1 Sam 17:20 - Kaqchiquel Bible

²⁰ Ri ruka'n q'ij, ri David nimaq'a' yan xyakatej y xeruya' kan ri rukarne'l pa ruq'a' jun chik achin. Xbe rik'in ri taqikil achi'el xubij-el ri rutata' chire. Xapon k'a akuchi ek'o-wi-qa ri aj-labal, y jari' toq ri achi'a' nikinuk'-ki' richin yebe pan oyowal, y janila k'a yesik'in.

1 Sam 17:20 ပူးပေါင်းရင်းမြစ်များ

San Lucas 19:43

Roma ri' xke'iwil k'a q'ij richin q'axo'n, q'ij toq ri aj-labal xkebeyakatej-pe chiwij, y xtikisutij rij ri itinamit rik'in jun chik tz'aq, y xkixkiya' pa tijoj-poqonal, roma pa kinik'ajal xkixk'oje-wi kan.

1 Sam 26:5

Y ri David xbe y xapon k'a akuchi k'o-wi-qa ri Saúl. Rija' xutz'et jebel akuchi xewer-wi-qa ri Saúl y ri Abner, ruk'ajol ri Ner. Y ri Saúl kan niwer k'a chiri' ri akuchi k'o-wi-qa y kan kisutin-ki' chirij.

1 Sam 26:7

K'ari' ri David y ri Abisai chupan ri aq'a' ri' xebe kik'in ri aj-labal ri ek'o rik'in ri Saúl. Y rija' kotz'ol, y jebel k'a niwer chiri', y ri rukum ruch'ikiban kan pan ulew chunaqaj ri ruch'akat-ruwi'. Ri Abner y ri aj-labal, konojel yewer y kisutin rij ri Saúl.

1 Sam 17:28

Jak'a ri Eliab ri nimalaxel runimal ri David xyakatej royowal toq xrak'axaj chi ri David nitzijon kik'in ri achi'a' ri' y xubij chire: ¿Achike roma xape wawe'? ¿Achoq ik'in xe'aya-wi kan ri ka'i' oxi' taq qakarne'l ri ek'o pa tz'iran ruwach'ulew? Yin wetaman chi roma ri retzelal ri awánima y ri animirisanen at peteneq wawe', xaxe richin nawajo' natz'et ri oyowal, xcha'.

1 Sam 17:19

Ri Saúl y ri e rach'alal ri David y konojel ri achi'a' ri ek'o chiri' pa taq'aj kojol juyu' richin Elá, nikiben oyowal kik'in ri aj-Filistea.

1 Sam 17:21

Ri aj-Israel ek'o pa cholaj richin nikichop oyowal, y chuqa' keri' kibanon ri aj-Filistea, y nikitzu' k'a ki'.

Wuj Richin ri Josúe 3:1

Y ri jun chik q'ij ri Josué xyakatej nimaq'a' yan, rija' y konojel ri ruwinaq y xekiyek-el ri taq kachoch, xe'el-el chiri' pa Sitim y xe'apon pa taq'aj chuchi' ri raqen-ya' Jordán y xek'oje' na el juba' chiri'.

1 Sam 15:12

Nimaq'a' yan chire ri jun chik q'ij, ri Samuel xbe richin niberuk'ulu' ri Saúl, jak'a xbix chire chi rija' xa xbe pa tinamit Carmel, richin chi xbekibana' jun paban-abej richin natabel richin rija'. Y chirij ri' xbe chik qa pa Guilgal.