 79:12

Nimalej Jehová, taya' pa kiwi' ri winaqi' ri ek'o chiqanaqaj wuqu' mul rutojbalil. Taya' rutojbalil roma xatkiyojobej.

Wuj Richin ri Isaías 37:23

¿Achike ta k'a ri xaya' ruk'ix, y kan xaqasaj ruq'ij? ¿Achoq chirij xajeq pan achi', y kan janila xanimirisaj-awi' chuwech? Kan chuwij yin ri in Loq'olej ri ink'o wawe' pan Israel.

Wuj Richin ri Jeremías 10:10

Jak'a rat Jehová kan at qitzij Dios. Ja rat ri at k'aslik Dios, rey richin q'asen. Toq nipe awoyowal, ri ruwach'ulew kan nisilon y ri tzobaj taq winaqi' man yetikir ta nikikoch' ri awoyowal.

Wuj Richin ri Jeremías 9:25

Ri winaqi' aj-Egipto, ri aj-Edom, ri aj-Amón, ri aj-Moab y ri ek'o pa tz'iran ruwach'ulew, konojel rije' k'o ketal chirij ri kich'akul y re etal re' nik'atzin richin nikisamajij ri ki-dios. Jak'a pa taq kánima, maneq re jun etal re'. Noqaqa yan k'a ri q'ij toq xtinya' rutojbalil-mak pa kiwi' konojel rije'. Y rix israelita chuqa' k'o iwetal,*f4* jak'a maneq pa taq iwánima. Y roma ri' junan kik'in rije' xtinya' rutojbalil-mak pan iwi'.

Ez 28:10

Xkaken k'a achi'el yeken ri winaqi' ri man e richin ta ri Dios, y xkaken pa kiq'a' ri man e awinaq ta. Jare' k'a ri rutzijol ri ruya'on-pe ri Jehová chawe.

Dn 5:23

Pa ruk'exel chi xaqasaj ta awi', xa kan xanimirisaj-awi' chuwech ri Dios. Roma ri animirisanen kan xateq k'a ruk'amik ri qumbel ri xa e richin ri rachoch ri Dios ri rajaw ronojel, y chupan ri' xaqumun-wi rat, ri achi'a' ri k'o kiq'ij, ri awixjayilal y ri e a-concubina. Pa ruwi' ri' kan xaya' k'a kiq'ij ri dios ri e banon rik'in q'anapueq, saqipueq, q'enq'oj-pueq, q'eqapueq, che' y abej, stape' ri dios ri' xa man yetzu'un ta, ni man ye'ak'ex ta, ni man jun ketaman. Jak'a ri Dios ri achoq pa ruq'a' k'o ri ak'aslen, ri kan rutzuliben ronojel ri abey, kan man jun bey k'a xaya' ruq'ij.

Dn 6:27

Rija' kan yerukol ri winaqi' y kan yerujikiba' kan, kan yeruben k'a meyel taq banobel chila' chikaj y chuwech re ruwach'ulew. Ja rija' xkolon richin ri Daniel chikiwech ri koj, xcha' ri Darío.

Dn 9:16

Qajaw Dios, rat kan at choj-wi, y roma ri' tabana' utzil chi tik'o-qa ri awoyowal pa ruwi' ri atinamit Jerusalem, ri juyu' ri ch'aron chawe rat. Roma ri kimak ri qate-qatata', ri tinamit Jerusalem xa k'o pa jun nimalej ruk'ixbilal, chikiwech ri ch'aqa' chik tinamit.

Joel 2:19

Y xtubij k'a: Xtinya' k'a pe i-trigo, i-vino y ri aceite. Rik'in re' jebel xkixwa' y xkixbeyomer. Kan man jun bey chik xtinya' q'ij richin ri ch'aqa' chik winaqi' richin ri ruwach'ulew xkixkiyojobej ta.

Deut 5:26

Roma xa kan man jun k'a wineq ri nak'axan ri ruch'abel ri Dios ri nich'on pa jun ruxaq-q'aq' y nik'ase' ta kan, achi'el ri xqak'axaj roj.

1 Tesalonicenses 1:9

Ja winaqi' ri' ri yetzijon chi toq xojapon iwik'in, xojik'ul jebel. Nikitzijola' chuqa' chi xikuquba' ik'u'x rik'in ri k'aslik Dios richin nisamajij, y man xiya' ta chik kiq'ij wachibel.

Wuj Richin ri Josúe 3:10

Y chuqa' xubij: Rik'in ri xtitz'et wakami xtiwetamaj chi ri k'aslik Dios kan k'o-wi chiqakojol roj y kan ja rija' xtelesan-el chiqawech ri winaqi' cananeo, ri hitita, ri heveo, ri ferezeo, ri gergeseo, ri amorreo y ri jebuseo.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

1 Sam 11:2

Y ri Nahas xubij: Kan xtijunamatej k'a qawech wi xtiben ri xtinbij chiwe yin, chi chi'iwonojel ninwelesaj-el ri runaq' taq iwech ri k'o pan iwijkiq'a' y keri' xkenk'ixbisaj ri iwinaq, xcha'.

1 Sam 14:6

Y ri Jonatán kan kere' k'a rubin chire ri ruto'onel: Jo', qojq'ax-apo kik'in la winaqi' la', ri man ketaman ta ruwech ri Dios. Rik'in juba' ri Jehová xqojruto', roma chuwech rija' man jun k'ayew richin yojch'akon, stape' man oj k'iy ta, xcha'.

1 Sam 17:10

Wakami kan ja yin k'a ri yibin chiwe, chi titaqa-pe jun achin richin norubana' oyowal wik'in, xcha'.

1 Sam 17:30

K'ari' ri David xuch'er-el ri' rik'in ri runimal, y xberuk'utuj chike ch'aqa' chik achi'a'. Y rije' chuqa' xkibij achi'el ri xbix yan pe chire.

1 Sam 17:36

Yin ri in asamajel kan nukamisan k'a koj y oso, y kan keri' chuqa' xtinbenbana' chire ri achin aj-Filistea ri xya'on kik'ix ri aj-labal ri e richin ri k'aslik Dios.

1 Sam 31:4

Roma ri' xubij chire ri achin uk'uey rukamisabal: Tawelesaj la a-espada y kinakamisaj, richin chi man yepe ta ri achi'a' ri man ketaman ta ruwech ri Dios, y ja rije' xkekamisan wichin y xketze'en chuwij, xcha'. Jak'a ri uk'uey ri rukamisabal man xrajo' ta xukamisaj, roma janila xuxibij-ri'. K'ari' ri Saúl xuchop ri ru-espada y xuk'eq-ri' chutza'n y xukamisaj-ri'.