Y chire ri aj-raqen pa kiwi' ri awach'alal, nak'uaj-el re lajuj queso re'. Kabiyin y ye'atz'et kan ri animal achike kibanon. Wi utz kiwech, nak'en-pe chuwe jun xabachike retal richin kan q'alaj chi kan e utz, xcha'.
Ri ruka'n q'ij, ri David nimaq'a' yan xyakatej y xeruya' kan ri rukarne'l pa ruq'a' jun chik achin. Xbe rik'in ri taqikil achi'el xubij-el ri rutata' chire. Xapon k'a akuchi ek'o-wi-qa ri aj-labal, y jari' toq ri achi'a' nikinuk'-ki' richin yebe pan oyowal, y janila k'a yesik'in.
Keri' chuqa' ri Saúl y ri aj-labal aj-Israel xkimol-ki' y xek'oje-qa pa taq'aj kojol juyu' richin Elá, y xkinuk'-ki' richin nibekibana' oyowal kik'in ri aj-Filistea.